خدعوك فقالوا .. الغش تعاون

[shosheta]

اللى عايز يغش اهلا وسهلا كله على دماغه فى الاخر وان ما كانش فى الدنيا يبقى عند ربنا

[samar saad]

المشاركة الأصلية كتبت بواسطة usernamo

اقولك ع الصراحة .. انا كل ماش اغش اغش غلط .. فبتجنب الموضوع ده .. اللى يحرق بقى .. ان اللجنة كلها بتغش .. و اللى قدامى فاشل فشل السنين .. و جاب اعلى منى .. عشان غش .. طب يعنى انا مصيرى ايه ! .. لا و اللى ورايا عامل زى الدبانة .. كل شوية امجد امجد امجد امجد امجد امجد .. و مش بيسكت .. بفكر السنة دى اخد مطرقة ذباب معايا .. و ده طبعاً مش بيخلينى اركز .. و تلاقى المدرس شبه الراجل اللى فى مسلسل الشيماء .(( من شتت قومكم .. خزاعة .. من قتل زعيم قبيلتكم .. خزاعه )) و داخل و علامات التشاؤم و التجهم تملؤ عيناه .. يقول لك فى صوت اجش لا تدرى من اين يصدر .. اللى هيغش هطلع تراتيت تيــــــــــــــــــــت .. و فى الاخر الاقيه حنين اوى مع بعض الطلبة .. و يا حبيبى و الكلام ده .. طب بزمتك ده منطق .؟؟

عشان كده فى بعض الاحيان .. يبقى الغش ارثاءاً لمبدأ تكافؤ الفرص !

هههههههههههههههههههههههههههههههههههههههه مش قادرة والله من كتر الضحك
وفعلا ولله بس ربنا مش بيسيب حد
انا برضه بعانى من اللى يفضلوا يندهوا عليا مرةوالله صوت وفرجت الماقبين علينا من كتر ما اللى قاعده قدامى صدعتنى من كتر ماتنده عليا

وفعلا بيبقافيه توصية كتيرفاللجان والله لو تعرفلك حد من اللى موصين عليه كده تبقا ضمنت الدرجات النهائية طول عمرنا كده وعمرنا ماهنتغير

[هارى12345]

لا انا حكايتى مع الغش حكاية
من 1 ابتدائى
عندنا العيال عباقرة فى الغش
بس طبعا من 1 الى 3 ابتدائى مكنتش اعرف هما بعملوا ايه لانى كنت ببقى عامل زى الديسك اللى قاعد عليه
ادخل الفصل اقعد ادعى فى سرى المراقب يدينى الورقة انعزل تماما عن الناس اللى حوليا حتى لو المراقب نادم عليا مش برد عليه
من 4الى 5 كانت امتحانات نقل والمدرسين كانوا عارفينى فمكنوش يقدرو يقولوا كلمه فى اللجنة والا كنت ...........
بس بردو مكنتش باخد بالى من العيال
6 ابدائى كانت شهادة وبابا قالى لو حد غشش اقف وقول انا هشتكى لمدير الادارة ..............
فعلا كان فيه مدرسين ربنا يكرمهم ويكتر من امثالهم كانوا حاكمين اللجنة كويس
وفيه مدرسين........................................ ....بس الصراحة مكنتش قادر اقف واقول حاجة كنت بقعد اكتر من ربع ساعة اشجع نفسى انى انطق كلمة مش قادر
نيجى بقى ل 1 و2 اعدادى كانوا نقل وكنت بمتحن فى الطرقة بتاعة المدرسه......اه والله قدام المكتبه
مش عارف ايه الغباء ده .........قاعدين فى الشارع يعتبر وناس ماشية وناس جايه
طبعا المدرسين مكانوش بيغششوا بس فيه حاجة مفقوسه اوى العيال بيعملوها وكل مرة اقول للمراقب بعد ما نطلع من اللجنة وساعات واحنا فى اللجنة (لو سمحت يا مستر دول بيطلعوا يغشوا وانت عارف كدة كويس. يقولى مش هيفلحوا ركز انت بس فى الورقة . ويا عم الكل هينجح)

ايه هى بقى الخطة المفقوسه..................... ................ركزوا معايا
بعد استلام الورقة وقراءة ما بها وحفظ الاسئلة الصعبه واللى مش عارفينها
يبدا الفيلم الهندى

اااااااااااااااه بطنى مش قادر يا مستر عايز انزل الباسروم مش قادر ااااااااااااااااااااااااااااااااااااااااه

راح المستر يصدقه وينزله
مفيش دقيقة
ااااااااااااااااه يا مستر مش قادر هنزل اغسل وشى واجى بليييييييزااااااااااااااااااااااااااه
وهكذا ........................

نيجى بقى ل3 اعدادى
قولت لاااااااااااااااااااااا لازم يكون ليا موقف
المدرسين مكنوش بيغششوا الصراحة بس الافلام الهندية شغالة طبعا وخلى بالكوا العيال بيبقوا متفقين مع بعض يعنى اللجنة كلها عاملة خطة محكمة والموضوع ده بيبقى منتشر فى المدرسة كلها
نسبه الغشاشين %99 نسبة اللى مش بيغشوا 5.% اما ال 5.% الباقيه فدول اصلا مبيبقوش عارفين هما بيمتحنوا ايه

جيه بقى وقت امتحان الرسم
وانتوا عارفين الاسئلة اللى بتيجى فى الرسم
وربنا رزقنى بمراقب.......استغفر الله............بس بردو كان فى اللجنة واحده قريب قريبى

واحد دخل علشان يغشش
وقفت وقولت لااااااااااااا (صوت عالى ) اللى هيقول كلمة والله هروح لمدير الادارة واروح المديرية كمان واوديكوا فى.........(مكملتش الكلمة والا كان زمانى فى الترب حاليا)

الاستاذ قالى معلش ده امتحان رسم قولت لاااااااااا بردو
وقف ابن الراجل اللى عايز يغشش وقالى والله ليغشش (خلو بالكو الناس اللى بتدخل مبتبقاش من المدرسة اصلا ومعرفش هما بيدخلوا ازاى ) واشتد الموضوع وكنا هنمسك فى بعض لولا قريبى اللى قولتلكوا عليه
راح الراجل قال طب انا هدور عليهم واحد واحد اوريهم الورقه بس ( يا سلام على الذكاء بتاع الراجل.ده اترشح لجايزة نوبل قبل كده )

المهم قولتله ايه هو ده و......................
بس فى الاخر غشوا ورحت البيت عايط و.................بابا قالى مهما حصل متخليش حد يغشش ابدا وقول انك هتروح للمحافظ
عدت الايام وجيه يوم الكمبيوتر (الله يخرب بيته لولاه كان زمانى فى قائمة اوائل المحافظة للاسف)

ربنا رزقنى بمراقبين مش واحد بس عاملين زى جون سينا
جيه نفس الراجل اللى كان غشش فى الرسم ومعاه مذكرات وكتب ياما
وقفت وقولت .................ركزوا معايا......................
(اقسم بالله العظيم اللى هيقول كلمة لاروح للمحافظ ذات نفسه واشتكيكوا لوزير التعليم ........فين مراقب الدور انا عايزه دلوقتى حالا ..............)

جابولى رئيس الدور قالى مالك ياد والله اديك على وشك عاملينا زوعة من اول يوم ليه.......هعلملك على الورقه!!!!!!!!!!!!!!
وشى احمر والدموع كانت هتنزل وحسيت الوقت قرب يخلص
قعدت من غير ما اقول ولا كلمه

بعديها بعشر دقايق لقيت العيال مطلعين مذكرات وكتب بصيت للمراقب قالى يا عم ده اخر يوم وماده مش مستاهلة قولت
والله العظيم لاوديكوا كلكوا فى داهيه كل المراقبين وانت ورئيس الدور كمان وميهمنيش حد وهتشوفوا و..................

الاستاذ قام علشان يضربنى لولا واحد معرفه يعنى

خلصنا الامتحان وسلمت الورقة وقعدت اعيط وقولت للاستاذ وانا ماشى
ربنا ينتقم منكوا كلكوا ............................الله يخرب بيت التعليم

والعيال تضحك ......تضحك ويغظونى شوفتوا الوقاحة وصلت لغاية فين
1 ث بقى الصراحة مينفعش حاجة تحصل ليه....................(كان غش بسيط)
مش هقول
خلص الفيلم وكل سنة وانتوا طيبين جبتلكوا صداع اصلى لقيت نفسى فاتح الموقع مش بعمل حاجة قولت اسلى نفسى

يا رييت اى حد بحصل فى مدرسته كده ميسكتش ومتقلوش حرام ولا مش حرام والكلام الفاضى ده
مهما حصل
وعايز اقول حاجة اخيرة ان التعليم بالمنظر ده مش مقياس ابدا ...ابدا لان ده بيحصل فى المدارس الحكوميه
اما المدارس الخاصة فمش عايز اقلكوا بيحصل فيها ايه ...........
يلا سلاااااااااااااااااااااااااااااااااااااااااااااااا ااااااااااااام

[احمد م حجازي]

أكبر مشكلة فى الغش

أنه يفسد الضمائر منذ الصغر و هو سبب فساد الامة

و قال رسولنا الكريم ( من غشنا فليس منا )

و من تعود على الغش منذ الصغر يظل هذا اسلوب حياته

و حسبنا الله و نعم الوكيل في كل من يغش أو يساعد على الغش

[منار على]

للاسف موضوع الغش دا مشكله خطيره فى نظرى نتيجه لنظام فاشل ومدرسين منعدمى الضمير بدل مابيعلموا الطلبه علم بيعلموهم ازاى يطلعوا غشاشين فى مجتمع اكتفى بالغشاشين والمخادعين والشماعه اللى بيعلقوا عليها اخطاءهم اولياء الامور الغلبانين التعبانين طول السنه ومسالوش نفسهم ان فيه كمان اولياء امور غلبانين وتعبانين طلعت عنيهم فى المذاكره مع اولادهم وبيجوا فى الاخر يساوى بينهم وبين طلبه مهملين ومش كدا وبس دا نتيجه تسهيل الغش الطالب الشاطر بيبتدى يهمل فى مذاكرته وبيجيله احباط واحساس انه حتى لو اجتهد هيتساوى باللى معملش حاجه واساسا المدرسين اللى بيعملوا كدا اغلبهم لا صعبان عليهم اولياء الامور ولا حاجه دول فعلا خايفين منهم خايفين لو شدوا لجنه ينضربوا اويحصلهم حاجه بيداروا جبنهم ورا حجه وفيه فيهم بقى اللى بيعمل كدا عشان مصالحه الخاصه والدروس وبجد حسبى الله ونعم الوكيل فى النوعيات دى من المدرسين لانهم مخربين مش مدرسين

[اسراء محمد مرعى]

تب اللى بيراجع مع زميلة
يعمل اية

[شنطة حمزه]

جزاكم الله خيرا ع الحضور
وربنا يوفقكم جميعا بإذن الله
ويبعد عنكم الغشاشين دول

[أيمن الوزير]

للأسف أيها الفاضل أن الغش انتشر بصورة قبيحة من معلم يؤسفني أن أقول قبيح و والله أن السبب الرئيسي في الغش هو المعلم ولا أحد غيره ولا أقصد معلم لا يشرح فهذا بينه وبين ربه ولكن ملاحظ وقف في لجنة الامتحان ليناول ورقة الغش من طالب لطالب وحسبي الله ونعم الوكيل من هذه النوعيات والتي أصبحت هي الغالبية

[EbTeSaM91]

الغش ده مشكلة كبيرة

اولا اللى بيغش بيستريح ع كده

اللى بيغشش بيضيع تعبه ومجهوده كمان

انا الصراحة غشيت مرة وكان ف المستوى الرفيع وكانت الخريطة واخدتها غلط

اللى هيغشش يعنى مش هيغشش صح ولو غشش مش هيديك اجابة كاملة محدش اهبل

[اجاثا ديجورى]

فعلا الغش بقه ظاهرة رهيبة تقضى على الكل زى ما قال كاتب الموضوع
انا طول عمرى لا بغش و لا بغشش فى ابتدائى كان الموضوع بسيط اوى لدرجة انى مكنتش اعرف ان حد بيغش زى ما التوا بالشفايف و حركات بس و انا كنت اول اللجنه فمبحسسش انما المشكلة كانت فى اعدادى انا نوعا ما شاطرة وبطلع من الاوائل فالكل حاولوا معايا علشان اغشش و متخليوش الى سمعته بنات عندنا فى الدفعه بتديكى ادله و برهاين و اثباتات مش ان الغش حلال بس انما كمان فضيلة و حاجة الواحد ياخد عليها ثواب!
ان دة تعاون و لو البنت دية نقصت اهلها ذنبها ايه و فمروض انصح مامتها لدرجة انى بفكر اقول للمدرسة يبجلونا شيخ يفم البنات عندنا ان الغش حرام فى 1 و 2 اعادى كانا الموضوع ملوم الحمد لله فية كتير اوى من مدرسينا كويسين جدا وبيمكسوا اللجنة اوى و بيحالوا يوقفوا دة قدر استطاعتهم لكن فى ناس بردة مبتراعيش ضميرها فى الى مش بيغش وصلت ان مدرسة الدين حرضت الكل انهم يغششوا زمايلهم !!!!!!!!!!!!
لكن انا وصلت لاتفاق مع البنات فى الجنة كنا بنات و اصحاب اوى سهل الموضوع ممكن يكلموا حتى ادامى عن خطط الغش مش حقول لاى حد بس مفيش حد يزن على دماغى ان اغشش
فعلا فى 1 و 2 كان الموضوع ماشى اللجنة بتفلت ثوانى لكن بترجع زى الاول و ان كان دة كان احيانا بيزعلنى لانى كنت عارفة انها وصلت ان فى اوائل بيطلعو اوائل بالغش و ابقى انا مثلا العاشرة و عارفة ان فى 5 قبليا خدوها بالغش لكن مكنتش بحب اشتكى لحد ايا كان دول اصحابى و انا فى نفس الوقت بحاول انصحهم و افهمهم
لكن فى 3 اعدادى كان الموضوع صعب اوى اوى كانت لجان الوزارة رهيبة الكل بيغش و بصوت عالى مسمعفى كل حتة و المراقبين و لا هما هنا و معرفتش اركز فى كتير من الامتحانات و فعلا دة كان حيفرق معايا اوى لدرجة انه فى امتحان مادة بقيت بعيط المراقبة تعاطفت معايا و مسكت اللجنة خمس دقائق و بعدين فلتت تانى لولا لجان الادارة فالته فعلا كان ممكن اجيب فوق 98 % ففعلا بقيت غضبانة جدا و مكنتش عارفة اعملاية بس سكت خصوصا انى عارفة انهم نوعا ما تقبلوا انى مش بغشش انما انى اقول لحد دية كانت حتبقى مشكلة كبيرة اوى
لكن الحد لله ربنا كان معايا و فعلا كانت التصحيح شديد اوى على الى كانوا بيغشوا و و الحمد لله انصفت فى التصحيح
انا عاوزة اقول لاى حد حاول انك توصل رايك لاصدقائك او توصل معاهم لحل و ثق ان ربنا مش حيرضى ان الظلم يستمر و انهم يتفوقوا على طول و انه حينصفك