معلومة بسيطة عن الراتب

[أ / نادر النقاش]

نفسى أشوف تعليم بدون غش ، إحنا قرفنا من المبررات الفارغة ، زى.. يعنى هيطلعوا دكاترة !!!!! يعنى هينجحوا و يلاقوا شغل !!! ياخى حرام عليك خلى قلبك حنين ...... خليهم يغشوا دول زى ولادك.. انت معندكش ضمير العيال مكتبتش حاجة !!!! كأن علشان يكون عندى ضمير لازم أغشش أو أسمح بالغش ، سبحان الله الآية اتلقبت ، كنت راكب فى سيارة و فجأة جاء طالب فى الثانويةو قال لشخص يعرفه فى السيارة إنه جاى من الإمتحان فسأله شخص عن حال الإمتحان فبدلا من أن يتحدث عن مستوى الأسئلة قال . زفت قال له ليه .. قال أصل ربنا واعدنا بشوية مراقبين رم..... شدين علينا اللجنة .. فقال شخص آخر أنا براقب ثانوية فى المنصورة .. فسأله الطالب بسرعة .. و بتشد اللجنة ؟ فرد الشخص معرفته... لأ دا شكله راجل يعرف ربنا .. سيماهم على وجوههم ! فاستغربت و قلت لهم هو علشان اعرف ربنا يبقى لازم أغشش ؟ فبدأوا يسردون لى المبررات الفارغة السابقة ، فقلت لهم شيلاه يا ثورة ... دا لازم قبل كل شىء نعمل ثورة على العادات السيئة فى داخلنا و أولها الغش حتى ينصلح التعليم و يجب أن نبدأ بعودة المبادىء الأساسية فى حياتنا و نعرف الناس أن من يمنع الغش هو من يعرف ربنا و ليس العكس !

[سامح فتحى خليل]

المدرس أوالمدرسة إللى بيغششوا فى مدرستهم وخصوصا فى امتحانات النقل بيقلوا فى نظرالطلبة ومابيحترمهمش

وفى مدرسين كتير للاسف مفكرين أن كده الطالب حيحبه _ أما خارج المدرسة فالغش لعدة اسباب من ضمنها إن مافيش أمن كافى فى اللجان لحماية المدرس من الأعتداءات ورئيس اللجنة مابيحميش حد . أما الغش إللى على أصوله فهو فى الأزهر ويمارس بعنف والمدرس إللى مابيغشش مكرررررروه جدا . عشان كده طالب الأزهر مستواه ضعيف جدا .

[احمد 112233]

طب فى انجلترا بيتم تقسيم الطلبة على حسب مستواهم العلمى يعنى الضعيف ياخد شوية علم صغيرين ويمتحن فيهم اما الطلاب اللى مستواهم كويس بردة ياخد امتحان على مستواة وفى الاخر كلة بينجح ومن غير غش لان الطالب داخل وعارف ايةاللى فى الامتحان اما عندنا فحدث ولا حرج عن صعوبة الامتحان والفذلكة فى الاسئلة 0000000انا مش بقول بكدة عشان احلل الغش بس اعتقد ان دة سبب وجود الغش بكثرة فى مدارسنا 0000ياريت المسئولين بقى عن المناهج يفهمو كدة ويغيرو بقى حرام الفذلكة دى على الطلبة حرام

[فوزى عبده]

المشاركة الأصلية كتبت بواسطة أ / نادر النقاش

نفسى أشوف تعليم بدون غش ، إحنا قرفنا من المبررات الفارغة ، زى.. يعنى هيطلعوا دكاترة !!!!! يعنى هينجحوا و يلاقوا شغل !!! ياخى حرام عليك خلى قلبك حنين ...... خليهم يغشوا دول زى ولادك.. انت معندكش ضمير العيال مكتبتش حاجة !!!! كأن علشان يكون عندى ضمير لازم أغشش أو أسمح بالغش ، سبحان الله الآية اتلقبت ، كنت راكب فى سيارة و فجأة جاء طالب فى الثانويةو قال لشخص يعرفه فى السيارة إنه جاى من الإمتحان فسأله شخص عن حال الإمتحان فبدلا من أن يتحدث عن مستوى الأسئلة قال . زفت قال له ليه .. قال أصل ربنا واعدنا بشوية مراقبين رم..... شدين علينا اللجنة .. فقال شخص آخر أنا براقب ثانوية فى المنصورة .. فسأله الطالب بسرعة .. و بتشد اللجنة ؟ فرد الشخص معرفته... لأ دا شكله راجل يعرف ربنا .. سيماهم على وجوههم ! فاستغربت و قلت لهم هو علشان اعرف ربنا يبقى لازم أغشش ؟ فبدأوا يسردون لى المبررات الفارغة السابقة ، فقلت لهم شيلاه يا ثورة ... دا لازم قبل كل شىء نعمل ثورة على العادات السيئة فى داخلنا و أولها الغش حتى ينصلح التعليم و يجب أن نبدأ بعودة المبادىء الأساسية فى حياتنا و نعرف الناس أن من يمنع الغش هو من يعرف ربنا و ليس العكس !

المبررات لعدم الغش أقوى

1. كل طالب ياخد حقه.
2. أنا عايز ربنا يبارك في رزقي وأكل ولادي لقمة حلال.
3. اللي بيغش بيضيع واللى بيسقط بيتعلم صنعة تنفعه.
4. ليس من وظيفتنا تقسيم الرزق فمن عمل استحق ومن لم يعمل لايستحق.
5. النبي قال " من غشنا فليس منا" ولم يقل اللي يسقط العيال ليس منا.

قارن واختار

[nuor0000]

انا كنت بشتغل فى مدرسة المدير مكانش بيطلعنى لجان علشان مكنتش بغشش....لحد ما مشيت من المدرسه ايه رئيكوا

[فوزى عبده]

منع الغش أصبح مطلب ناس كتييييييييييييييير شوف الرابط ده

http://www.facebook.com/pages/%D9%84%D8%A7-%D9%87%D8%BA%D8%B4-%D9%88-%D9%84
%D8%A7-%D9%87%D8%BA%D8%B4%D8%B4-%D9%88-%D9%84%D8%A7-%D9%87%D8%B3%D9%85%D8%AD-%D8%AA%D8%A7%D9%86%D9%89-%D8%A8%D8%A7%D9%84%D8%BA%D8%B4/204124182963035?sk=wall#!/pages/%D9%84%D8%A7-%D9%87%D8%BA%D8%B4-%D9%88-%D9%84%D8%A7-%D9%87%D8%BA%D8%B4%D8%B4-%D9%88-%D9%84%D8%A7-%D9%87%D8%B3%D9%85%D8%AD-%D8%AA%D8%A7%D9%86%D9%89-%D8%A8%D8%A7
%D9%84%D8%BA%D8%B4/204124182963035?sk=wall

[محمدعبدالرحمن محمد]

كان نفسى يكون التغيير بد بعد الثورة ونعنل حملة لمنع الغش لكن للأسف محصلش

[فوزى عبده]

المشاركة الأصلية كتبت بواسطة محمدعبدالرحمن محمد

كان نفسى يكون التغيير بد بعد الثورة ونعنل حملة لمنع الغش لكن للأسف محصلش

ايه المانع بس.... ايدك معانا

[صفاء عزمى]

لابد من مواجهة كارثة الغش بقوة لانها عدو مصر الاول
لابد ان يعلم كل مدرس بيغشش انه خائن الامانة وانة ماله حرام وانه بيدمر مصر
كل مشاكلنا بسبب الغش
لو غششت حد في ثانوية شوف ظلمت ما لايقل عن 800 الف طالب

[maths city]

من غشنا فليس منا

[فوزى عبده]

نفسى أشوف تعليم بدون غش

[فوزى عبده]

زوار الموضوع 963 والذين قاموا بالرد 25
يعني اللي مش شايفين الغش مشكلة كبيرة 938
ودى هى المشكلة

[donatlo]

الغش حرام لكن ليه تفشى لانك محاسب على النتيجه أولا نطالب بعدم محاسبة المعلم على النتيجه سينتهى الغش ان شاء الله

[مجدى المنياوى]

بنتى فى ثانية ثانوى رفضت الغش رغم ان الملاحظ جارنا وحاول معها فى الترجمه الانجليزى وهو مدرس انجليزى ولكنها رفضت وبكت كثيرا لما يحدث باللجنه فى مدرستها واصيبت بحاله ان الشعب المصرى كله يريد الغش وتقول لى باكيه لماذا ياخذ الغشاش حقى واقل لها انه لا يدوم وانك تحصليين على حقك كاملا فى القريب العاجل

[فوزى عبده]

المشاركة الأصلية كتبت بواسطة مجدى المنياوى

بنتى فى ثانية ثانوى رفضت الغش رغم ان الملاحظ جارنا وحاول معها فى الترجمه الانجليزى وهو مدرس انجليزى ولكنها رفضت وبكت كثيرا لما يحدث باللجنه فى مدرستها واصيبت بحاله ان الشعب المصرى كله يريد الغش وتقول لى باكيه لماذا ياخذ الغشاش حقى واقل لها انه لا يدوم وانك تحصليين على حقك كاملا فى القريب العاجل

يكفيك أنك لم يتلوث تاريخك العلمي والديني بهذه الآفة " فمن اختار الله فلن يخذله الله"