مؤتمر ثورة المعلمين 14 مطلباً.. للتراجع عن الإضراب قبل بدء الدراسة جدول زمني

[حسين صهوان]

يعنى المثل بيقول من طلب العلا يعلى وياللأسف بعض المعلمين فى المنتدى محبطين ... نفسى أفهم هو المدرسين أقل من فئات المجتمع الأخرى فى أيه وليه بعضنا بينظر نظرة دونية ودائماً بيحسسنا بالقهر والظلم اللى هو أصلاً طافح به الكيل ... يا عزيزى فى الخليج اللى أحنا بنقول إننا علمناهم هناك جدول للأجور على مستوى الدولة فى السعودية من الدرجة الـ 15 وحتى الدرجة الأولى لكل العاملين متدرج فيه المرتب حسب المؤهل وحسب سنوات الخبرة والترقية بالكفاءة إحنا فين من ده .... لله الأمر من قبل ومن بعد

[مصرى الى الابد]

الواحد زهق بصراحة من وزارة المجاعة و الذل وزارة التعليم

[احمد جلال2]

انا شغال بعقد ب 50 خمسين جنيه وما باقبض خالص على فكره انا خريج كلية الالسن ومعايا زوجه واربع اولاد يعنى ندور نشحت حسبى الله ونعم الوكيل والحكم لله

[عصام بن ادم]

بعد 22 سنة خدمة من اعدادى لثانوى وترقيات خارج الادارة وشحططة وبهدلة واوعى المعايير واحفظ المعايير ومدرستى جميلة نظيفة منتجة وحاسب فيه متابعة والعيال معهاش كتب ليه يا استاذ ومدير عام يقولك تكتب فى التاريخ من شوال ولو مكتبتهاش (من) دى تبقى وقعتك سودة والحق الجودة والاعتماد واطلع راقب ثانوية عامة خارج الادارة وسافر واتغرب بس انتى تعالى ياحبيبى تعالى وحضر بالطريقة الطولية لا بالعرضية والغى سنة ساتة ورجع سنة ساتة وتالتة ابتدائى تبقى شهادة لا تتلغى والثانوية العامة مرحلتين وهييييييه لا مرحلة وحدة وسنة تانية تبقى نقل وهييييه وتخش الكادر وتذاكر وتنجح واللى مش هيخش الكادر هنحط السيخ المحمى فى صرصور ودنه وتلاقى اللى بعد منك بكام سنة اتساوى بيك وتستنى المرحلة التانية من الكادر عشان تزيد وتقب على وش الفتة ( ده احنا هنهبر هبر ) وتمنى نفسك فى الاخر مرتبى لايزيد عن 1500 جنيه بالحوافز بسلطاته ببابا غنوجه ومن الاخر كده ايديال زانوسى بقت زانوسى وسلم لى على الكادر

[احمد جلال2]

والله انت تموت من الضحك

[احمد جلال2]

صبرا يا ابن ادم فان موعدكم الكادر

[عصام بن ادم]

والله ياأستاذ أحمد مش باين شكلها مش هنجتاز الصراط (وعود الحكومة ) وسنهوى فى قاع جهنم ( مطالب الحياة )

[مجدى عبد الفتاح]

ما علينا من الفلوس خلونا فى مصدر الخبر وشوفوا تاريخه صحيح ولا لا والرابط مش سليم ولا بيوصل للخبر يعنى مفيش ائءتلافات ولا تجمعات ولا ديوله دمتم

[استاذ مظلوم]

طيب ما اهو الناس زعلانة فعلا ؟
ولما قلنا الناس زعلانة من رواتب شهر 7 يبقي كنت صادق

[alneseem]

انا زهقت من الكلام الفارغ الذى لن يفيد وانا عايز مطلب واحد فقط يحسبوا لنا الكادر على الاساسى الجديد ويسبونا فى حالنا

[zizo-20099]

المهم مجيش بعض المعلمين الجبناء وانا اعتذز عن وصفهم بذلك - يخلوا المدرسين اصحاب العزم يتراجعوا عن الاضراب
ياريت يشفوا اللى عملوة الاطباء
ويشفوا قانون المهن الطبية الجديد والمقابل المادى والمعنوى لهم بعد ان اثبتوا انهم رجال اصحاب كرامة

[mafak]

المشاركة الأصلية كتبت بواسطة مصرى الى الابد

الواحد زهق بصراحة من وزارة المجاعة و الذل وزارة التعليم

وزارة اصلا مفيش فايدة عمرها ما حتريح المعلم

[أحبك يا مصر]

أصلاااااااااااااااااااا الموضوع ده قديم ومكتوب من 2012 ايه الفايده من الردود فيه وإعادة شحن المعلمين ....
كفاااااااااااااااااااكم أذى
((( طبعا عارفين نفسكم كوووويس )))