عــزومة في ثانويـــة ........

[لوجين20]

المشاركة الأصلية كتبت بواسطة أحمد علي

شكرا لكي يا لوجين علي تذكيري بالمشاركة في هذا الموضوع الرائع حتي لو بتهديدي بايقاف عضويتي وأجاباتي هي

1-ياتري بتحب تكون/ي عازم/ة ولا معزوم/ة في رمضان ؟

أولا : أحب أكون عازم ومعزوم وأتبادل العزومات في شهر رمضان

2-ماهو الطبق الذي تحرص/ي ان يكون موجود علي مائدة افطارك ؟
ثانيا : الطبق الرئيسي الذي أحرص علي أن يكون موجود علي مائدة الأفطار هو الأرز بجانب طبق الخضروات ولا أكل خبز سوي في السحور

3-كم مرة بتشوف/ي الساعة عشان تعرف/ي باقي كم علي الافطار؟

ثالثا : بأشوف الساعة علشان أعرف باقي كم علي الأفطار : من بعد صلاة العصر بأبدأ أنظر في الساعة

4-ياتري وزنك بيزيد ولا بينقص في رمضان ؟

رابعا : بالنسبة لوزني في رمضان بيقل وأنا أساسا وزني خفيف

5-لو رجعنا كم سنه لوراء .. ماهو الصف الدراسي الذي ابتديت تصوم /ي فيه ؟
خامسا: بدأتي صيامي وأنا في رابعة أبتدائي

6-متي الوقت الذي تفضل ان تتسحر/ي فيه ؟
سادسا : الوقت الذي أفضل أسحر فيه هو قبل أذان الفجر بساعة وأنا أساسا بأكون سهران من بعد الأفطار حتي صلاة الفجر

7- ما هي الوجبة المفضلة في السحور ؟

سابعا: الوجبة المفضلة في السحور هي الفوووووووول

8-يومك بتقضية ازاي في رمضان ؟

ثامنا : يومي بأقضيه في رمضان : أنا بأكون عندي شوية كسل وبأكون في حالة خمول من بعد صلاة العصر حتي ميعاد الأفطار وبعد الأفطار بيرجع نشاطي تاني وطبعا لا أنسي فروض الصلاة وقراءة القران

9-موقف حدث معك /ي في رمضان ولا تستطيع ان تنساة ؟

تاسعا : موقف لا أنساه في رمضان أنني لا أنسي أنني أصبت وأنا صغير أثناء لعبي الكرة وجلست في البيت لمدة أسبوعين بسبب الأصابة حتي شفيت منها

10-أختار عضو/ة وأهدية فانوس رمضان واعزمة علي اسئلتنا

عاشرا : أختار هبة واهديها فانوس رمضان لتستكمل عزومة رمضان

بداية الف سلامه عليك من الاصابةوالحمد لله انك خفيت
طبعا اللى رحمك منى هو راشد ومشاركته
ودلوقتى عندنا اتنين معزومين فى ثانوى
احمد راشد
هبه
اللى هايشارك الاول هايرشح التانى
والتانى هايختار حد جديد
يالا مستنين التفاعل ياشباب

[heba abd elhamid]

اشكرك محمود على هذا الموضوع الاكثر من رائع وكنت عايزة اقولك البقاء لله محمود ربنا يصبرك لسه عارفة انهاردة من المنتدى
بالنسبة لاحمد متشكرة لانك اخترتنى ولك شكرى وتقديرى

1-ياتري بتحب تكون/ي عازم/ة ولا معزوم/ة في رمضان ؟
هو الاسهل اكون معزومة بس الافضل اكرام الضيف ثواب بصراحة

2-ماهو الطبق الذي تحرص/ي ان يكون موجود علي مائدة افطارك ؟
السلطة وكوب من التمر واحيانا شوربة مش دائما

3-كم مرة بتشوف/ي الساعة عشان تعرف/ي باقي كم علي الافطار؟
من مرتان الى ثلاثة لغرض تجهيز الاكل وليس الفجعة وساعات لما باكون راجعة من مشوار صعب باكون مشتاقة للماء علشان كدة بانظر للساعة

4-ياتري وزنك بيزيد ولا بينقص في رمضان ؟

الاتنين وسط رمضان بيزيد بينما اخره كل سنة وانتم طيبين بيطلع عينى فى الشقة مع والدتى علشان مافى بنات غيرى

5-لو رجعنا كم سنه لوراء .. ماهو الصف الدراسي الذي ابتديت تصوم /ي فيه ؟

مش متاكدة بس اعتقد كنت بصوم جديا وانا فى الصف الرابع الابتدائى ولكنى كنت اصوم وانا اصغر ولكن ليس بالشكل الصحيح

6-متي الوقت الذي تفضل ان تتسحر/ي فيه ؟
قبل اذان الفجر بساعتان حتى اصليه حاضرا ولا يفوتنى
7- ما هي الوجبة المفضلة في السحور ؟
الذبادى وطبعا الفول علشان اقدر اصوم واهم شئ عندى هو الماااااااااااااااااء

8-يومك بتقضية ازاي في رمضان ؟

ما بين تلاوة القران والصلاة والسنن ومشاهدة بعض المسلسلات ما اكذبش عليكم وطبعا السنة دى الجديد مشاركتى معكم بالمنتديات وده شئ جديد عليه وسعيدة بيه لاننى كسبت اصدقاء كثر

9-موقف حدث معك /ي في رمضان ولا تستطيع ان تنساة ؟
ان فضيلة الشيخ محمد متولى الشعراوى مش معانا فى رمضان لكى ينقل الينا خطبه الصادقة التى تنير العقل والقلب
اما حاليا فحدث لى موقف سئ ان الفجر فاتنى بسبب اننى كنت مرهقة بعد السحور وكان باقى دقائق قليلة على الفجر الا ان النوم سلطان صحيت لقيت النور والع وانا نمت وانا جالسة

10-أختار عضو/ة وأهدية فانوس رمضان واعزمة علي اسئلتنا
انا كنت عايزة اسبق احمد واعزمه واهديه الفانوس بس هو سبقنى انا بقى طماعة حعزم ايمان وسعاد

وباهدى الفانوس ده لايمان وسعاد

[سعاد اقتصاد منزلى]

متشكره يا هبه على العزومه و الفانوس وكل سنه وكلنا بخير وبمناسبه وجودنا فى العشر الاواخر ادعو ان يوفقنا الله لادراك ليله القدر وبركاتها .....و الشكر ممدود لمحمود على الموضوع الشيق والعزومه الكريمه
بسم الله نبدأ

1-ياتري بتحب تكون/ي عازم/ة ولا معزوم/ة في رمضان ؟
انا دايما بكون عازمه بس بينى وبينكم نفسى مرة اكون معزومه ودا لاسباب نفسيه فقط و الحمد لله طلبى تحقق واتعزمت هنا النهارده
2-ماهو الطبقالذي تحرص/ي ان يكون موجود علي مائدة افطارك ؟
طبق السلطه ودا طلب جماهيرى

3-كم مرة بتشوف/ي الساعة عشان تعرف/ي باقي كم علي الافطار؟
إن كان عليا ما بشوفهاش خالص لانى بعرف مواعيد الافطار كده فلكيا يعنى من أول ما قرآن المغرب يبدأفى الجامع بجهز السفرة ودا ما يمنعش أن جوزى بيقف بجانبى بالساعه قبل المغرب بساعتين وكل 5دقايق يقولى فات 5دقايق وباقى من الوقت .....
4-ياتري وزنك بيزيد ولا بينقص في رمضان ؟
لابيزيد ولا بينقص ثابت
5-لو رجعنا كم سنه لوراء .. ماهو الصف الدراسي الذي ابتديت تصوم /ي فيه ؟
تقريبا فى سنه 5ابتدائى مع ان كان فيه محاولات باءت بالفشل قبل كده لانى كنت ضعيفه جدا وانا صغيره
6-متي الوقت الذي تفضل ان تتسحر/ي فيه؟
حسب الظروف يعنى لو كنا سهرانين والوقت تأخر بنتسحر قبل النوم ولو نمنا بدرى بنصحى للسحور قبل الفجر بحوالى ساعه
7- ما هي الوجبة المفضلة في السحور ؟
الجبنه طبعا بكل انواعها لانى بحبها جدا مع كوب الشاى دا أساسى
8-يومك بتقضية ازاي في رمضان ؟
بصراحه يوم رمضان عندى بيكون مرهق جدا مش بس علشان الصيام وكمان شغل البيت فيه بيتضاعف بالنسبه للعبادات فى النهار بقوم بأداء الفرائض فقط وبحاول أعوض دا فى الليل من نوافل وسنن وقراءة القرآن
9-موقف حدث معك /ي في رمضان ولا تستطيع ان تنساة ؟
كنت فى سنه 3 ابتدائى وزى ما ذكرت كنت ضعيفه جدا وقررت الصيام وكان رمضان فى عز الصيف والدنيا حر جدا و ما فيش سحور ولان ما فيش حد فى البيت كان يعرف تعبت جدا فخرجت من البيت علشان محدش يعرف و يجبرونى على الفطار فأغمى عليا فى الشارع وروحت للدكتور ...الموقف دا مش قادره انساه ولا فى البيت مدينى فرصه لنسيانه لانهم دايما يفكونى بتريقه طبعا ...وخاصه لما بوافق على صيام بنتى فى سنه 3 ابتدائى وبتكون والدتى معترضه فبتحرجنى قدامها بالقصه دى ...بتدلع حفيدتها طبعا على حسابى
10-أختار عضو/ة وأهدية فانوس رمضان واعزمة علي اسئلتنا.
الفانوس والعزومه هديه لمحمد السويركى ودا طبعا بعد ما شريكتى فى العزومه الايمان تتفضل اولا









ا