((البنات عايزه ايه؟؟؟؟؟؟؟؟ ......))

[zambalek_boy]

بص بقى يا مان البنات دول بجد اليومين دول بقوا حاه لا تطاق زمان يعنى كانوا بيرضوا بالمقسوم لكن دلوقتى ..اتفرعنوا ...وبردوا احنا الى ساكتين تقولك عايزة 10 حمام تقولها امرك يا حبيبتى ....عايزة شاليه فى كفر البطيخ حاضر يا حبيبتى ....ويا سلام لو ماقولتلهاش بحبك ياهوى انت بطلت تحبنى ..ولو قولتلها بحبك تشك فيك...دا غير التنفيض الى كل اول شهر....والله احنا بقى علينا العوض الله يرحمك يا رجوله اقروا الفاتحه معايا...................ولا الضالين....

[craft fun]

اية الكلام دة مش معنى ان الواحد بيرضى مراته او خطيبتة يبقى مش راجل مش كدة ولا اية؟؟؟؟؟؟؟؟؟؟؟؟؟؟؟؟؟؟؟؟؟

[zambalek_boy]

دا مش رضى دا ابو الرضا (مدرس عندنا) يا مان الى بتتكلم عليه دا لو مراته او خطيبته دى بتقدر لكن مفيش حد بيقدر ومن الاخر ابحث عن المرأئه ...دا مثل فرنسى وارشميدس قال اذا ما تواجدت المرأة فى مجتمع يسودة الخراااب...يبقى ايييييييييييه؟؟؟؟؟؟؟؟؟

[أميرة الحب]

المشاركة الأصلية كتبت بواسطة zambalek_boy

بص بقى يا مان البنات دول بجد اليومين دول بقوا حاه لا تطاق زمان يعنى كانوا بيرضوا بالمقسوم لكن دلوقتى ..اتفرعنوا ...وبردوا احنا الى ساكتين تقولك عايزة 10 حمام تقولها امرك يا حبيبتى ....عايزة شاليه فى كفر البطيخ حاضر يا حبيبتى ....ويا سلام لو ماقولتلهاش بحبك ياهوى انت بطلت تحبنى ..ولو قولتلها بحبك تشك فيك...دا غير التنفيض الى كل اول شهر....والله احنا بقى علينا العوض الله يرحمك يا رجوله اقروا الفاتحه معايا...................ولا الضالين....

المشاركة الأصلية كتبت بواسطة zambalek_boy

دا مش رضى دا ابو الرضا (مدرس عندنا) يا مان الى بتتكلم عليه دا لو مراته او خطيبته دى بتقدر لكن مفيش حد بيقدر ومن الاخر ابحث عن المرأئه ...دا مثل فرنسى وارشميدس قال اذا ما تواجدت المرأة فى مجتمع يسودة الخراااب...يبقى ايييييييييييه؟؟؟؟؟؟؟؟؟

ليه يابني بس كدا ؟؟؟؟!!!!!!!!!!
حرام عليك اللي انتا بتقوله ده
داحنا غلابة ومساكيييييين اوىىىىىى
مالك كاره البنات اوي كدا ليه؟؟؟
بص زي مافي بنات متفرعنة ومش كويسة في بردو كتيييييييييير كويسات
متعممش على كل البنات انهم كدا
مش عشان شفت او سمعت كام حكاية عن كام بنت عملوا كدا يبقا خلاص كل البنات كدا
ثم زي ما في بنات مش كويسة بردو الشباب نفس الشئ
ثم انتا مالك ومال ارشميدس ده اللي مش فاهم حاجة
تلاقيه اتخم ف واحدة وجاتله من وراها مصايب وقاسته المر ووريته النجوم ف عز الضهر وبهدلته عشان يقول جملة عبيطة زي دي !!!!!!
ثم انتا ناسي ان الاسلام كرم المرأة ؟؟؟؟؟
لو المرأة فعلا في كل مكان وكلهم زي ما انتا بتقول كدا مش كان الإسلام يعملها المكانة دي ..وربنا يهدي الجميع

المشاركة الأصلية كتبت بواسطة MohammeD el_SadaT

بسم الله الرحمن الرحيم
السلام عليكم ورحمه الله وبركاته

أنا أكذب عليك لو قلت إنى خلصت الموضوع لأنى بصراحه حسيت إنك متحامل على البنت جداااااً
ومحسسنى إن الشاب ده هو اللى ملاك نازل من السماء

أنا شاب ورأى إن زى ما فيه ناس ماديه فى ناس بتشترى رجاله

بس قبل ما تتقدم إسأل نفسك
هل أنا أستحق الإنسانه اللى أنا متقدملها دى
؟؟
هقدر أصونها
؟؟

بص الجواز مهوش لعبه والبنت لما تطلب وتقول أنا عاوزه كذا وكذا
بيبقو معزورين من اللى بيشوفوه شوف كام واحد طلع ندل وكام واحد باع
بقى كل واحده عاوزه تأمن مستقبلها
الحب مبقاش بيأكل عيش

أنا عاوز أقول فيه الوحش وفيه الحلو متحكمش على حاجه إنت مش جربتها
هل إنت شوفت دماغ كل البنات ولا دماغ كل الشباب
طبعاً لاء يبقى متحكمش عليهم كلهم ولا على معظمهم حتى
الناس دى من اللى بتشوفه معزوره

سلام عليكم

هوا ده الكلام
ربنا يبارك فيك يارب

[أميرة الحب]

المشاركة الأصلية كتبت بواسطة الناقد

السلام عليكم ورحمه الله
سؤال لكل بنت انتي عايزه ايه؟
طيب نكون محددين شويه ممكن تقولي محتاجه ايه اكتر من زوج صالح يراعي ربنا فيكي وتكونو متفاهمين ليه بقي شقه في معرفش فين وتكون خمس غرف وخمس حمامات و3 مطابخ ايه دا وله عربية اخر استايل وله فلوس في البنك

البنات عايزه ايه؟؟؟
بصراحه انا هتجنن مش انا مش عارف اقول ايه تعالوا نكمل مع بعض ونشوفالبنات عايزه ايه؟؟

طيب انا فاض بيا وبتكلم ليه عشان حاجتين الاول
انا لسه سامع قصه تفور الدم شاب ملتزم وكويس وخطيبته تسيبه عشان الحمام مش كبير سبحان الله انا مش عارف في ايه هي هتتجوزه وله هتتجوز الحمام


والثانيه بتقول لواحده القصه وصعبان عليا تفكير البنت راحت تقول ايوة معاها حق ازاي اتجوز والحمام مش كبير والشقه مش استايل والعيله هاي والمرتب والعربيه ولازم لازم يكون بيحبني وتعالو اسمعو اخر قصص الحب يعني حب 3 سنين وجواز 4 سنين وفي الاخر طلقها وحرمها من كل حقوقها وطلع معاها اخر نداله في كل حاجه تتصورهوها وفي الاخر عريس يكون فيه وفيه وفيه


وزي ما بقول للشباب او اي حد عايز يتجوز في عيلتنا ويكون شكله او امكانياته لماديه عاديه جدا ويقولي عايز اتجوز واحده جميييييييييييييييييييييييييييييييييييييييييييييييي ييييييييييييييييييييييييييييييييييييييييييييلة قوي وتكون ملتزمه بس الشرط جمييييييييييييييييييييييييييييييييييييييييييله جدا بصراحه انا في نفسي اقول طيب ما تبص علي نفسك الاول ليه يكون الشاب عادي عادي وعايزها جميله رهيبه يعني علي اساس ايه اه صح حديث الرسول واضح بس في الاخر قال ايه قال ذات الدين ودعي كمان طيب شاب اثنين ثلاته يبقي عايزها جميله لكن مش كل الشباب دي حاجه تفرس بصراحه


كمان البنت بتتشرطي وعايزه وعايزه وعايزه علي ايه يعني متعلمه وبنت ناس في خمستلاف بنت متعلمه وتعليم عالي كمان وبنات ناس كلهم

القاعده بتقول اذا رغبت ان تطاع فامر بما مستطاع بلاش نزايد علي بعض ودا يشرط ودي تتشرط وفي الاخر تنتشر الفتنه اساسا هي لوحدها منتشره بلاش نكون عون ليها والله الاهل ملهمش ذنب قوي البنت والولد هم اللي بيتشرطو لو كل بنت او كل ولد شافو كلامي دا ووقفو وفكرو كويس مش هيكون في عنوسه يا جماعه

ربنا يهدينا ويهدي معشر البنات..........


ياريت الموضوع يعجبكم

والله هوا موضوعك جامد ولذيذ وجميل
لكن الصراحة زي ماقالوا اللي فوق انتا متحامل على البنات حبتين
لكن انا مقدرة حالتك شوية عشان الحكايات اللي شفتها وسمعتها
بس صدقني في بنات كتيييييييييييييييييييير كويسة ومش بتفكر بالطريقة الهبلة دي
مش كل البنات عبيطة ومفترية

يعني أنا مثلا حكاية الماديات دي مش تفرق معايا نهائيا
أساسا لو الاتنين يعرفوا ربنا وقريبين منه أوي .. ويكونوا بيحبوا بعض أوي ..هيعيشوا راضيين ولو ف بيت مهجور
وحكاية " لو جه الفقر من الباب يطير الحب من الشباك" ده مثل خايب
أنا مش بقول يعني اني اتجوز واحد مقشفر أوي وعلى الحديدة زي ما بيقولوا
بس مش لازم يكون مليونير يعني وخمس حمامات و 3 مطابخ والتخلف ده كله
ليه هوا أنا هفتح مطعم !!!!

وعلى العموم ربنا يهدي الجميع ( شباب وبنات )
وميرسي مرة تانية على الموضوع وجزاك ربي كل خير