تجارة انجليزى؟؟

[angelaya7]

طيب هو مجموع الانجلش نفسه بيفرق من جامعة لجامعة بالرغم من ان في تسجيل الرغبات الكومبيوتر قبل مجموع الانجلش عندي وفتحلي الكليات شعبة الانجلش

[زملكاوى للأبد]

المشاركة الأصلية كتبت بواسطة angelaya7

طيب هو مجموع الانجلش نفسه بيفرق من جامعة لجامعة بالرغم من ان في تسجيل الرغبات الكومبيوتر قبل مجموع الانجلش عندي وفتحلي الكليات شعبة الانجلش

طبعا بيفرق وخصوصا فى الجامعات المشهوره زى الإسكندريه وعين شمس والمناطق دى بس من التنسيقات اللى فاتت هما حوالى 3 جامعات بس هما اللى بيرفعوا فى مجموع الإنجلش شويه بقية الجامعات بقى بتاخد إن يبقى الطالب جايب أقل شىء 40 من 50 فى الإنجلش
تانى حاجه التسجيل ده ما هو إلا عرض للكليات الموجوده فى مصر وبس يعنى مش معنى إن موجود فى الرغبات تجاره إنجلش يبقى أتقبل تجاره إنجلش يعنى مثلا فى طالب جايب 80 فى الميه وبيلاقى قدامه فى التسجيل سياسه واقتصاد وإعلام وألسن عادى مع إنه مش هيلحقهم لكن موجودين.

[angelaya7]

انا فاهمة بس التنسيق الالكتروني دلوقتي اختلف بمعنى انو بيشوف مجموع الانجلش عندك لو قبل بيفتحلك كل الكليات شعبة الانجلش زي الاقتصاد والاعلام والحقوق والتجارة ولو مقبلش مبيفتحهاش اصلا وده حصل مع صحبتي كانت جايبة 40 في الانجلش مرضاش يفتحلها اي كلية شعبة انجلش كذلك الفرنساوي انا جبت فيه 48 مرضاش يفتحلي تجارة او حقوق فرنساوي

[زملكاوى للأبد]

المشاركة الأصلية كتبت بواسطة angelaya7

انا فاهمة بس التنسيق الالكتروني دلوقتي اختلف بمعنى انو بيشوف مجموع الانجلش عندك لو قبل بيفتحلك كل الكليات شعبة الانجلش زي الاقتصاد والاعلام والحقوق والتجارة ولو مقبلش مبيفتحهاش اصلا وده حصل مع صحبتي كانت جايبة 40 في الانجلش مرضاش يفتحلها اي كلية شعبة انجلش كذلك الفرنساوي انا جبت فيه 48 مرضاش يفتحلي تجارة او حقوق فرنساوي

أنا سجلت لحوالى خمسه وكله فتح معايا تجاره إنجلش عادى أنا فعلا مجربتش حد جايب 40 أو أقل وممكن صح إن الموقع بيتأكد من المجموع الأول بس كل اللى بقصده من الأول إنه مش لازم إنه فتح إنجلش يبقى أتقبل إنجلش والدليل فى كليات أعلى من مجموعى بتفتح معايا عادى وبالنسبه للكليات اللى باللغه الفرنسيه مبتفتحش إلا إذا كنتى واخده الفرنساوى كلغه أجنبيه أولى لكن معظم الطلبه بياخدوا الإنجلش طبعا

[angelaya7]

اها عموما ميرسي كتير وسوري لو ضايقتك

[زملكاوى للأبد]

المشاركة الأصلية كتبت بواسطة angelaya7

اها عموما ميرسي كتير وسوري لو ضايقتك

يو أر ويلكم
عفوا مفيش مضايقه ولا حاجه

[angelaya7]

طيب هيا نتيجة التنسيق ظهرت بس الموقع مهنك ممكن لو اديتك رقم الجلوس تجيبهالي

[زملكاوى للأبد]

المشاركة الأصلية كتبت بواسطة angelaya7

طيب هيا نتيجة التنسيق ظهرت بس الموقع مهنك ممكن لو اديتك رقم الجلوس تجيبهالي

طبعا زمانك إتصرفتى
أسف بس أنا ببقى فى الشغل ومبدخلش المنتدى هنا غير بالليل فطبيعى مشوفتش الرد بتاعك غير متأخر على فكره كل اللى كنت مقدملهم جالهم تجاره إنجلش حتى اللى كان جايب 83 فى الميه لحقها فأنتى أكيد بمجموعك ده لحقتى تجاره إنجلش أس اتنين على العموم ألف مبروك ليكى مقدما هو إنتى كنتى كاتبه تجاره إنجلش أول رغبه ولا جالك كليه تانيه؟

[nrmeen]

انا هدخل تجارة انجلش هى صعبة يا جماعة وايه موادها

[اينشتاين العرب]

طب بالنسبه ليا انا علمي رياضه جبت في تانيه 81.2 وفي تالته 97 والمجموع الكلي 89.13 و جايب في الانجليزي 44/50 والمجموع الاعتباري 406 تفتكروا الحق تجاره انجليزي ؟؟؟ وجامعه ايه ؟؟؟

[زملكاوى للأبد]

المشاركة الأصلية كتبت بواسطة nrmeen

انا هدخل تجارة انجلش هى صعبة يا جماعة وايه موادها

بتختلف من جامعه لتانيه والله أعلم

[زملكاوى للأبد]

المشاركة الأصلية كتبت بواسطة اينشتاين العرب

طب بالنسبه ليا انا علمي رياضه جبت في تانيه 81.2 وفي تالته 97 والمجموع الكلي 89.13 و جايب في الانجليزي 44/50 والمجموع الاعتباري 406 تفتكروا الحق تجاره انجليزي ؟؟؟ وجامعه ايه ؟؟؟

إنت الكومنت بتاعك ده منتشر فى المكان هههههههه
على العموم إن شاء الله تلحقها دى واخده من ادبى من 83 فى الميه تقريبا يبقى إنت 89 ومش هتلحقها حتى ولو علمى إن شاء الله تدخلها

[اينشتاين العرب]

المشاركة الأصلية كتبت بواسطة زملكاوى للأبد

إنت الكومنت بتاعك ده منتشر فى المكان هههههههه
على العموم إن شاء الله تلحقها دى واخده من ادبى من 83 فى الميه تقريبا يبقى إنت 89 ومش هتلحقها حتى ولو علمى إن شاء الله تدخلها

معلش يا عم زملكاوي ده انا زملكاوي زيك :]
اصل انا قلقان اوي وانت عارف الشعور ده في التنسيق عامل ازاي وشكرا ليك وربنا يطمنك

[angelaya7]

المشاركة الأصلية كتبت بواسطة زملكاوى للأبد

طبعا زمانك إتصرفتى
أسف بس أنا ببقى فى الشغل ومبدخلش المنتدى هنا غير بالليل فطبيعى مشوفتش الرد بتاعك غير متأخر على فكره كل اللى كنت مقدملهم جالهم تجاره إنجلش حتى اللى كان جايب 83 فى الميه لحقها فأنتى أكيد بمجموعك ده لحقتى تجاره إنجلش أس اتنين على العموم ألف مبروك ليكى مقدما هو إنتى كنتى كاتبه تجاره إنجلش أول رغبه ولا جالك كليه تانيه؟

ولا يهمك معلش انا ضايقتك معايا انا كنت كاتبة رغبة اولى ألسن عين شمس والحمد لله جاتلي عموما ميرسي كتير ليك

[زملكاوى للأبد]

المشاركة الأصلية كتبت بواسطة اينشتاين العرب

معلش يا عم زملكاوي ده انا زملكاوي زيك :]
اصل انا قلقان اوي وانت عارف الشعور ده في التنسيق عامل ازاي وشكرا ليك وربنا يطمنك

لا ولا يهمك أنا بحب أهزر أوقات بس وكويس إنك زملكاوى أول ما تدخل الكليه بقى يبقى ليا ساقع عندك وإن شاء الله ربنا يوفقك وتدخل الكليه اللى بتتمناها