هل يحق للأخ ضرب أخته مهما كانت الاسباب ؟

[basmala]

انا عندى بضرب ..بس ربنا مش بيسيب حد يمهل ولا يهمل

الرجاله كلهم زى بعض

[nothing]

فى حاجة فى علم النفس بتتكلم عن الموضوع ده او بمعنى اصح الايذاء النفسى والمعنوى على الانسان ويقول ان الايذاءيكون مفيدا فى بعض المواقف ولكن اذا استمر ذلك العنف يجعل الانسان يميل الى السلوك العنيف ومن رايى ان الضرب مش على طول حتى لا يصيب الانسان بنوع من عدم الثقة و السلبية ويكون الانسان عديم الثقة فى اختياراته وشكررررررررررررا

[meme~]

من وجهة نظرى ضرب المرأة عامتاً خطأ . حتى لو عملت حاجة غلط يكون الحل فى الحوار لان الحاجة اللى عاملتها لازم تقتنع انها خطأ و الا حتى لو اضربت ممكن تكررها . و مش قوة من الرجل انه يضرب المرأة ابداً . دى وجهة نظرى و انا لو عندى اخوات بنات عمرى ما هفكر انى اضربهم . لان الضرب عمر ما يتعلم حد منه لان احنا بنتكلم عن انسان له عقل مش حيوان . و البنت اللى هتضرب علشان عملت حاجة غلط و هى مش مقتنعة انها خطأ اصلاً هتحس بالقهر و الاستعباد و مش هتعيش سعيدة ابداً

[همسة عتاب]

الضرب عمره ما كان طريقة للتفاهم فيه طرق كتيرة الاخ ممكن ينصح بيها اخته غير الضرب لان البنت لو عايزة تعمل حاجة هاتعملها مهما كانت بس اهم حاجة النصيحة اولا

وإذا لم تستجب فالضرب هو الطريق الوحيد

بس بلاش بأفتراء ضرب غير مبرح

[مروج البحر]

الف شكر يا جماعه علي الردود وجزاكم الله خيرا بأذن الله

[Mr.h3ll]

هوا الضرب مهم على فكره بس مش فى كل الاوقات حسب المشكله وشكراااااااااااااا على الموضوع المهم ده

[الرهينه]

السلام عليكم ورحمة الله وبركاته

الاول احييكى ع الموضوع بجد فكره رائعه بس انا الحمد لله معنديش اخوات صبيان اكبر منى

ندخل ف الموضوع ع طول

فى وثيقة وداع الرسول عليه الصلاة والسلام قال الرسول فيما معناه "أرقاءكم أرقاءكم ان اذنبوا ذنبا فبيعوا

عباد الله ولا تعذبوهم"

وكان الرسول عليه الصلاة والسلام يشير الى الخدم والجوارى والضعاف من القوم

فهؤلاء الخدم والجوارى فما بالك بعشيرتك الاقربين !!!

وان اوصى الرسول الكريم بالارقاء فقد اوصى بالنساء وما أكثر الاحاديث التى اوصى فيها الرسول بحسن معاملة المرأه فقال " أوصيكم بالنساء فهن عوان عندكم "

ولم يأمر الرسول بضرب المرأه الا "ضربها او جرحها بما فى يديك" وقصد سواك او ورده

وعلى صعيد آخر، فان عقل الرجل يقدر باحترامه للمرأه فكلما زاد احترام الرجل للمرأه زاد حلمه

ولى عوده للاجابه ع الاسئله

[TEMO_KHALED]

بصي أولا كل واحد عارف اخته كويس بمعنى لو هي كشخصية من النوع الي مش بيهمه الكلام وعملت حاجة غلط اوي ووالده مش موجود يبقى لازم تنضرب بس مش الضرب الي بنسمع عنه (التعذيب) والبهدلة و الحاجات الزايدة دي لكن لو هي من النوع الحساس و عندها دم اكيد الغلط الي هي هاتعمله مش هايكون كبير للدرجة وساعتها يبقى هو يستاهل ضرب ال(......) لو مد ايده عليها .

[o0o Recoba o0o]

الرجولة ادب مش هز كتاف

[nada hosam]

شكرا جدا على الموضوع الجميل ده

الضرب احيانا بيكون ضرورى خصوصا

فى بنات لما بيكون ولدها مش موجود بتحس انها سيبه

ولو مفيش اخ كبير يقدر يحكمها حتى لو وصلت للضرب

يبق نقول عليه العوض فيها وربنا يسترها مع كل البنات

وفى بنات يقدر اخوها يصحبها وبدون ضرب دى فعلا بنات محترمه

وشكرا مره تانيه

[مروج البحر]

جزاكم الله خير اجمعين

[مهندس مساعد]

المشاركة الأصلية كتبت بواسطة zozo_2006

بصي يا مروج انا عمري ما جربت الموضوع ده
بس انا الحمد لله اخواتي عمرهم ما هيفكروا يعملوا فيا كده
لكن انا بعترف لك اني لو عملت حاجه غلط بس كبيره يعني وبابا مش موجود هو لازم يضربني لانه لو مضربنيش ساعتها هيبقي هو الغلطان وهيتلام بعد كده
بس شكرا علي فتحك للموضوع ده ومناقشتك ليه ومستنيه اشوف معاكي اراء الاعضاء

وشهد شاهد من اهلها

اشكرك يا اختي على رايك الكامل ده

رايي من راي الاخت بالضبط في كل شئ

[مغرمة بمصر]

بصراحة موضوع الضر ب من الأخ ده جديد شوية
ماهو اصله لازم يكون فى تفاهم
يعنى أنا لوغلطت
مش هاسمح انى أنضرب من أخويا
لا فى حاجة اسمها تفاهم ونقاش
ولا ايه

[looody]

الموضوع مش بالضرب والمفروض ان الاخ يحتوى اخته ويكون صاحبها مش اخوها واي حاجه تتحل بالكلام
بس الضرب فى الضروره الصوي بس ده يبقى اخر الحلول

[ayadooo]

السلام عليكم
مافيش حاجه اسمها ضرب لا في التربية ولا في التعليم ولا في العلاقات الاسرية
الضرب اسلوب العاجز وقليل الحيلة
صار لي في التعليم اكثر من 20 سنة
ولي اختان ولي زوجة وثلاث اولاد ذكور لم تمتد يدا يوما ما
لي طرق في التربية والتشجيع والتعزيز واساليب تربوية ناجحة
بس ده محتاج اطلاع وقراءة وسعة افق منذ الصغر
الحمد لله
ابو جهاد عودة