إلي أحمد الطيب ..ياريت تقرأه

[ابومازن الغنيمى]

والله انا كنت مستغرب على مدرسى الازهر اللى كانو ا بيهللوا لشيخ الازهر علشان كان بيبعت لنا كل فترة فتافيت ويعلقنا قبلها بشهر ببث الاشاعات حتى نفضل دايما مشغولين بالشهر اللى جاى لدرجة ان البعض من اعضاء المنتدى رشحه لرئاسة الجمهورية علشان يوزع شهر على مصر كلها لكن اتضح انه كان بينضحك علينا ؛ كل المتعاقدين اتثبتوا والازهر غرقان فى شبر مية حتى ال 15% الناس كلها صرفتها والازهر مش عارف يسويها ولم نسمع الا وعود ولم تحرك الثورة فينا ساكننا ولم نسمع للازهر رأى او تعليق عن الحد الأدنى لمعلميه للاسف لم نسمع ما يشعرنا بقيمتنا فالى الله المشتكى !!!!!!!

[الاستاذة نجلاء علي]

علي ما أعتقد ان شيخ الازهر مايعرفش بموضوع الحد الادني ههههههههههههههههههههههه
علي طول يستني لما وزير التربية و التعليم يطلع تصريح و بعدين سيادته يبقي يطلع بعدها يقول زيه
ما فيش مرة يبتي أبدا

[مينومينو]

لنا الله
اعتقد ان شيخ الازهر ينتظر قرار استقلال الازهر سنة الله اعلم
وكذلك ضم الاوقاف ليستفيد من صناديق النذور ليضيفها الى راتب المعلم

[إبراهيم الهادى]

منك لله يا اللى فى بالى

[حسن الامين على]

المشاركة الأصلية كتبت بواسطة amr nageh

ياريت يشيلوا الطيب لأنه فعلا طيب وملوش إنه يمسك مشيخه الأزهر لإنها كبيره عليه وأقترح إن وزير التربيه والتعليم يمسك المشيخه لإنه راجل رفع من مكانه معلمي التربيه والتعليم وعين المتعافدين أما الطيب المغلوب علي أمره يقعد في المنزل يساعد المدام في الطبيخ وتنظيف البيت لأن اللي ملوش كلمه في عمله ملوش كلمه في بيته ويسبها للي يقدر علي المسؤليه للي هو مش قدها

هذا الكلام لا يليق فى حق الشخص الذى يجلس على كرسى المشيخة حتى وان اختلفنا معه فى الراى
فهذا الشخص الذى تتكلم عنه هوشيخ الازهر ولابد ان نتكلم عن شيخ الازهر بطريقة تليق بعلمه ومكانته
وعلى العموم لم تكن تستطيع ان تقول هذا الكلام ايام طنطاوى

وارجو من جميع الاخوة ان يتكلموا عن شيخ الازهر بطريقة تليق به وهناك فرق بين النقد وبين السباب والتجريح

هل نسينا ان منصب شيخ الازهر هو اكبر منصب دينى فى مصر وفى المنطقة كلها
يخطىء من يظن ان الديمقراطية هى التطاول على رجال الدين والعلماء فهذه ديماجوجية

[ابومازن الغنيمى]

الرجاء من الاخوة عدم اخراج مالا يليق من الالفاظ أو التجريح فى العلماء فالمشكلة ليست فى شيخ الازهر وانما هى فى سياسات الازهر ككل ومعلموا الازهر مظلومين فليس لنا نقابة ولاوزارة لتقوم بمطالبنا وانما ننتظر ما يأتى به اخواننا فى التربية والتعليم ويطالبون به ليطبق علينا نسأل الله عز وجل ان يحقق لنا الاستقلال ويجعل للازهر كلمة مخلصة ومسموعة فى الايام القادمة

[meme2]

لا تذعل يا شيخنا الحبيب الله معك

[ahmedhany1212]

الى كل جاهل يتطاول على هذا على هذا الشيخ الجليل فعليكم بالتريس فهذا لايستحق منا الا كل ثناء انتظز الازهر قريبا جدا ستفخر انك تعمل تحت راية هذا الشيخ الجليل وكفى بذات

[NazeeH]

المشاركة الأصلية كتبت بواسطة مسيو إيهاب

الطيب مش فاضى للمعلمين
الحل الأضراب عن الامتحانات
ويبقى يخلى بتوع المشيخة ينزلوا اللجان بدل المدرس

لماذا تم ايقاف صاحب الموضوع؟

[mido3060]

يا اخوانى واخواتى هذا الكلام لا يليق بحق الشيخ الجليل والذى لا ننكر أنه منذ توليه المشيخة وبدأ حال الأزهر ينصلح كما أن وعد ببعض التعديلات ولنا أن نصبر .
فهل نسيتم أنه وعد بزيادة مرتبات العاملين بالأزهر بدأ من شهر يوليو والكثير والكثير من السادة الأعضاء قام بإعلان هذا الخبر فرحا مسرورا .
انسيتم أنه قضى على رؤس الفساد فى مشيخة الأزهر .
دا انتم بتوع التربية والتعليم نفسهم يبقوا أزهريين فلماذا نبخس حق الشيخ الجليل وكل هذه الزيدات لن تصرف قبل شهر يوليو كما أن وعد الشيخ فى شهر يوليو .
إذا الصبر مفتاح الفرج فلماذا القلق وهل تخاذل عنكم فى شئ .
فلنصبر وما أقربك يا شهر يوليو .

[محمود زين2020]

المشاركة الأصلية كتبت بواسطة nazeeh

لماذا تم ايقاف صاحب الموضوع؟

أجيبوا أيها المراقبون :

لماذا تم ايقاف صاحب الموضوع ؟

[ذ/ ايمن جمال]

علشان تبقى تصدقونا احنا اللى نستاهل هو معلم التربيه والتعليم احسن مننا فى ايه بس بصراحه جدعان قالوا نعمل اعتصام وعملو واحنا قالنا نعملم اعتصام ومعملناش وستنينا لغايه لما الامتحانات تخلص هههههههههههههههههههههههههههههه