تعليق على جدول الامتحانات

[M E K A]

بجد ده ظلم يوم واحد بس قبل الميكانيكا؟؟؟؟؟؟؟
والله يكون فى عون الى واخدين علم نفس
وبتوع ادبى مستريحين على الاخر وبتوع علمى رياضه يا عينى عليهم
لا جايين على نفسهم قوى وحاطين قبل المستوى خمس ايام !!!!!!!!!!!

[مشتاقة لرضا الله]

على فكره ربنا معاكم بجد
انا الحمد لله احياء والجدول عاجبنى كده
بس انتوا لازم تطحنوا الرياضه دى دلوقتى
عشان تقدروا تراجعوا على طول فى يوم واحد
وربنا يوفقنا جميعا

[Dr.Nobel]

بجد على قد مانا فرحان بجدولنا علمى العلوم
علي قد مانا زعلان عليكو
بس انتو قدها وهتعدوها وتبقو مبسوطين ان شاء الله

[yasmeen 2008]

المشاركة الأصلية كتبت بواسطة محمود خاطر

دة كلام فاضي واللي حط الجدول خاصة لعلمي رياضة والله مابيفهم في التعليم هههههههه جبر وهندسة فراغية بعدها علم نفس بعدها ميكانيكا خبط لزق حرام والله ،بس على فكرة انا حاسس انو هيتغير

انا مع حضرتك ولكن الجدول للاسف مش هيتغير
انا علمى رياضة واقتصاد واحصاء

[basmala]

مع الاسف انا علمى رياضه ومشكلتى اكبر لان المراجعه النهائيه اقل حاجه بتضيع ست ساعات

وانا عندى امل انهم مممكن يغيروا يوم الميكانيكا

[rawan_k]

انا بقى عندى مشكله فى الجيولوحيا قبلها يومين والله حرام هذاكرامتى فى يومين بس حرام والله

[DR.Neuro]

يا جماعة الرياضة اساسا مادة مش محتاجة مراجعة كتيرة
الواحد بس يحفظ القوانين ويراجع على الاثباتات ويحل المسائل الصعبة وخلاص
مش محتاجة يعنى مليون يوم
بس ربنا يوفقكم

[basmala]

حضرتك لو كنت رياضه ماكنتش قولت كده ....ولو كانت سهله اوى كده ماكنوش خلوه عليها خمسين درجه

الرياضه ماده تستحق ان يكون عليها اكثر من خمسين درجه لاننا بجد بنتمهد لحاجات اعظم

[اسا مة مر اد]

السلا م عليكم \ بجد كدة حرم جداااااااااااااااااا
طب فرق يومين مش يوم نرجو التعديل
مش هقول غير يا رب

[mostafa atia]

انا سمعت ان الوزير كان فى (( البيت بيتك )) وقال ان الجدول هتغير

فى حد سمع البرنامج امبارح

[abody@@]

يا اخونا ابعتوا فاكسات للوزير ممكن يتحل الموضوع ديه

[ابن الوادى]

لازم نرضى بالأمر الواقع لأن الرياضة 3 فروع وبالتالى طبيعى يكون الجدول ضيق يعنى من الآخر لازم نشد حيلنا شوية من دلوقتى علشان ماينفعش وقت الامتحان نقول ما فيش وقت

[shimagad_91]

يا جماعة انا اتصلت بالخط الساخن وقولتلهم انهم حتى يفصلوا بيوم بين علم النفس والميكانيكا وردوا عليا وقالولى هانشوف وصاحبتى اتصلت وقالولها مش هانغير الجدول ده كل طلبنا انهم حتى ممكن يخلولنامكان الميكانيكا تفاضل على الاقل التفاضل مقدور عليه

[shimagad_91]

او ممكن يخلولنا الميكانيكا يوم المستوى الرفيع بدل ماهانقعد كل ده لغاية المستوى الرفيع والتربية الوطنية

[ghosts_kingdom]

ياجماعه شدوا حيلكم الرياضة هتكون احسن ماده تمتحنوها
انا رياضة زيكم بس إقتصاد وإحصاء
ربنا يعينا جميعا