تمكن ولا قوة؟؟

[islamfuture]

تمكن لانه يتمكن من نفسه وقادر يسيطر عليها
اما القوة هومين قال انها قوة نفسه ما هى ممكن تكون قوة جسدية لكن التمكن انا شايف انها ادق علشان حتى لو قلنا قوة نفسه ده مش شرط انه يثبت امام المصائب بس لازم كمان يكون متمكن منها ومسيطر عليها والله اعلم

[Hamada Joko]

قوه طبعا لان الموقف انه بييظهر قوته فى تحمل الالم ولكن التمكن دا من شئ يفعله الانسان

[aboomar]

( ليس القوي بالصرعة لكن القوي من يملك نفسه عند الغضب) ده حديث وعلى ذلك فيملك نفسه تدل على القوة

[حاملة المسك**]

انا عملتها تمكن عشان هوا متمكن من السيطره على نفسه
يارب يعدوا الاتنين صح انا الامتحان فيه حاجات كتييييييييييير اوى اوى متشتته فيها
يارب استر يا رب و يعدوا الاتنين صح ياااااااااااااااااااااااارب

[dido_x2]

المشاركة الأصلية كتبت بواسطة aboomar

( ليس القوي بالصرعة لكن القوي من يملك نفسه عند الغضب) ده حديث وعلى ذلك فيملك نفسه تدل على القوة

يملك نفسه هنا معناها يتحكم فى نفسه مش قوة
انا قولت تمكن من معنى الحديث يعنى الواحد عنده قوة غضب بس متمكن و مسيطر عليها

[Mr Mosaad El Hegazy]

"ليس الشديد بالصرعة ولكن الشديد من يملك نفسه عند الغضب" حديث شريف

[eng/esraa]

يا جماعه دا حتى المدرسين مختلفين ف حاجات كتير ف الاجابات احنا نعمل ايه واحنا كنا قاعدين 3 ساعات غير التوتر والقرف اللى الواحد كان فيه فككو وفكروا ف اللى جاى

اصل قوه تنفع وتمكن تنفع حسب فهم الشخص

كمان ف النصوص ترغيب وتخويف الاتنين ينفعو فاكيد هيراعو الحاجات دى المهم نفكر ف الانجليزى والفزيا والاحياء وكده يا جماعه المهم اللى جاى بالله عليكو

[mohamed b]

يا جدعان التمكن ماممكن يبقى الانسان قوي بس يبكي مثلا انما التمكن يعني كاتم البكاء دا قادر ان هو يتحكم في نفسو

[msh-tlba]

اي تفسير من طالب او مدرس او حتي موجه ، ملهاش اي معني دلوقتي خاصة في الاختيارات الساذجة دي بتاعة امتحان الثورة ،
‏
الاختيارات بالذات بتيجي حسب كيف كيف سيادة الفاضل واضع الامتحان ،
فخلوها للتصحيح اريح .
كل اختيار عموما عليه ربع درجة من التلاتين درجة .
‏
و عادي جدا ، انا غلطان في اختيارات القراءة و مش قلقان عشان محدش اداني رأي زي التاني في الاختيارات بالذات ،
زيح من ع ودانك يا مان .

[AhmoOoOoD]

تمكن ،،،
لأن القوة لا تتناسب مع ألفاظ الكاتب مثل ( مروعا ،، في صوته شيء يدل على إنه مفطور)

[هاجر توفيق]

ليه التعقيد ده هو ده تطور التعليم ال بيقولوا عليه عايزين الشعب يتقدم وينتج ومحتارين قوه ولا تمكن الطف بينا يا الله

[أ/ أحمد ماهر]

المشاركة الأصلية كتبت بواسطة mr.bebo

إجابة النحو
ظهور : مبتدأ مؤخر مرفوع بالضمة الظاهرة
التربة : بدل مرفوع بالضمة الظاهرة
قوة : خبر يصبح منصوب بالفتحة
ألف : نائب عن المفعول المطلق
الاستخراج :
1 . الممنوع من الصرف : نتائج أو عقائدها و السبب كل منهما : صيغة منتهى الجموع
2 . خبراً جملة : يوجد خبر جملة فعلية أو هي الأمة خبر جملة اسمية
3 . نعتاً جملة : يخلق في محل رفع أو تؤثر في محل نصب
4 . ضميراً في محل نصب :الهاء في ( يسمونه ) أو الهاء في ( فكأنه ) أو الهاء في ( إنه )

و آخر في محل رفع : ( هي )
جـ . أنت الأعلى شأناً
المثنى المذكر : أنتما الأعليان شأناً
المثنى المؤنث : أنتما العلييان شأناً
د . الربط بين الجملتين ( متى تعف عمن أساء تنل مرضاة الله ) أو بأي أداة ربط أخرى مثل ( إن ..)
هـ . إن الساعين لحل مشكلات الشباب موفقون في سعيهم )
بعد وضع عسى ( عسى الساعون لحل مشكلات الشباب أن يوفقوا في سعيهم )
و . نكشف عن ( مستقل ) في قلل ( ق ، ل ، ل )
و بالتوفيق إن شاء الله

بارك الله فيك ......
وشكرا جزيلا لك ...

[sara5553]

انا عملتها تمكن وربنا يسترررررررررررررررر

[Ahmed Ragab medo]

"ليس الشديد بالصرعة ولكن الشديد من يملك نفسه عند الغضب" حديث شريف دى احسن حاجة توضح انها قوة و شكلها كده هتبقى كل الامتحانات هباب وربنا يستر من الفيزياء

[Ahmed Ragab medo]

و قال الوزير و الوزارة يقولك الامتحان فى مستوى الطالب العادى ده انا جايب 29.5 السنة اللى فاتت وشكلى مش هجيب 28 السنادى. ربنا يستر