طالب ثانوى وبتكلم فى السياسة ....وماله؟

[ضى الفجر]

والله انا مش حابة وضع البلد وكمان وضع الوطن العربى * خلينا فى نفسنا *

او مصر عماله تسوق حالتها يوم بعد يوم وكل دة بسبب الاعتصامات والكلام الهابط

دة انا مش بسيق لحد بس اللى بيحصل فى ميدان التحرير دلوقتى فيه تجاوزات

كتيييييييير اوى والله بتعطل مصالح ناس كتييير جدااا والله بيخدوا دعوات من ناس

كتييير عليهم وليه كدة ؟؟ ماندى المجلس الاعلى فرصة شوية احنا مش مديينو ا

فرصة والله وعلى فكرة لو ادتوله فرصة واحترمناش كل الشعب المصرى هينزل

وبذات تلاحظ ان فى الفترة دى كله بيلعب على بعضه فاحنا ننتظر ونتمهل والله

ربنا اللى اراد والثورة نجحت ان شاء الله البلد هتتصلح بأمر الله

وكمان اقنعنى انت بحاجة مثلا تزود الاجور دة احنا مش بنشتغل بل بالعكس

القهاوى مليانة شباب ومش تقنعنى ان البلد انعدمت وما فى شغل لالالا انت

اسعى واشتغل اى حاجة لحد ما تشوف مجالك مش تعد فى البيت * دة كله طبعا مش راضى عنه الشباب *

والله انا بتكلم فى دة كله علشان صعبان عليا حال البلد ومنظرنا امام العالم

مصر اللى كانت فى الثورة مش هي دلوقتى خااااااااالص

وكمان حاجة تانية برامج التوك شووو اللى يارب يمسحها من على وجة الارض

مش عارفة كل حاجة ان عليها انها تتكلم وخلاص* وينطق بلا دراية ولا فهم *

الا ما رحمه الله ويعينى المستمع الغلبان اللى بيتلقى المعلومة وهو مش

عارف هما صح ولآ غلط والله كل البرامج دى بتضيع الوقت والله وتقلب على

القناة دى تلاقى نفس الكلام على القناة التانية وياريت حال البلد بيتصلح من

الكلام والله لو اشتغلنا قد ما بنتكلم ماكان ده بأة حالنا ايوة هوه خربها قبل

ما يمشى بس احنا لازم نشتغل والموضوع دة هياخد وقت مش من يوم وليله

كدة كل حاجة هتتصلح ان شاء الله مع انى مش حاسة بكدة كل مااشوف

الناس والزبالة اللى فى الشوارع وسلوووووك الناس مع بعضها بقول البلد دى

مش هتتصلح والله المدرس كان علطول بيقولنا * شعب يسىء استخدام

الحرية * والله وكلامة 100% صح والله كنت علطول بقول لماما احنا نستاهل

ضرب الشباشب * معلش على اللفظ * علشان ان الله لا يغير ما بقوم حتى

يغيروا ما بأنفسم ولو كل واحد بطل كلمة اشمعنى انا حال البلد دى هتتصلح

ولو كل واحد بص لحالة الاول قبل ما يبصح على التانى حال البلد هيتصلح

بس للاسف * مع العلم بأن الكم دة موجهة ليا وليكم *

انا مش نظرتى متشائمة والله بس بعرض حال البلد وبفضفض

والله على حكاية الاحزاب دى ما بتزيد الشعب الا والله فرقة وضعف وعلى فكرة

الاحزاب دى عيزاك علشان مصلحة فئة معينة منهم مش علشان خطرك ولا

الكلام الهبطان دة لالالالالالالالا خالص

وكمان انا عايزة من كل واحد يقفل التليفزيون كدة ويعد لوحدة لو مع اسرته

يسترخى كدة ويسيبوا من الكم الفاضى دة والله مصر فيها ثروات الدنياكلها

كفاية اسمها مذكور فى القرآن

اناطولت عليكم وشوفو ايه رأيكم فى كلامى مع خالص التقدير والاحترام

والله الموفق * انا على فكرة فى ثانوية عامة *

[samar saad]

موضوع جميل جدا يا محمد
وبالعكس بقا انا شايفة ان طالب الثانوية العامة ده هو اكتر واحد لازم يهتم بالسياسة
لان فعلا العالم بتاعه منغلق ومن المدرسة للروس وفالبيت مش بيشوف حاجه غير مذاكرته وبس
وهو وغيره اجيال قادمه ودول عصب امتهم وهما نهضتها فلازم يكون عندهم وعى سياسى ولو بسيط
احنا بنيحي فالمرحله دى للاسف مش بنبقا عارفين ندخل كليه ايه او نعمل ايه او هنكون ايه مستقبلا
اعتقد لو اهتيمنا بالسياسة وقتها مش هندخل فالمتاهات دى وهنقدر اننا نعرف انا عايز اكون ايه وابقا فمنصب ومكانه ايه افيد بيها بلدى واساعد فى نهضتها
فأنا شايفة انه موضوع مهم جدا خاصة لطلبة الثانوية العامة

بجد موضوع جميل للمناقشة
تحياااااااااتى

[Mohamed Zidan91]

إحم إحم..
معهلش غبت عنكم فترة طويلة
يا ترى فى ناس لسه متابعة الموضوع نكمل على بركة الله.؟؟

[bent aboha]

ايه يا جماعة ما فيش معلومات جديدة ولا ايه

[Asa7be Wawa]

معاكم يا جماعة مفيهاش حاجة لو عرفنا نتكلم في السياسة شوية

[Mohamed Zidan91]

إيه رأيكم عن اللى بيعمله المجلس العسكرى...شوية قالوا الإنتخابات هتبقى فى 27 سبتمبر...بعديها قالوها هتبقى فى نهاية أكتوبر وأول نوفمبر...بعديها قالوا ما تصدقوش الإعلام وهتبقى فى 30 سبتمبر....يا خوفى لو عمل زى ثورة 52 وبعد ما كانت أهداف الثورة تأسيس حياة ديموقراطية شفنا حياة عسكرية 60 سنة...!!