بخصوص اعادة الثانوية العامة

[أنين الأنين]

انا معنديش فكرة بس من رأىى انك تكملى فى الكلية اللى ربنا كاتبهالك
انتى ما شاء الله عليكى عندك حاجات حلوة كتير تقدرى تعمليها
واذا كان على الاهل انا عارفه انه صعب عليكى موقفهم بس ان شاء الله ربنا هيعوضك
خير كبيييير لدرجة انك هتقولى الحمد لله انى ما عملتش حاجه غير كدا
انا ليا ناس كتيير اتظلموا فى التصحيح جامد ومن غير تظلمات دخلوا الكليات اللى جاتلهم
وا شاء الله عليهم دلوقت حتى نفسيتهم اتغيرت كتير للاحسن وبقوا سعدااء
بس فى الاخر شوفى الاصلح ليكى وربنا يوفقك

[meto_6120]

بس انا مقدرش ابعد عن الطب والدم والجراحة والحجات دة لكدة لاما اقعد فى البيت احسن ولا اشوفلى اى شغلانة والسلام

[beta777]

حضرتك انا ولا ابويا ولا امى ولا حد من قريبي طب او هندسة كلهم تجارة وتربية بس بسم الله ماشاء الله عايشيين احسن من نص الدكاترة عندنا

[Ahmed Kane]

طب يا جماعة انا سمعت ان فيه ناس بتروح طب ليبيا وبتحول تانى سنة للمنصورة عادى انا جبت 92.32 فاا كانت ليبيا او السودان هنا فى البيت مفيش اى مانع بس يا ريت حد يقولى اقدم ازاى او اعمل ايه وهحتاج اروح السفارة ولا ايه اللى مطلوب يا ريت حد يرد عليا

[Free Canary]

تعيدي ثانوية؟؟ طب مافيش كلية ترضيكي من الكليات المتاحة؟؟
انا بابا و ماما عايزيي اعيد برده بس انا رافضة و بشدة

[solty]

بخصوص اعاده الثانويه على حسب معلوماتى

ان ده خلاااااااص الاعاده الى هى التحسين تنسوها ياجماعه خلاااص ديه بطلت فى العااام وانتهت والتاجيل هو الى حل مكانها


اما فى الازهر قاعده لسا

الموضوع ده بتسال فيه ناس كتير


بس خلااااص انتهى انتهى بجد

انا مش بحبط حد ولا بغيب امله ولا بكرهه عشان اقول كدا

انا بس بحب الصراحه والواقعيه وميكونش عندى امل فى حاجه خلاص انتهت


وشكرا

[hamdy adel 100]

هو حضرتك بس توضيح في فرق بين التحسين الي كان موجود وتلغي وبين اعادة الثانوية التحسين كنت انت مثلا دخلت الامتحانات وفيه مادة مثلا او اكتر من المواد جبت فيها درجة مش عاجباك كنت تروح بعد شهرين وتعدين الامتحان فيها لغايه ماتجيب الدرجة الي انت عاوزها

بالنسبة لاعادة الثانوية انا بحاول اوصل لخلاصة الموضوع ده بس ادق معلومة وصلتلها من واحد شغال داخل الكنترول انه قال لا مينفعشي لان كل طالب نجح ف الثانوية بيتسجل اسمه في قاعدة بيانات الكنترول المركزي ولو دخل تاني وقت تقديمة للتنسيق مش هيعرف لان اسمة بيكون دخل قبل كده بس الكلام ده انا عرفته السنة الي فاتت مش عارف بقي ايه الموقف بعد ما اتغير نظام الثانوية هيكون في قاعدة بيانات جديدة مثلا علشان النظام الجديد ولا لا او لو قدمنا منازل باردوا مش عارف او باردوا لو قدمنا في محافظة غير بتاعتنا ونظام منازل مع التغيير الي حاصل في النظام ده ممكن يعد الموضوع باردوا مش عارف لو في حد متاكد ياريت يقول

[princess nona95]

مينفعش ياهالة تكونى فى كلية وبتعيدى ثانوية
انتى ارضى بال ربنا كاتبه احسن بدل ماتقلى السنة الجاية وتقولى يارتنى كملت انا كان ليا واحدة صاحبتى عادت وقلت بس طبعا مينفعش تاخد نتيجة السنة ال قبلها ممكن الامتحانات تيجى اصعب انتى متضمنيش ال يحصل ياهالة
متزعليش من نتيجتك ياهالة الكل زعلان من نتيجته السنة دى وربنا
قولى الحمدلله

[meto_6120]

احنا يا جماعة منقصدش تحسين المواد انا اقصد اعادة سنة 3 ثانوى بس و سالت ناس كتيرة قالولى ينفع و الله اعلى و اعلم بس انا دا الوقتى بفكر فى طب السودان او ليبيا بس انا عاوز اعرف معلومات كتيرة عنها ازاااااى اقدم فيها و هل تانى سنة اكمل فى مصر فى جامعة المنصورة و يا ريت الى يعرف حد عمل الحكاية قبل كدة يسالة و يقولى

[mona alaa]

بعد ازنكم انا جايبه 53 % اولا انا طموحي وكان نفسي اكون محاميه ومفيش اي حل غير اني ادخل معهد صح وعارفه !! بس سؤال هو ينفع اعيد ثانوي تاني ولا ولا اه ايه الاجراءات لو سمحت ولا ممكن اعرف ايه الحل؟؟ وشكرا