تنبيه هام الى كل ملاحظى الثانوية العامة

[ehab1644]

السلام عليكم
لو فى حد يسمع عن مدرسة الطبرى الثانوية بنين بروكسى - مصر الجديدة يقول لنا نركب أيه أقرب حاجة يعنى من مدينة السلام بعد بلبيس وله جزيل الشكر وكل عام وحضراتكم بخير

[nagar3321]

المشاركة الأصلية كتبت بواسطة محمد حسن ضبعون

كلام صحيح مائة %

استاذى الفاضل اعرف جيدا انك من بيلا محافظة كفر الشيخ

ولك الحق فى الدفاع عنها

انا من 6 سنين طلعت مراقبة ثانوية فى بيلا ومن ساعتها وانا كل عام اقدم اعتذار

احكى لك ماكان يحدث فى بلدكم والله على ما أقول شهيد

1- بعد نصف ساعة من بداية الامتحان يتم رمى الاجابة النموذجية من شباك اللجنة

2- ينزل الطالب الى دورة المياه ويحضر معه حل الامتحان النموذجى وعندما سالت احد الطلبة قال لى مدرس اول الكيمياء جالس فى الحمام وبيبع الحل ب 100 جنيه

3- استاذى الفاضل البعض منا فى آخر يوم نط من على سور المدرسة ومشى من الاراضى

لان الشرطة والاهالى والطلبة كانوا منتظرين الملاحظين اللى كانوا مربيين ذقنهم

4- سؤال أخير استاذى

فى بعض من السنوات تم الغاء لجان الثانوية فى بيلا ونقلها الى كفر الشيخ

وعن طريق رجال مجلس الشعب الاوفياء وطبعا انت تعلم جيدا من هم تم رجوع الامتحان مرة اخري فى بيلا

استاذى الفاضل اظن هذا يكفى ولا ممكن ندخل فى مشاحنات

وعندما تم نقلنا الى قطاع المنصورة حمدنا الله

[morsi2030]

لما ده كله فى الثانوية العامة أمال بيحصل أية فى الإعدادية و هل يمكن الإعتذار على الثانوية العامة دون الأسباب الواردة من الوزارة

[nagar3321]

ياستاذ فى الاعدادية انت بتروح فى بلد ممكن تعرف على الاقل ربع الناس اللى فيها

انت مجربتش تروح بلد مبيتعاملوش الا بالقوة

الغش من الحلول النموذجية

احنا شوفنا السيوف فى لجان بكفر الشيخ

[sh0sh0]

المشاركة الأصلية كتبت بواسطة رضا المشاكس

يا ريت حد سكندرى يقولى مدرسةمحمود سامى البارودى التجريبية اللى فى طريق الحرية فين حتة بالطبط واركب لها اية بس ياريت يكون قطار

الزميل الفاضل /

واضح ان حضرتك ليس من الاسكندرية

عموما اذا جئت من محطة مصر او سيدي جابر فلايمكن الوصول اليها الا عن طريق الحرية فقط ولاينفع قطار فهي بجوار بنزينة جليم ويمكن ان أدلك اكثر لو وضحت من أى مكان ستحضر - مع تمنياتي بالتوفيق باذن الله

الزميلة / شوشو

[versailles2006]

عايز اقدم اعتذار عن الثانوية اعمل اية و اروح فين فى اسكندرية و هل بيقبلو الاعتذارات ؟

[عبده ع]

الظاهر الوزير عاوز يخلص على المدريسن

[الزاهد73]

عن اى تربوى تتحدث يا اخى لكى اتعامل مع مجموعة شباب كل اللى عملته لهم الثورة هى الجرأة و قلة الادب و عدم احترام الكبير

[nagar3321]

اشك فى ان الاستاذ الفاضل بيطلع يروح امتحانات

يمكن الثانوية عندنا ارحم

ياستاذ كنا فى شمال سيناء كل طالب بيدفع 50 على الأقل ويتم عمل فندق لاقامة المدرسين وكافتيريا كله على حساب الطلبة وطبعا انت ادري بالمقابل

راقبت سنة فى بورسعيد ولما شدينا اللجنة تم ترحيل جزء منا عن طريق أمن الدولة وفوجئنا ان كل ذلك حدث بسبب ان الولد قال لأبوه اللجنة كانت شديدة ولم اقم بالغش