خريج هندسة حكومي أفضل ولا خاص

[eng ahmed nassar]

المشاركة الأصلية كتبت بواسطة to be is to do

طب معلش هو طالب العام مش فلته هو بس واحد زاكر وتعب طول السنه عشان يجيب ال 94 اللى بتتكلم عنها ونتيجه تعبه دخل هندسه مرتاح ومحترش يدخل هندسه خاص ولا قعد يسأل ادخل دى احسن ولا دى احسن
إيه التكبر فى كده ؟! .. ولا انت ممكن تقول ان الفرق الوحيد بينهم هو " عُقده النقص عند بتوع الخاص "

على فكره أنا عيب إنى أُرد أقول كلام زى ده طبعا بس كومنتك كان لازم يترد عليه مش أكتر

انا اصلا هندسة عادية بس اخويا هندسة خاصة وكان جايب 89 فى الميه السنة دى وكان بيتعب وبيذاكر وحارق نفسه من المذاكرة ربنا ما اردش انه يجيب هندسة عادية بس تعب مش كل الا داخل هندسة يا حبيبى بيقى راجل مجتهد معايا ناس فى الكلية ما تعرفش داخلتها ازاى بيكونوا بيغشوا مش كل حاص ناس فشلة وعامة انا كنت السنة الا فاتت 94.9 ودخلت هندسة ومش مضايق ومفيش 70 فى الميه يدخل هندسة ويا باشا مش كله 85 فى الميه الا دخل خاص فيه لحد 93 فى الميه ناس ربنا ما اردش انها تدخل ناس تعبت الواحد يضايق لحاجة واحدة بس من سنتين كان الخاص بياخد 60 الي 70 دول تعرفك انهم ناس فشلة بس دلوقتى النسبة ارتفعت وانا بقول اهو ما عدش الشغل فى القطاع الخاص بيفرق بين العام والخاص ولى شهادتك اهم حاجة معرفتك ونجاحك فى التدريب علشان اجيبها من الاخر

[eng ahmed nassar]

المشاركة الأصلية كتبت بواسطة ياسر اشرف

اكيد طبعا اللي داخل خاص من 70 ولا حتي 85 مينفعش انو يتساوي بال اللي جايب 95 وفيما فوق الناس طبقات في العقول

طبقات عقول ايه انت محسننى ان نظام تعليمك بيقيش طبقات العقول نظام تعليمك فاشل ومفيش 70 فى الميه هندسة خاصة اقل حاجة 85 فى الميه ما تالفوش بقى

[eng ahmed nassar]

المشاركة الأصلية كتبت بواسطة moh.b

خلاص اصلا المعاهد الخاصة مش هيبقي ليها لزمة اصلا بعد قرار النقيب الجديد.... البلد كلها بقت هندسة ! :\

قرارات النفيب الجديدة فعلا هتصلح المعاهد الخاصة بعد تحديد حد ادنى للقبول بالنقابة 5 فى الميه للجامعات الخاصة و9 المعاهد وتخفيض اعداد المعاهد الخاصة وانا بشجع القرارات دى

[hassan201022]

على فكرة انا متفق معاك ان فيه اللى تعب ومتوفقكش وممكن دا بسبب ماده زى علم النفس او العربى
وده لو دخل خاص يستحق يكون مهندس
مثلا طالب جاب 91%
انما طالب جاب 80 % لا يستحق معلش
ومتقلييش اقل حاجه 85% ونبى
الطب اساسا ف 2011 كان بادئ من 84% والهندسه كانت ف بعض الجامعات وصلت ل78% وممكن تنزل كمان عن كده
بس طبعا لا مانع ان اى حد دخل خاص جاب فوق ال90 انه يخش النقابة
لان لو محصلش كده البلد كلها هتبقى مهندسين وفرص الكل هتقل

[the king11]

مش هتفرق خاص من حكومة يا جماعة المهم انت شخص فاهم ولا حافظ الحمد لله انا دخلت حكومة بس اعرف ناس كتييير ممتازة فى دفعتى اتظلمت فى التصحيح دة غير ان الامتحنات غبية اصلا و مش بتقييس اى مستوى للذكاء زى ما كان واحد كاتب هنا ف اية العيب انة يحقق حلمة و يخش هندسة خاص ؟؟؟؟ التعليم غبى يا جماعة ناس كتير اوى بتتعب و مش بتلاقى للأسف

[hassan201022]

المشاركة الأصلية كتبت بواسطة the king11

مش هتفرق خاص من حكومة يا جماعة المهم انت شخص فاهم ولا حافظ الحمد لله انا دخلت حكومة بس اعرف ناس كتييير ممتازة فى دفعتى اتظلمت فى التصحيح دة غير ان الامتحنات غبية اصلا و مش بتقييس اى مستوى للذكاء زى ما كان واحد كاتب هنا ف اية العيب انة يحقق حلمة و يخش هندسة خاص ؟؟؟؟ التعليم غبى يا جماعة ناس كتير اوى بتتعب و مش بتلاقى للأسف

انت عندك حق وده اللى احنا بنتكلم فيه
بس برضه متبقاش سايبه يعنى اللى اتظلم ف الصحيح اتظلم ف 5 او 6 او 10 درجات مثلا
يعنى ممكن مجموعه يبقى 90 او 91 دا العذر معاه وربنا يوفقه ويبقى مهندس ويدخل النقابه كمان
بس متبقاش سايبه اللى جايب 85 و 80 يدخل وكده عشان فرص كل واحد فينا متضعش
كل اللى جاب 90 فيما فوق ناس ذاكرت وتستحق غير كده انا ارفض
ولا ايه رايكوا

[eng ahmed nassar]

اتفق معاك تماما دلوقتى

[eng ahmed nassar]

وكمان علشان اكون متقف تماما لازم يكون الحد الادنى للهندسة الخاصة فى المعاهد لا تزيد عن 7فى الميه من الهندسة العادية يعنى لو هندسة خدت 94 تاخد 87 والجامعات الخاصة لاتزيدعن 5 فى الميه وبكده نكون ما حرمانش حد وبتهيالى كدا يبقى عادل

[hassan201022]

الى حد كبير اه
الحمدلله اول مرة اشوف اتنين فى مصر يبقوا مختلفين ويتفقوا ههههههههههه
يااااااااه دا الواحد كأنه بيحلم

[farid farag]

اسمحلى اقولك ان مش اللى هيفرق دراستك فى العام او الخاص ....... اللى هيفرق تميزك وتفوقك واجتهادك سواء خاص او عام

[osamaelzan]

والله انتوا هجاسين وفتاييين ولا تعرفوا اى حاجة ... خاص ايه اللى زى الحكومى ؟؟!!!!!!!
والله من كام مهندسن ان بره المهندس الحكومى وزير ومحدش بيقدر يكلمه والمهندس الخاص بيبقى شغال شكل الفنى الكل بيمرمط فيه وخصوصا مهندسين الحكومى ده غير ان الشركات النضيفة فى الغالب بتدى refused لخريجى الخاص وبيروحوا يشتغلوا هناك فى اى حتة والسلام الى بقى اللى لعبت معاه حظ كده
بطلوا فتى بقى يابنى دا المدنى والميكانيكا والكهربا الحكومى اول مابيتخرج بيلاقى شغله جاهز حتى لو فيها بهدلة او سنتين تلاته لكن الخاص بيفضل يتبهدل نص فترة شغله
الاخ اللى بقول ان الحكومى متكبر
ده من حقه لان الخاص ده فاشل اشترى الكلية بفلوسه ماعدا نسبة صغيره جداااااا بتبقى فارقة على 1% ولا حاجة بسبب ظروف ولا حاجة وبردو بيتكتب فى كرنيه النقابة بتاعهم اسم الكلية او المعهد الخاص يعنى برضو اتساوى باللى مش جايب حاجة

[ibrahim santos]

طب انا جايب 378 و ناقص فى العربى 15 درجة
عموما هو عيبى انى محسنتش نفسى فى العربى بس انا ليا الحق انى اخش هندسة خاص ولا لا

[osamaelzan]

طبعا ليك حق ودى من الحاجت اللى انا باخدها على نظام التعليم عندنا
ان ممكن واحد ينقص كتير فى العربى وعلم النفس مع انه داخل رياضة او احياء ومش هايحتجهم ابدا ابدا بعد كده ده غير انه ممكن يكون متفوق فى المواد الللى بيحتاجها فى الطب والهندسة

[eng ahmed nassar]

المشاركة الأصلية كتبت بواسطة osamaelzan

والله انتوا هجاسين وفتاييين ولا تعرفوا اى حاجة ... خاص ايه اللى زى الحكومى ؟؟!!!!!!!
والله من كام مهندسن ان بره المهندس الحكومى وزير ومحدش بيقدر يكلمه والمهندس الخاص بيبقى شغال شكل الفنى الكل بيمرمط فيه وخصوصا مهندسين الحكومى ده غير ان الشركات النضيفة فى الغالب بتدى refused لخريجى الخاص وبيروحوا يشتغلوا هناك فى اى حتة والسلام الى بقى اللى لعبت معاه حظ كده
بطلوا فتى بقى يابنى دا المدنى والميكانيكا والكهربا الحكومى اول مابيتخرج بيلاقى شغله جاهز حتى لو فيها بهدلة او سنتين تلاته لكن الخاص بيفضل يتبهدل نص فترة شغله
الاخ اللى بقول ان الحكومى متكبر
ده من حقه لان الخاص ده فاشل اشترى الكلية بفلوسه ماعدا نسبة صغيره جداااااا بتبقى فارقة على 1% ولا حاجة بسبب ظروف ولا حاجة وبردو بيتكتب فى كرنيه النقابة بتاعهم اسم الكلية او المعهد الخاص يعنى برضو اتساوى باللى مش جايب حاجة

بقولك بعض النظر عن اسلوبك غير المحترم الا بيدل على شخصيتك الا انى هرد عليك كمحترم
اولا ياحبيبى احنا مش بنفتى ولى حاجة والكلام بتاعك نص غلط اولا الشغل يا باشا زى ما انت قولت بيتعمل ليك تدريب وبتشتغل على اساسه وتبن شطارتك مش بياخده بشهادته اهم حاجة الشخص لان فى ناس فى هندسة عادية وفشلة وناس فى خاص وممتازة والناس وباين عليك انك لسه مش عارف حاجة فى الدنيا لسه ما خدتش خبرة قى حكاية ظروف الا تنقص واحد فى الثانوية وبس

[بلال الاسد]

ابن عمى جايب96 السنة دى ودخل خاص عشان التعليم فيها احسن الحكاية مش حكاية فلوس هيا بس تعليم كويس وعلى فكرة فى الاخر كلة زى بعضة ودى الظلم فى الشغل كلة بيتسوى الخاص زى العام وجهة نظر الخاص احسن بكتير