اخر كلام عن التنسيق

[zz123]

المشاركة الأصلية كتبت بواسطة babagamil

كل واحد عنده كمبيوتر وشاشه قاعد يفتى ومحسسنا انه رئيس الوزاراء ولا بينزل عليه اوحى كل يوم وعمال يقول فى توقعات وافتكاسات ياريت كل واحد يخلى توقعاته انفسه

والله كلام حضرتك صح المنتدى امتلى مفتين مش قدرين يصبروا ليوم السبت
ماحدش عارف حاجه ده كلام جرايد التنسيق هوه الفيصل

[Dr..Soha]

حسبى الله ونعم الوكييييييييييييييل فيكو كل واحد عمال يقولنا توقع من عنده

[tiger2005]

طيب انا 98.4 يعني 403.5
حلحق حتي اسنان ولا اخودها من الاخر واطير علي صيدلة

[the prince of persia]

بلاش فتى ياعم مستحيل ان الطب ينزل لان المنافسة علية شديدة جدا واخره 406
اما الصيدلة سهل جدا تنزل عن كدهل399
وياريت تراجع الارقام وبلاش كده ابوس ايدك

[mahmoud ramdan]

المشاركة الأصلية كتبت بواسطة abo tata

على فكره دوت طبقا لكلام الوزير
ان الحد الادنى هيزيد من درجه لدرجتين

اذا كان الحد الادنى هيزيد من درجة لدرجتين ازى تكون صيدلة 401 مع العلم انه كان 396
النقطة الثانية ازى طب تبقى 404او405 هيكون العدد11455 فى حالة 405 وبالتالى هيكون العد لحد 400 الباقى 11الف وشوية مع العلم ان صيدلة بتاخد اكتر من بشرى

[احمد السطوحى]

يا جماعه هناك حسابات معينه حسب الرغبات وكل كليه فى كل منطقه ليها حسابات فبلاش حد يفتى

[Dr.Mohamed Attia]

بطلووووووووووووووووووووا فتى بقى قرفتونى كل واحد يخلى لسانة جو بقة ويسكت هو انت بتشتغلوا مع وزير التعليم العالى ولا ف المجلس الاعلى للجامعات ما كلنا طلبه زى بعض يبقى نسكت ونستنى ليوم السبت قرفتونى

[قمه منه]

يا جماعه انا عايزه اقولكم حاجه ان فى واحده قالتلى ان السنه الى فاتت كان فى نفس المشكله من حيث التوقعات وكل واحد يدى ارقام زى ما هو عايز انا عايزه اقولكم انكم تصبروا وبعدين مش انتوا كتبتوا الى نفسكوا فيه فى الرغبات خلاص سبيوها على ربنا هو الوحيد الاعلم بقدرك والى هو كتبهوللك وفيه الخير ليك انا عارفه ان لقدر الله لو محدش لحق حاجه كان نفسه فيها هيزعل فاعرف ان دا خير عسي ان تكرهوا شيئا وهو خيرا لكم وكل متزعل افتكر الايه لان القناعه نعمه من عند ربنا وخاصة ان نظام التنسيق عندنا بايخ اوى ميحط المجوع لكل كليه والواحد يختار رغبه واحده بدل 48 على الاقل يبقى عارف لو حلمه ضاع هيدخل ايه مش التنسيق يوديه ويجيبه
وعلى فكره انا قدكم وجايبه 98.5% علمى علوم واملى فى ربنا كبير ولو مخلتش الى انا عايزه هاحمد ربنا واقتنع ان دا هو بقية حياتى ومستقبلى ولازم اركز فيه وبعدين الى عايز يعمل حاجه يعملها سواء فى اى مجال المهم يبقى عنده الطموح
زافتكروا ان ربنا كريم وعارف كل واحد تعب اد ايه ونجح ازاى