المعلمون لا يستفيدون من رفع الأجور !!!!!!!

[عطيه نصار]

أنا عطية عبد الغفار مدرس الحاسب الألى أنا مش فاهم حاجة بردوة

[اسماعيل2010]

حكومة قص ولصق العالى حيفضل عالى ( فى المرتبات ) لماذا لا يتم تخفيض رواتبهم ( عملا على العدالة ) البترول . المالية . العدل . الكهرباء . المياه . الاتصالات . الشرطة . اساتذة الجامعات . ليه أو لماذا لم يدخلوا فى قانون الحد الادنى ( هل هو الخوف ) ( إللى ليه صوت الحكومة بتقدره وبتعمل له ألف حساب )
المعلمين لأه ليه علشان الكادر إلغوه وساونا بالغير متعلمين......................... أين حق المعلم لماذا تصرون على إذلاله
( علشان ليس له صوت ) بعد 12 عام مرتبى بالكادر 742 إلغوا الكادر .بل إلغوا جميع الكوادر وحققوا العدالة العدالة........................................... .................................. حسبنا الله ونعم الوكيل فى كل ظالم ولا يتحمل المسئولية .......

[إلهام صلاح لاشين]

يبقى المدرسين مش رجالة لو معملوش حاجة دى فوضى يعنى معنى كده إن فراش المدرسة والزبال مع كل احترامى لهم كمصريين هيكون مرتبهم أحسن من المدرس ومدير المدرسة دى مهزله بكل المقاييس فليسقط وزير المالية والتعليم والصحة يا شرف وزراء حكومتك يستعدون الشعب فى وقت البلد فيه لا تحتمل الفتنة رغم إنى كنت ضد الإضراب إلا أنه لا حل سواه ولنتكاتف لتنظيم مليونية مع الأطباء نحن لانريد الكادر نحن نريد المساواة بالزبالين يا حكومة المتخلفين

[حسن الجمال]

الأخت إلهام معك كل الحق فيما قلت والله أنا كنت ضد أى إضراب من نوعه ولكن طالما أنهما مازالوا يكيلون بمكيالين فلابد لنا من وقفة وفين كلامهم عن الاهتمام القادم بالتعليم والمعلمين ولا كله كلام وخلاص ( صحيح دولة العواجيز )

[العجوز2]

اين المعلمون أين نقايبة المعلمون"

[seryo]

شفتم آخر الصبر علقم
ياما قلنا نقف وقفت رجاله ونطالب بحقوقنا قلتم نصبر
لازم من وقفة قوية لكل مدرسين مصر من الصعيد الى الاسكندرية
نحدد يوم ومكان فى كل محافظة !!!!!!!!!!
والا ح نعيش فى !!!!!!!!!!!!!

[رودي توتو]

يا جماعة وزير الصحة عمل حد ادني للاطباء 1200 الخيبة كلها علي وزير التعليم

[إلهام صلاح لاشين]

المشاركة الأصلية كتبت بواسطة حسن الجمال

الأخت إلهام معك كل الحق فيما قلت والله أنا كنت ضد أى إضراب من نوعه ولكن طالما أنهما مازالوا يكيلون بمكيالين فلابد لنا من وقفة وفين كلامهم عن الاهتمام القادم بالتعليم والمعلمين ولا كله كلام وخلاص ( صحيح دولة العواجيز )

أستاذ حسن المهم ننظم الموقف ونتكاتف لأن هناك معلمين لايعلمون أين تدق الطبول ولا يهتمون بالقضيه من الأساس

[إلهام صلاح لاشين]

المشاركة الأصلية كتبت بواسطة رودي توتو

يا جماعة وزير الصحة عمل حد ادني للاطباء 1200 الخيبة كلها علي وزير التعليم

هذا الكلام لم يطبق حتى الآن وأصبح الطبيب مثل المعلم فى الخيبة وهذا كلام ثقة

[mamdoh.aly]

ياريت يا جماعة لا نصدق كلام الجرائد اللى عايزة تولعا وخلاص ... وهل من المعقول مستشار الوزير يقول أن المعلمين اللى بياخدوا كادر تجاوزوا 700 جنيه وهذا لم يحدث ثم هل من المعقول أن مستشار الوزير مش عارف أن المعلمين يبدأ تعينهم على الدرجة الثالثة ولا فاكرهم على الدرجة السادسة (عامل أمى) ................ أنا مش مصدق كلام الجرائد !!!!!!!!!!!!!

[أبو إسراء A]

الحل يا جماعة الخير
نرفض الكادر ونطالب بالحد الأدنى ، لأنه سوف يحقق لنا مرتب أكبر ، لأنه حسب الجدول إلى الدرجة الثالثة 700جنيه ثم نزداد 287 لكل درجة ، وإذا قمنا بالحساب البسيط نجد أننا بالحد الأدنى وزياداته و بدون كادر أفضل ، وخصوصا الكادر لن يدخل فى حساب المعاش .
هذا الحل أعلاه صحيح إلا إذا أخذ الجميع بمن فيهم المعلمون 287 لكل درجة ، فيكون وجود الكادر أفضل .
اللهم صب علينا الخير صبا ولا تجعل عيشنا كدا.

[مجرد حلم]

الحل اعتصامات وامتناع عن العمل فى اى مدرسة واى امتحان حتى لو الامر وصل للعنف البلد دى متعترفش الا بالقوة

[zahara_4]

الحل الامتناع عن المراقبه فى امتحانات الثانويه العامه والتصحيح طالما مالناش قيمه كده انا بعد 16 سنه باخد 820 جنيه وبكره فيه اجتماع بوزاره الماليه مع عمال مصر لتوضيح الامر لهم والسماع نرجو الانضمام لهم بصراحه احنا الوحيدين اللى اشتغلنا بهدوء ومطلعناش مليونيات ولا اعتصامات واحترمنا نفسنا وخلصنا العام الدراسى على خير وباقى الثانويه العامه بناقصها وخليهم يعرفوا مدى تعب المدرس ولو غضب ممكن يعمل ايه

[zoghbawy]

المشاركة الأصلية كتبت بواسطة محمدسليمان1

نمتنع الان عن العمل فى امتحانات الثانوية العامة ونعلنها بصوت مرفوع مفيش امتحانات الا بقرار فورى من المسئولين بأحقيتنا فى هذه الزيادات ومش عاوزين الكادر النحس ده

هو ده الكلام نمتنع عن أعمال امتحان الثانوية و يشوفو مين يراقب و يصحح و مش عايزين كادر .

[zahara_4]

المشاركة الأصلية كتبت بواسطة zoghbawy

هو ده الكلام نمتنع عن أعمال امتحان الثانوية و يشوفو مين يراقب و يصحح و مش عايزين كادر .

وانا معاكم اصل المعلمين محترمين اكتر من اللازم لا شاركنا بمظاهرات ولا اعتصمنا وخلصنا اغلب العام الدراسى واشتغلنا امن لمدارسنا فى ظل غياب الامن كل ده وننحرم من الزياده اكبر ظلم طبعا معاكم ان شاء الله