هل من نظرة رحمة وإشفاق على الطلاب والاهالى ؟

[MRIBRAHIMHAJJAJ]

[quote=Hisham_physics;3559505]بصراحة - من وجهة نظري - يجب الآتي :-

(1) المناهج يجب أن تخفف للنصف
إحنا بنخلص المناهج قرب الإمتحانات و مبنلحقش حتى نراجع إلا القليل و بالتالي الطالب بيطلع يدوبك حافظ اللي هيكتبة في الإمتحان و بس و بعد كده ينسى كل اللي أخده

(2) يلغى الغياب من المدارس
عشان نسيب لفرصة للطلبة اللي عايزة تفهم من مدرس المدرسة ، أما بقيت الطلبة اللي بتآخد دروس خصوصية بره تعد في البيت أهو منها توفر وقتها للدروس الخصوصية و منها تريح مدرس المدرسة من الوش اللي بيعملوه بسبب أنهم بس لازم يجوا عشان الغياب[/
quote]

اتفق معك فى الاقتراح الأول فيما يختص بتخفيف المناهج بطريقة معقولة تجعل الطالب يستفيد مما يدرس وبالا يتعلم للامتحان وفقط وبمجرد خروجه من قاعة الامتحان ينسى كل ما يتعلق بهذة المواد ....... اما الاقتراح الثانى فلا يجوز لانه سيترتب عليه مفاسد كبيرة والحل يكمن فى الثواب والعقاب وارجاع الهيبة والاحترام مرة اخرى للمدرسيين وغرس حب العلم والعلماء فى نفوس ابناءنا الطلاب

المشاركة الأصلية كتبت بواسطة Amr Elassal

انا نفسى نتعلم حاجة تفيدنا فى حياتنا ومستقبلنا مش حاجات ولا ليها اى لزمة

صدقت اخى الفاضل وهذا ما اتمناه لابنائى وكل ابناء مصر والامة .. وكما ذكرت انفاً ما فائدة قصة 3ع والقصص القصيرة فى 1 ث وقصص 2+3 ث اليس بالاحرى ان ندرس اسياء مفيدة تنفع ابناءنا فى حياتهم ..

[Hisham_physics]

(((((اما الاقتراح الثانى فلا يجوز لانه سيترتب عليه مفاسد كبيرة والحل يكمن فى الثواب والعقاب وارجاع الهيبة والاحترام مرة اخرى للمدرسيين وغرس حب العلم والعلماء فى نفوس ابناءنا الطلاب)))))

أحب أعلق على الرأي الثاني لحضرتك ( و الإختلاف في الرأي لا يفسد للود قضية )
الكلام اللي حضرتك بتقوله نظرياً جميل أوي لكن عملياً ...................... صعب التنفيذ و الدليل على كده إننا نادينا زمان بالكلام ده و مفيش جديد لو تآخد بالك

و الكلام ده بلاحظه جداً مع الطلاب على النحو التالي :-
في بداية العام الدراسي في الدروس الخصوصية - قبل بدأ الدراسة - بلاقي الطلبة عندي ممتازين جداً و بيبقوا فايقين و مركزين في الحصة في الحصة و بييجو الحصة اللي بعدها حافظين و عارفين يسمعوا كويس

و مع بداية الدراسة بلاحظ إنخفاض ملحوظ جداً في مستوى الطلبة و بيببقوا جايين الدرس بيتابوا و مش مركزين في الشرح و بيجوا الحصة اللي بعدها نسبة الحفظ قليلة جداً (خصوصاً طلبة المسائي)

كما إن الطلبة الغير قادرين على مصاريف الدروس و اللي أملهم الوحيد هو مدرس المدرسة ، فإن كان مدرس المدرسة بيراعي ضميرة و بيشرح فالطلبة بيكون عندهم نسبة الفهم صغيرة بسبب كثرة عدد الطلاب ( اللي بيضرب زميلة و اللي بيتكلم مع التاني و ...... )

كما إن حضرتك أضفت إن عدم الذهاب إلى المدارس هيترتب عليه أضرار كثيرة ((( معلش ياريت توضحهالي لعلي فهم )))

[A1one]

كيف لا يتم اضافة درجات التربية الاسلامية للمجموع

كيف تتحدث عن هذا أتريد أن تغضب الدولة ,,؟؟
لا تنسَ سيدي أنك تعيش في دولة علمانيــــة لا تحكمـ بشرع الله أبدًا
ودوا لو يلغوا الدين نهائيا

ثمـ أي منهج دين هذا الذي يُدرس ؟!
و الله إن المرء ليخجل منه

أين التوحيد و التفسيـــر و الفقه

انظر إلى السعودية مثلًا
تدرس في المرحلة الثانوية
أربعة فروع مختلفة في الدين
توحيد و تفسير و فقه و حديث
لكل منها خمسون درجة

أي اهتمام هذا ؟
علاوة على الموضوعات الشيقة و الحياتية التي تدرس

لا تشعرني سيدي بالأسى على بلدي


في أمان الله و جزاك الله خيـــرًا
أنت مشرف لمصــر

[A1one]

كيف يعقل ان تكون درجة إمتحان الإنجليزي من 25 واللغة الفرنسية من 50 أفلا يعقلون؟؟

أرى أنها مادة لا أهمية لها مطلقًا ( حشــــو فقط على الطالب )

أتمنى أن تحذف نهائيا من الثانوية العامة

[خالد ابونار]

اتمنى من الله ان يتم تدريس الفقه و الحديث و السيره و التوحيد فى الثانوية ( بكل اشكالها) والمرحله الاعداديه وتكون مواد مجموع حتى نجد مجتمع يخاف الله ونحيا حياه سعيده ان شاء الله

[Hisham_physics]

المشاركة الأصلية كتبت بواسطة a1one

أرى أنها مادة لا أهمية لها مطلقًا ( حشــــو فقط على الطالب )

أتمنى أن تحذف نهائيا من الثانوية العامة

معاااااااااااااك في الكلام ده
الفرنساوي فعلاً مادة ملهاش أي لزمة و بمجرد ما أخدناها بمجرد ما نسناها
كفاية على كل دولة إنها تدرس لغة بلدها الأساسية و اللغة الأنجليزية ( لأنها اللغة العالمية )
أما دراسة الفرنساوي و الألماني و ....... فممكن يدرسها كليات الألسن عشان الترجة

[MRIBRAHIMHAJJAJ]

أخى الفاضل استاذ هشام بداية بارك الله فيك ثانيا اعجبتنى طريقتك فى سرد افكارك وهذا يدل على انك مدرس رائع .. ثانيا اقصد بالمفاسد التى ستترتب على عدم ذهاب الطلاب للمدارس هى :
1) انتشار الدروس الخصوصية اكثر فاكثر مما سيضيف اعباء طائلة على اولياء الامور
2 ) الغاء الغياب سيسبب فتور بعد فترة للطلاب الذين يحضرون .. وسيتسائلون لما نحضر ونتعب ونستيقظ مبكرا وغيرنا فى البيوت منعميين ؟
3) الطالب المستهتر والذى يضيع الحصة يتم طرده والتعامل معه بحزم من قبل الادارة واولياء الامور
4) الطالب المتغيب سيفوته الكثير والكثير من الشرح .. وكما تعلم فى الدروس الخصوصية الطالب يأخذ فى الغالب حصتين فى الاسبوع فقارنها بعدد الحصص المدرسية .. والزيادة فى الخير خير .. الطالب الجيد يستفيد فى المدرسة والدرس الخصوصى على السواء و اكيد ان كلا المدرسين يتميز باشياء عن الاخر وبالتالى سيستفيد الطالب منهما وسيكون اكثر الماما بالمادة العلمية

[MRIBRAHIMHAJJAJ]

من السخرية ان نجد مثلا فى بعض المعاهد الازهرية مدرسون غير متخصصين ويدرسون اللغة الانجليزية !!! ونجد طلاب الكليات المتخصصة فى هذة اللغة الهامة جدا لا يتم تعيينهم .. اتمنى ان تنصلح امور التعليم فى مصر حتى تنصلح كل امورنا بفضل الله ... ارجو مناقشة هذة الجزئية....

أمن العدالة ان نضع اناساً غير اكفاء على ثغر من ثغور الاسلام ونترك الاكفاء بلا عمل وبلا اى حقوق تذكر ؟ اتمنى الا ارى الفساد المنتشر وناشريه من الفاسديين المفسديين ؟؟؟؟

اتمنى ان يكون مستقبل ابناءنا اكثر عدالة وشفافية واستقرارا فنحن لم نعد نريد شيئا من الحياة الا بشريات بان غدا سيكون باذن الله افضل لكل ابناءنا قرة اعيننا ....

[MRIBRAHIMHAJJAJ]

المشاركة الأصلية كتبت بواسطة خالد ابونار

اتمنى من الله ان يتم تدريس الفقه و الحديث و السيره و التوحيد فى الثانوية ( بكل اشكالها) والمرحله الاعداديه وتكون مواد مجموع حتى نجد مجتمع يخاف الله ونحيا حياه سعيده ان شاء الله

اتفق معك قلباً وقالباًًً