من الثانوية للكلية

[د/نداء الجنة المصرية]

الموضوع ده للى داخلين الكلية السنة دى احنا طبعا كلنا على اختلاف الكليات اللى هندخلها متهمين بان الامتحانات هى اللى كانت سهلة فاللى ادخل كلية كويسة يعتبر ماانجزش فى نظر المجتمع واللى دخل كلية اقل بيعتبروه تعبان وكل ده غلط فى غلط احنا اخدنا الثانوية فى جو مليان وش وكمان بيتهموا ان كان فى غش معلش يعنى اللى بيغش ده حد فاشل يعنى عاوز ينجح وبس انما نتهم اللى داخلين الكليات كلهم انهم غشوا فده امر غريب على العموم اعتبروا اننا مامتحنناش وانكم لسه هتبداوا عايزين بداية قوية حماسية لانى قرات مقال فى جريدة بياخدوا اراء دكاترة الجامعة وواضح ان كلهم شايفننا مش اهل للكليات اللى هندخلها وعمالين يقولوا ان الدفعة دى عدد كبير منها هايسقطوا فى اولى كلية يعنى من الاخر مستحلفين

وعليه عاوزين انضباط مافيش زيه ماحصلش فى سنة قبل كده عاوزين نحقق عدد من تقديرات الامتياز ماحصلش فى سنة قبل كده عشان نثبت عكس رايهم ده وعشان كده لازم نحضر كل المحاضرات مانتاخرش على المحاضرة ولاثانية مذاكرة فوية جدا تنفيذ اوامر الدكاترة بالحرف الواحد وده فى الكليات كلها عاوزين نغير وجهة نظر الناس اللى دخل كلية ماكانش عاوزها يتفوق على نفسه ويثبت انه يقدر ينجح فى اى مجال وكمان يفرح اهله ويثبت انه مش فاشل واللى دخل اللى هو عاوزه مايقفش عند كده ويثبت انه مادخلش بالحظ او الغش وعشان كده مطلوب الانضباط والالتزام بشدة