علمي علوم و لا علمي رياضة ؟؟؟

[عثاميثوا]

المشاركة الأصلية كتبت بواسطة amir alromansia

انا عندى مشكلة مش عارف احلها اذاى
انا بحب مذاكرة الرياضة وبعشقها بس مش ضامنها
والاحياء بتخنق من الحفظ بس حاسس لو داخلتها هضمنها بس انا بتخنق بسرعة

انا نفس المشكله والله

[hadeer95]

انا ان شاء الله علمى علوم ومفيش مشكلة بالنسبة للاحياء هى المشكلة فى التنسيق وده غير ان احنا هناخد 9 مواد هنذاكر كل ده ازاى ؟؟

[عباس عبد العزيز]

ششششششششششششششششششششششششككككككككككككككرررررررررررر رررررا

[روفانا]

ربنا يوفقنا جميعا بس اخر قرار انهم 6 مواد بس وبالنسبه لعلمى علوم الكيميا والفيزيا والاحياء نص مواد كده النظام بقى اسهل بكتيييييييير واللى عايز يدخل رياضه هيدخل واللى عايز علوم هيدخل واللى هيذاكر بجد ان شاء الله هيجيب مجموع لان كده الموضوع اسهل من الاول كمان

[ezmz3]

يا جدعان محدش ينصح حد بحاجة كل واحد و بيحب حاجة انت لو بتحب الاحياء ادرس اللي بتحبه ملكش دعوة بتنسيق و مش تنسيق التنسيق هيبقي على الكل مش عليك بس ادرس الحاجة اللى بتحبها عشان تجيب مجموع حلو فيها

[Dr Elgohary]

بصوا ياجماعة بالنسبة لرياضة 2 الجميل فيها ان اللى كان شاطر فى اولى وتانية ثانوى فى الجبر والتفاضل هيسلك فى الجبر2 والتفاضل والتكامل وانا كده بالظبط
بس المشكلة بقى انى لما اخدت ميكانيكا فى 2 ثانوى الترم اللى فات مكنتش سالك فى مسائل القضيب والكرة ومن الاخر منتش بعرفارسم صح وده معناه انى هواجه مشاكل كبيرة جدا فى الهندسة الفراغية والاستاتيكا فى 3
ياريت لو كلامى غلط حد يصحح
وياريت المدرسين الافاضل فى الرياضة يفيدونا
الموضوع مش انت بتحب ايه
المشكلةفى انك عارف قدراتك ومينفعش تدخل شئ مش مضمون حتى لو كنت بتحبه

[mody_mw]

انصحك تدخل ادبى احسن وربنا يوفقك فى اختيارك

[mohyreda]

علمىىىىىىىىىىىىىىىىىىىىىىىىىىىىىىىىى

[غاويه علام]

انا بردو عندى نفس المشكله و محتاره ادخل احياء ولا رياضه بس مشكلتى انا انا بخاف من منظر الدم فلو دخلت احياء وودخلت بعدها طب هيبقى مصيرى ايه وف نفس الوقت انا بعشق حاجه اسمها رياضه سواء رياضه 1 او 2 ومحتاااااااره جدا اعمل ايه وكلوو بيقولى ان هندسه للبنات مش حلوه وادخلى طب او صيدله ومبقتش فاهمه اى حاااجه خالص

[M..Elawady]

مفيش حاجه اسمها هندسة للبنت وحشة او حلوة
وبما انك بتخافى من منظر الدم صعب تكونى كويسة ف الطب لان ده عامل برده مش كويس
وبما انك بتحبى الرياضه اعتمدى وادخلى رياضه 2 وبعدين جميلة المادة دى بس لازم تحبيها
هتحسى انها تقيلة وكبيرة بس جمييييييييييلة اووووووووووووى والله
وحاليا انا فيها

[M..Elawady]

وربنا يوفق الجميع

بس اكيد منظر الدم بقى وفى خوف جواكى وكده صحيح لو دخلتى طب ايه هيكون الوضع معاكى
وانتى معرضه لحاجات انتى لسه مش عارفها
صح ولا ايــــــ ـــه

بس بصراحة ف الاول والاخر صاحب الشأن لازم يكون ليه كلمه واختيار وقرار نهائى

اه تسمعى النصيحة وتشوفى انتى بنفسك او تشوف انت بنفسك
هل انت كويس ف الرياضه وميولك لايه فيهم احياء ولا رياضه
والنظام هيختلف السنة الجاية مش هيكون فى مواد ادبى عليكوا ولا حفظ ولا كلام من ده

وربنا معاكوا

[بنت من المستقبل]

احنا لو قعدنا نسمع كلام الناس مش هنحقق حاجه ومفيش حاجه ا بدا بتبقى صعبه لو توكلنا على الله والى بيسال انا علمى علوم ولا رياضه معنى كدخ انه مش محدد هدفه لازم الاول نحدد الهدف وبعدين نتوكل على الله ومفيش حد هيتفق مع رائ واحد تانى الى بيحب الاحياء هتبقى بالنسله سهله والى بيحب الرياضه هتبقى بالنسباله سهله ومهما اى حد فينا يعمل فالى عاوزه ربنا هو الى هيكون وانا مرت بالتحربه ديه وفضلت شهر محتاره لايه الحمدالله ما توكلت على الله وهدخل علمى رياضه وربنا يساعدنى انى احقق حلمى

[keko123]

أنا نويت على علوم إن شاء الله

[monnasy]

انا برده محتاااااااااره اووووووووووى انا بموووووووووووووووووووووووووووووت فى الرياضيات الى حد كبير جدا وكويسه فيها وكمان كويسه فى الاحياء طول عمرى حلمى ادخل علمى رياضه وادخل تربيه رياضه لان اهلى مش عايزين هندسه
بس انا كتبت علوم وشايفه انها كويسه لو دخلت صيدله بس انا خايفه اوى لاندم على رياضه لان انا من عشاقها بجد مش عارفه اعمل ايه اكمل علوووووم على امل انى ادخل صيدله ولا احول رياضه وادخل تربيه

[Rehab N.zaki]

احسن حاجه تعملها واول حاجه المفروض نعملها كلنا اننا منسمعش لـ كلام حد
ده مستقبلنا واحنا اللى هنختار وتأثير الناس علينا ممكن يضرنا
عشان كده لازم كل واحد يشوف مستقبله ايه اللى هو عايز يشتغله بعد كده
وعلي الأساس ده يشوف هيدخل علمي علوم ولا رياضه
مفيش حاجه صعبه ابداً طالما قدامنا هدفنا