لا لضياع الدرجات المالية والترقيات

[هيما2010]

من الان ايها الحكومة الفاشلة اقول لكم انتظروا رد فعل القدامى من الموظفين والاضراب عن العمل وخلى الاقتصاد يبقى ينتعش بقى طالما فيه حكومة فاسدة زيها زى اللى قبلها ، انتم عاوزين منا ايه لما اكون موظف بقالى 17 سنة ومرتبى 450 جنيه وبالحوافز 710 اعيش ازاى انا ومراتى وبنتين عاوزين يعيشوا ويتربوا احنا زهقنا وطهقنا حرام عليكم يا كفرة يا ظلمة لما اكون على الدرجة الثانية ومرتبى كده وغيرى على نفس الدرجة فى وزارة ثانية وياخد 2000 جنيه ليه يعنى ؟هو بيعمل اللى انا مبعملوش وذنبى ايه انى اتعينت فى وزارة بنت ستين كلب وغيرى اتعين فى وزارة بنت ناس احنا زهقنا وقرفنا من ام التفرقة فى البلد دى وانا عن نفسى وزمايلى مش هنسكت واعملوا الى انتم عاوزينه احنا اصلا ميتين بالحيا هتعملوا فينا ايه تانى

[هيما2010]

انا مش فاهم حاجة واللى فاهم يقولى انا دلوقتى مرتبى 610 اية اللى هيحصل معايااصل ممكن يريحوا نفسهم ويدونى ال90 جنيى الباقية ويدونا مقلب فى الحد الادنى للاجور ونفضل برضة شحاتين المشكلة انة حتى لو ادونا 1000 جنية برضة هنفضل شحاتين بعد الايجار والاقساط والكهرباء والمية برضة شحاتين بالمناسبة اساسى مرتبى 252 جنية والباقى فضيحة المعلم المسماة بالكادر ومش رايح الملاحظة بتاع الثانوية العامة بكرة واللى يحصل يحصل ضربوا الاعور على عينة قال خربانة خربانة بالمناسبة انا على الدرجة الثالثة من سنة 2000 يعنى من 11 سنة المهم الحمد لله الذى لا يحمد على مكروة سواة مش عارف والدى الله يرحمة استحمل فى التربية والتعليم 36 سنة ازاى الله يرحمة هو السبب.

[الأستاذ محمد عامر]

المشاركة الأصلية كتبت بواسطة مجاهد شحاته

الحد الادنى مالوش علاقه بالاساسى
وبعدين هو مرتبط بالدرجة المالية
يعنى اللى على الثالثة الصافى 700 جنية
واللى على الثانية الصافى 987 جنيه
احنا فين
لسه ثالثة

لا طبعا هيحاسبك زى اللى على الثانية لاننا اذا سلمنا انه لا درجات فى الكادر فان فيه ما يعادل الدرجات فمسمى معلم يعادل الثالثة ومسمى معلم اول التى ستحصل عليها تعادل الثانية وهكذا لان هذه المسميات كانت فى البداية على اساس الدرجات

[donatlo]

يعمل ايه اللى مفرو ض يأخذ در جة كبير و ضاعت عليه و الان يتساوى مع تلاميذه

[مجاهد شحاته]

تابعوا معر\ى رد مسئول الوزارة على الفيس بوك وشوفوا الرد شكله ايه
http://www.facebook.com/topic.php?ui...eply#post12816

[الأستاذ محمد عامر]

ايه اللى فهمته من رد المسئول

[مجاهد شحاته]

ان الاقدمية راحت لان الاكادمية لم تفتح باب الترقية من 2009
وان دفعت 2000 و ما بعدها سوف تتقدم باوراق الترقية عند فتح الباب هذا العام

[الأستاذ محمد عامر]

المشاركة الأصلية كتبت بواسطة مجاهد شحاته

ان الاقدمية راحت لان الاكادمية لم تفتح باب الترقية من 2009
وان دفعت 2000 و ما بعدها سوف تتقدم باوراق الترقية عند فتح الباب هذا العام

لكن الوزير صرح اكثر من مرة وايضا طارق الحصرى مساعد الوزير باحتساب سنوات الاقدمية لمن يستحقها

[الأستاذ محمد عامر]

انا فهمت من كلام الاستاذ ابراهين فرج ان درجات الكادر تعادل الدرجات المالية يعنى اللى مسماه معلم اول يعادل الدرجة الثانية وهذا كلام مهم وجميل ولكن الاستاذ قال ان باب الترقى للمعلمين المستحقين للدرجة سيفتح فى الربع الاخير من العام الميلادى الحالى يعنى تقريبا هيكون فى شهر 9 وليس 7 وبما ان الحد الادنى للاجور سيطبق فى شهر 7 اذا ضاع علينا نسبة الدرجة الثانية فى الحد الادنى

[almodres]

المشاركة الأصلية كتبت بواسطة اللبق

اين الانصاف والعدل انا تعيين 28-10-1989 وحصلت على الدرجة الثانية في 1-1-1990 ومازلت على الدرجة الثانية حتى الان وبحصل على 75% من الكادر والله هذا صحيح وهناك من هو احدث مني بسنوات ويزيد مرتيه عني هل هذا معقول هل من العدل حجب الدرجات المالية والله حرام انا اقدم معلم على الدرجة الثانية في مصر .العدل ياسيادة الوزير الموقر العدل و المسلتعييناواة انت من اثلج صدورنا حين صرت وزيرا للتعليم فنرجو حفظكم الله مراعاة المساواة في الاقدمية في العمل

اولا من المؤكد ان حضرتك مخطئ في التاريخ لان مش معقول تكون اخذت الثانية بعد 3 شهور من التعيين

ثانيا انا اقدم منك تعيين 1-9-1989 واعطوني الثانية في 2008 حيث حجبت الدرجة 15 سنة بسبب التعاقد بالخارج
انا متغقد مش هشتغل اطلب حقي في ترقيتي الفنية بناءا على خبرتي فالكادر ترقية فنية اما الدرجة ترقية ادارية لا تعتمد على العمل او المهنية
اخي لا بد ان نتضامن فحتى ما يقال عن ترقيات قادمة وهذا ما اشك فيه لان في نفس الموعد هناك اعلان عن تعيين نصف مليون معلم فكيف سيرقي معهم نصف مليون لن تشملنا لانها تعتمد على اقدمية الدرجة وليس التعيين