خبر فرقعة جرائد ومسئولين بتخبط وخلاص

[الدميرى]

ياجماعه صدقونى الكلام ده كله كذب وغير منطقى
الكل سيحصل على الحد الادنى بس بنسب معينه على حسب الدرجات صدقونى على حسب الدرجات والاقدمية

[أبو عمار 2010]

انتم دوشين دماخكم ليه هو شهر 7 المحكي عنه سنة 2500 اصبروا حتي يتم قبض فعلي لهذا الشهر ثم ننظر ماذا نفعل ونبطل كلام وحورات كان النظام السابق يستخدمها لما يحب يشوف رد فعل الناس بالكلام وهو بنفذ غرضه نصبر نصبر ولله الامر من قبل ومن بعد علي حال المعلم والتعليم

[الدميرى]

المشاركة الأصلية كتبت بواسطة أبو عمار 2010

انتم دوشين دماخكم ليه هو شهر 7 المحكي عنه سنة 2500 اصبروا حتي يتم قبض فعلي لهذا الشهر ثم ننظر ماذا نفعل ونبطل كلام وحورات كان النظام السابق يستخدمها لما يحب يشوف رد فعل الناس بالكلام وهو بنفذ غرضه نصبر نصبر ولله الامر من قبل ومن بعد علي حال المعلم والتعليم

ربنا يبارك فيك هو ده الكلام وان شاء الله الكل ضمن الكادر من خلال الدرجات المالية والاقدمية

[منةزكى]

طبعا كدب كدب

[اشرف بيك]

تصريحات مسؤلين غير مسؤلة بالمرة

[عباس رجب]

يااااااااااااااااااااااااااااااا رب

[ahmed_rian]

نشكرك استاذ فتحى على اهتمامك رغم ظروف سفرك لاسيوط

[heshamarabe]

الحكايه كلها بالونات اختبار بتسربها الحكومة لمعرفة رد فعل الناس واضح ان احمد زي الحاج احمد كله في الهم شرح وحسبنا الله ونعم الوكيل

[amin_mubarak]

السلام عليكم ورحمة الله وبركاته
تصديقا لكلام استاذنا فتحى
عند اعلان الحد الأدنى للأجور تم الإعلان عن تخصيص 7.5 مليار جنيه للحد الأدنى فى العام المالى القادم
وكذلك تم تخصيص 3 مليار جنيه تكاليف 15% تكاليف العلاوه على جميع العاملين بالدوله
وبحسبه بسيطه 7.5 مليار جنيه تكفى زيادة مرتبات جميع العاملين بمقدار 45%
ومع الأخذ فى الإعتبار انه تم استبعاد الوزارات التى تبدأ فيها المرتبات بأكثر من 700 جنيه بكثير مثل البترول والماليه والإستثمار والإتصالات وغيرها
فإن 7.5 مليار جنيه ستتوجه فقط الى وزارات محدده مثل المحليات والزراعه والتعليم والأزهر والصحه الخ
فهل من المعقول ان يتوجه هذا المبلغ الضخم الى الدرجات السادسه والخامسه والرابعه فقط
مستحيل طبعا لأن عددهم فى هذه الوزارات قليل لأن اغلب العاملين فى الدرجه الثالثه
وأيضا هم يعلمون ان عدم تحريك المرتبات فى الوزارات التى سيتم تطبيق الحد الأدنى بها سينشأ حاله من السخط والغضب بين اوساط العاملين مما يؤدى الى المزيد من الإضرابات والإعتصامات
اللهم وفقنا جميعا الى ما تحبه وترضاه

[حسين حافظ]

هذا الجدل والتخبط سببه الأساسى هى الحكومه لأن المسؤلين فى هذه البلد يدلون بتصريحات متضاربه وهذا إن دل فإنه يدل على إنعدام التنسيق بين المسؤلين حتى فى نفس الوزارة وهذه مصيبه كبرى أناشد المسؤلين ألا يعلنو عن أى تصريح إلا إذا كان هذا التصريح حقيقى وسيتم فعلاً تطبيقه على أرض الواقع وكفايه بلبلة وهرسنه وحراااااااااام عليكم

[pirates]

المشاركة الأصلية كتبت بواسطة mmar1

صدمة المالية.. للموظفين! من تجاوز مرتبه 700 جنيه.. لن يستفيد من مشروع الحد الأدني للأجور
كتبت ـ فتحية فوزي وسميرة الديب:
الجمعة 10 يونيو 2011



نفي مصدر مسئول بوزارة المالية ما تناولته وسائل الإعلاممن أن الزيادات المقررة لرفع الحد الأدني للأجور في موازنة الدولة للسنة المالية الجديدة ستتيح للموظفين الذين تزيد مرتباتهم علي 700 جنيه زيادة عامة مقدارها 278 جنيهاً . "المساء" استطلعت آراء عدد من العاملين في قطاعات الدولة الذين أجمعوا علي أن عدم استفادتهم من برنامج إصلاح الأجور الذي تقوم به وزارة المالية فيه ظلم كبير علي كثير من الشرائح المختلفة للعاملين بالمؤسسات والهيئات الحكومية لأن الذين سوف يستفيدون من هذا النظام هم الذين تم تعيينهم مؤخراً ومازالت رواتبهم لا تتعدي 300 جنيه ولم يعانوا مثلما عاني معظم الموظفين الذين مرت عليهم سنوات طويلة في انتظار العلاوة وراء العلاوة من أجل زيادة مرتباتهم. لذلك فإن العدالة الاجتماعية غائبة في هذا المشروع. فكيف تتم مساواة المعينين الجدد بمن أمضوا أكثر من 10 سنوات في العمل. * قال عماد عبدالله ـ موظف: هل يعقل بعد تعب كل هذه السنين أن يطبق الحد الأدني للأجور علي حديثي التخرج ويتركونا نحن الذين عانينا وأفنينا عمرنا كله من أجل الحصول علي علاوة ومرتباتنا ضعيفة؟. * رفعت صبحي "موظف": أنا لا أعارض زيادة الأجور ولكن علي أن يتم وضع خطة شاملة لزيادة أجور باقي الموظفين الذين تعدت رواتبهم الـ 700 جنيه. * محمد حسام علي "مدرس": رغم أننا نعلم جميعاً أن لكل قانون ضحايا ومتضررين منه إلا أننا نتمني أن يكون هناك عدالة اجتماعية تطبق علي الشرائح المختلفة من الموظفين. * انتصار إسماعيل ـ وروحية بيومي وبسيوني خليل "مهندس": من الأولي تطبيق الحد الأدني للأجور علي العاملين القدامي بالدولة الذين قضوا سنوات مريرة وهم يتقاضون مرتبات ضعيفة لم تكن تحقق لهم حياة كريمة. * سعاد محسن "موظفة" ونادية شوقي "عاملة": الذين تقل رواتبهم عن الـ 700 جنيه كثيرون وسوف يحملون الدولة أعباء كثيرة بزيادة مرتباتهم لذلك لابد وأن يتم تفعيل آلية معينة تناسب جميع الموظفين بالدولة.

رد فعل الموظفين

بواسطة lمحمد وجيه

الجمعة 10 يونيو 2011 12:37 م

من الان ايها الحكومة الفاشلة اقول لكم انتظروا رد فعل القدامى من الموظفين والاضراب عن العمل وخلى الاقتصاد يبقى ينتعش بقى طالما فيه حكومة فاسدة زيها زى اللى قبلها ، انتم عاوزين منا ايه لما اكون موظف بقالى 17 سنة ومرتبى 450 جنيه وبالحوافز 710 اعيش ازاى انا ومراتى وبنتين عاوزين يعيشوا ويتربوا احنا زهقنا وطهقنا حرام عليكم يا كفرة يا ظلمة لما اكون على الدرجة الثانية ومرتبى كده وغيرى على نفس الدرجة فى وزارة ثانية وياخد 2000 جنيه ليه يعنى ؟هو بيعمل اللى انا مبعملوش وذنبى ايه انى اتعينت فى وزارة بنت ستين كلب وغيرى اتعين فى وزارة بنت ناس احنا زهقنا وقرفنا من ام التفرقة فى البلد دى وانا عن نفسى وزمايلى مش هنسكت واعملوا الى انتم عاوزينه احنا اصلا ميتين بالحيا هتعملوا فينا ايه تانى


رفع الحد الادنى للاجور

بواسطة عطيه ابراهيم

الجمعة 10 يونيو 2011 12:53 م

ياناس ياهووووووووه اصحو افيقو نايمين طيب وانا موظف بقالى 34 سنه بالتربية والتعليم واجمالىمرتبى وحوافزى بالكاملبعد زيادة 15بالمية الاخيرة 900 جنيه وعندى 6 اولاد وساكن 450 يا ناس عدالة اجتماعيه ياهووووووووة عدالة اجتماعيه ياحكومه حسو بينا حسو بينا حرام عليكم اصحو افيقو عدالة اجتماعيه


بلدنا تجيب من اين كل هذه الميزانيه الحكومه غلطانه

بواسطة امام سمير الشافعى

الجمعة 10 يونيو 2011 01:06 م

خطأت الحكومه غند الاعلان عن الحد الادنى للاجور ليس موعدها الان هو فى فلوس فى البلد (ولا الصيت اجسن من الغنا )



مش فاهم حاجة

بواسطة المدرس المطحون

الجمعة 10 يونيو 2011 01:10 م

انا مش فاهم حاجة واللى فاهم يقولى انا دلوقتى مرتبى 610 اية اللى هيحصل معايااصل ممكن يريحوا نفسهم ويدونى ال90 جنيى الباقية ويدونا مقلب فى الحد الادنى للاجور ونفضل برضة شحاتين المشكلة انة حتى لو ادونا 1000 جنية برضة هنفضل شحاتين بعد الايجار والاقساط والكهرباء والمية برضة شحاتين بالمناسبة اساسى مرتبى 252 جنية والباقى فضيحة المعلم المسماة بالكادر ومش رايح الملاحظة بتاع الثانوية العامة بكرة واللى يحصل يحصل ضربوا الاعور على عينة قال خربانة خربانة بالمناسبة انا على الدرجة الثالثة من سنة 2000 يعنى من 11 سنة المهم الحمد لله الذى لا يحمد على مكروة سواة مش عارف والدى الله يرحمة استحمل فى التربية والتعليم 36 سنة ازاى الله يرحمة هو السبب.



جات الحزينة تفرح

بواسطة مصرى

الجمعة 10 يونيو 2011 01:17 م

اقترح على الحكومة ان تبيع الاهرامات وابو الهول عشان تدفع المرتبات المطلوبة لسد حاجة المصريين ومافيش مانع نؤجر نهر النيل لنجيب ساويرس وقناة السويس لعاطف عبيد والارض الزراعية ليوسف والى وطظ فى الغلابة لهم رب اسمه الكريم



مفيش فايدة

بواسطة عاشق ترابك يامصر

الجمعة 10 يونيو 2011 01:21 م

والله مفيش فايدة هو الفساد موجود موحود وشلاه ياثورة يعنى انا بقى لى 20 سنه وعندى اربع اولاد كلهم فى التعليم ومرتبى 1100 جنيه ييجى وزير المالية ويقسم المرتب علينا بعد الكهرباء والمية والتليفون اللى اترفعت خدمته لانى مدفعتش الفاتورة والعلاج ولبس الاولاد وووووووووووو خمسمية ووووووووووو ويبقى يسد وزير المالية



حكومة شرف

بواسطة السداوى

الجمعة 10 يونيو 2011 01:21 م

راح حرامى جه اربعين حرامى وده اللى كنا منتظرينه من حكومة عسكرية اتربت اساسا على السرقة دى حكومة عايزه تتزال من الاساس وضحكوا على شباب الثورة المغلوبين على امرهم ونزلوا شرف فى وسطهم علشان يكون رئيس الحكومة وزى الجيش ما خان مبارك مش غريبه ان يخون الشعب ويسحب كل الوعود 0



الحد الادنى للاجور

بواسطة محمد

الجمعة 10 يونيو 2011 01:32 م

انا موظف وبقالى 23سنه فى العمل واتقاضى اقل من 1000 جنيه هل هذا حلال فكيف اتساوى مع الجدد من الموظفين نرجو العداله الاجتماعيه




ياريتنى كنت لاعب كرة ولا حتى رقاصة

بواسطة ابو رحمة

الجمعة 10 يونيو 2011 01:40 م

ياريتنى كنت لاعب كرة ولا رقاصة عشان كنت اخد ملايين ومستناش الحد الادنى اصل احنا فى بلد لازم تذل ولادها وتعيشهم زى الكلاب انما تكرم الرقاصات والفنانات العاريات ولاعبى الكرة بس انما موظف زيى بيقبض بالحوافز بعد 17 سنة خدمة 700 جنيه يربى بيهم عياله ويصرف على بيته بيهم ييجى يتعشم حتى فى نفحة 278 جنيه من الحكومة يقوموا يسحبوهم تانى ويخلوا واحد لسه متعين او على الدرجة السادسة زيه زى الى بقاله 20 سنة فى الخدمة هو ده العدل يا وزير المالية ؟ فعلا هى دى العدالة الاجتماعية بس اعتقد ان الناس مش هتسكت على كده والايام بيننا

كداب والدليل اهوه
http://www.caoa.gov.eg/News/news_05062011.htm

وسلملي بقي علي التروماي

ارحمونا بقي
مليتوا البلد

[حسين حافظ]

هذا الجدل والتخبط سببه الأساسى هى الحكومه لأن المسؤلين فى هذه البلد يدلون بتصريحات متضاربه وهذا إن دل فإنه يدل على إنعدام التنسيق بين المسؤلين حتى فى نفس الوزارة وهذه مصيبه كبرى أناشد المسؤلين ألا يعلنو عن أى تصريح إلا إذا كان هذا التصريح حقيقى وسيتم فعلاً تطبيقه على أرض الواقع وكفايه بلبلة وهرسنه وحراااااااااام عليكم

[هيما2010]

شكرا استاذ فتحى يا محترم

[رضا عبد الحميد عبد الرازق]

يا جماعة الحكومة الأن ماشية على نفس النهج القديم تطلع الإشاعة وتشوف رد الفعل اذا كان في قبول يبقى على البركة ولو مافيش يبقى نشوف إشاعة تانية قصدى قرار تانى وشكرا