امتحان قدرات لدخول الجامعات

[نونة الشعنونة]

لا طبعا مش موافقة كده حرام يعني اللي جايب 99% هايتساوى مع اللي جايب 50% وطبعا دي هاتدخلها الوسطى زي مادخلت كل حاجة وهيبقى اللى معاه قرش يساوي قرش لكن اللي معاهوش ما يلزموش

[LA STELLA]

لا يا نونة مش هيتناسبوا مع بعض
هتبقى مثلا شروط انك تدخل الكلية الفلانية انك تجيب الحد الادنى لمجموعها زائد كمان امتحانات القدرات
زى فنون تطبيقية كدة
ناس ياما جابت لائق اى امتحان القدرات بس مجموعها مجابش
والعكس بيحصل بردو
______

وكمان عشان تحد من حكاية الدح والحفظ بدون فهم وعدم القدرة ع الابداع والكلام دا
بدل ما ناس بتبقى جايبة مجاميع فوق اوى فى الثانوية وتدخل تسقط !
او حد يتخرج حاسس انه مش بيعرف يشتغل وظيفته دى او مش مناسباه
يعنى بحيث كل واحد يتحط فى المكان المناسب ليه

وفى المقابل هتبقى الثانوية سنة واحدة ،، بدل ما يبقوا 3 امتحانات الواحد يمر بيها حتى دخول الكلية

_وجهة نظر _ مش اكتر ،، ولسة الموضوع بيتناقش

[مصروية]

اكيد موفقه بشده لان بالوضع ده هيكون كل واحد في مكانه الصح و بكده هيقدر كل واحد يكون ليه شأن في مكانه و اعتقد ان كده مش هيكون في ظلم لاي حد و لا هنسمع عن دكتور مش دكتور و لا مهندس بنى عمارة ووقعت لان في الوقت ده هيكون ناجح في مكانه حسب قدرته و امكانياته و مش هيكون في شد اعصاب زي دلوقتي

[النجم7610]

طبعا موافق
بس ياريت يلحقنا هذا القرار ويطبق علينا

[basmala]

لا انا ارفض طبعا ولا الطالبه ولبا الياء الامور ناقصين وجع دماغ ...وبعد شويه هتلاقى المدرسين بيدوا دروس عشان تنجح فى امتحان القدرات

زى بالظبط اللى بيحصل فى فنون وعماره ....

[ابن الوادى]

الخوف اشد الخوف من الكوسة اذا دخلت فى الموضوع ده

[محمود خاطر]

اللهم صلى على اشرف المرسلين محمد صلى الله علية وسلم ،المشكلة ستكون في شئ واحد فقط في موضوع امتحانات القدرات وهي دخول الواسطة ،وهية العملية مش نقصة البلد تخرب اكتر من كدة يعني اما واحد ميكونش مؤهل لكلية هندسة ويكون عندة واسطة ويدخل وواحد تاني مؤهل بس معندوش واسطة يدخل اي كلية تانية مش مناسبة لقدراتة ،هية المشكلة في كدة بس تبقى العملية زي الكليات العسكرية ،كووووووووووووووووووووووووووووووووووووووووووسة

[hossam_flex]

مشكوووووووووووور ونتمني المزيد ومدئما الي الامام

[Grand_Dreams]

موافقه بس يكون فى فعلا اختبار بدون اى تدخل الوسطات ولا اىشى يضع الاخرين

[Solom_X]

طبعا لا اوافق بشدة التنسيق افضل بكتير
لكن ممكن يتعمل قسم او عدد معين من الطلبة اللي ليهم قدرات في شيء معين يعني واحد مثلا عبقري فيزياء ورياضة ومالوش في العربي والمواد الادبية ده ممكن يدخل هندسة مثلا بس بشروط يكون جايب الدرجة النهائية في المادتين او اقل درجة ويجتاز امتحان القدرات
يعني تبقى كدة بحيث يكون مفيش واسطة ولا كوسة
لكن مش اجيب 99 ومدخلش الكلية اللي انا عايزها عشان فشلت في امتحان القدرات اللي ممكن اكتسب هذه القدرات في الجامعة مع التدريب والممارسة
يعني مش لازم نقلد الدول الخارجية وبس لاازم نشوف اللي يناسب مجتمعنا

[eyes_smile]

اكيد طبعا موافقه لان كده كل واحد هيقدر يدخل الكليه اللى تناسبه مش تبقى كليه مفروضه عليه ومش عايزها ومش يقدر يمشى فيها لانه بيكرهها فبالتالى ممكن يطلع دكتور فاشل او مهندس فاشل او غيره........ وفعلا لازم يكون الاختبار ده خالى من الواسطه

بس من رأيى مش هيبقى فيه لا كوسه ولا واسطه لان الاختبار ده هيبقى على الكمبيوتر يعنى عباره عن مجموعة اسئله الطالب يحلها ويعرف درجته وهو قاعد يبقى ازاى حد هيتدخل وتبقى كوسه؟

ده على حسب معرفتى

[اميره الاحزان]

lموافقه طبعا دا قرار كويس جدا بس ياريت بس لو اتحقق
يتحقق السنه دى يارييييييييييييت

[Slgado]

من رأيي كده افضل ...
علشان محدش يتحط في مكان غير المكان اللي المفروض يتحط فيه ..
وانا شايف ان التعليم في الثانوي ملوش علاقة باللي في الكليات خااااالص ..
يبقى على اي اساس الواحد يحدد الكلية اللي عايزها .. ويحكمو المجموع ..
ومن وجهة نظري ان القدرات اسلم حل علشان الواحد يكون موجود في المكان اللي شايف نفسه فيه ..

[Slgado]

المشاركة الأصلية كتبت بواسطة Solom_X

طبعا لا اوافق بشدة التنسيق افضل بكتير
لكن ممكن يتعمل قسم او عدد معين من الطلبة اللي ليهم قدرات في شيء معين يعني واحد مثلا عبقري فيزياء ورياضة ومالوش في العربي والمواد الادبية ده ممكن يدخل هندسة مثلا بس بشروط يكون جايب الدرجة النهائية في المادتين او اقل درجة ويجتاز امتحان القدرات
يعني تبقى كدة بحيث يكون مفيش واسطة ولا كوسة
لكن مش اجيب 99 ومدخلش الكلية اللي انا عايزها عشان فشلت في امتحان القدرات اللي ممكن اكتسب هذه القدرات في الجامعة مع التدريب والممارسة
يعني مش لازم نقلد الدول الخارجية وبس لاازم نشوف اللي يناسب مجتمعنا

انتا ممكن تجيب 99% وتلاقي نفسك في كلية انتا مش شايف نفسك فيا وتقول يارتني زز
الموضوع ده يكون افضل لو اتنفذ على الكليات الفنية .. ( فنون جميلة - فنون تطبيقية - والخ الخ .. ) علشان يكون في مجال للطالب حرية الاختيار ..

[ندي الوحيين]

مموافقه











--------------------------------------------------------------------------------

طبعا