كبارية

[sh2awa _ 91]

المشاركة الأصلية كتبت بواسطة zizo2_22

للاسف حال متدني للسينما المصرية فنوع المادة التي تقدم في الافلام التي تعرض ليس لها قيمة أو معنى على الاطلاق بل هيتشويه للواق وليست الواقع نفسه


انا مشفتش الفيلم علشان اقدر احكم


لكن هذا ما شاهدته في الكثير من الافلام

ولا انا شوفت الفيلم بس كفاية اسمه , وكفاية القصة الي اسلام بيحكيها
كارثة والله , احنا بقينا في كاااااااااااااااارثة

[3olomgy]

انا ما شفتش الفيلمين بصراحة بس هعلق على نقطتين
النقطة الاولى نقطة الكباريه ...هو الكباريه ده مش بيمثل شريحة من المجتمع ؟ ولا المجتمع كله بيصلى الفجر جماعة ...انا مش مع او ضد بس انا بيعجبنى الاسلوب اللى بيركز على شريحة مجتمع معينة ويعرضهالك بكل تفاصيلها ولو تفاصيلها فيها حاجات خارجة فالسينما معمولة للى عايز يروحها مش زى التليفزيون يعنى انت بتشوف اعلان الفيلم ومنه بتقدر تحدد انت رايح تشوف ايه
النقطة التانية نقطة اقحام الدين ..يا سيدى هو الدين ده مش سمة من سمات المجتمع ؟ ازاى هعرض فيلم وماابينش فيه لمحة دينية والموقف اللى انت بتحكى عليه ده مفيهوش اى اساءة للدين ..بالعكس انا شايفه مدح للدين
دلوقتى الولد ده كان فى جماعة ارهابية وكان مطلوب منه يفجر الكباريه ولما راح الكباريه بقى عامل فيه ؛
اصلا لو هو متدين صح ماكنش فكر ييفجر الكباريه ( ولا انت شايف ان احنا نفجر الكباريهات؟ ) وبالتالى لان ايمانه ناقص فلما بقى فى حضن الرذيلة وقع فيها ..يعنى المؤلف عايز يقولك ان الدين مش كده بدليل ان اللى بيفكر فى الدين كده وقع قدام اول اغراء ؛ وبعدين السينما مش بتتعمد تشوه الدين ..مثلا لو تفتكر فيلم ((جعلونى مجرما )) لفريد شوقى كان رجل الدين انسان طيب وبشوش وهو الوحيد اللى وقف جمب صديقه
ده كان تعليقى

[الرهينه]

المشاركة الأصلية كتبت بواسطة MohammeD el_SadaT

الأول
أنا مش معاك فى ولا كلمه فى النقد

الفيلم معرضش غير الحقيقه بل جزء صغير جدااااً من الحقيقه إحنا فعلاً كده وصلنا للمرحله دى
واللى راح شرم ولا الغردقه ولا نزل شارع الهرم أى مكان من الأمكان اللى مشهوره بكده أكيد شاف اللى بيحصل هناك
إحنا شعب بيقول إقتصادنا من السياحه لكن إحنا شعب بيسهل الدعاره تحت غطاء السياحه
اللى جه فى الفيلم أهون كتير من الحقيقه

وفعلاً
زى ما بيقولو هى دائما الحقيقه بتزعل

إحنا أخرنا نفترج على توم وجرى عشان نضحك لكن لما نتكلم جد ونعرض الحقيقه نضايق ونقول لاء مبيحصلش الكلام ده
حاجه من الإتنين يا نظرنا ضعف ومبقناش شايفين يا إحنا عارفين وشايفين وبنستهبل
وأنا أرجح إننا بنستهبل لأن مفيش حد تايه عن الحقيقه المره اللى إحنا بقينا فيها
إحنا فعلاً
أم السواد

محمد كلامك صح وكل حاجه بس ما تنساش ان المفروض اننا مجتمع اسلامى

يعنى ما ينفعش نعرض الحقيقه فى صورة مبتذله زى اللى بيعرضوها دى

وكمان الافلام من النوعيه دى بتظهر الاسلام بصوره مبتذله ومبينه ان المسلمين ما هما الا شوية رعاع لا يفقهون شئ وما بيعرفوش يقولوا غير حلال وحرام

[m4i74]

أحم .. أنا عضو جديد معكم .. وقد قرأت المكتوب عن الفيلم .. بعد إذنكم كان رآى حول هذا الفيلم أو بمعنى أدق الفيلمين (كباريه _ الريس عمر حرب) ..
من خلال ما قرأت منكم من تعليقات أتضح لى أن الغالبية لم ترى الفيلم وقد وضعت وصف وتحليل غريب نوعا ما عن المقدم من خلال فيلم (كباريه) ..
أولآ .. رجل الجماعة الذى يذهب إلى الكباريه ليفجره وعدل من رآيه فقد عدل من رآيه لأنه رآى تجاوب من خلال أحد العاملين بالكباريه وقد أقتنع بأن الحوار يفيد أكثر من العنف ..
ثانيا .. مجمل أحداث الفيلم تعرض حياة الشخصيات العاملة فى الكباريه والأزدواجيه الرهيبة بين الدين والدنيا بالنسبة لهم .. ومن أعتقداى الشخصى بأن المخرج قد وضح هذه الأزدواجية بوضوح شديد من خلال التنقل بين كل شخصية وآخرى وازدواجية المعايير .. فعلى سبيل المثال صاحب الكباريه الذى يدير المكان يجلس فى مكتبه ليسمع مدح دينى ويذهب لأداء العمرة ..

أما فيلم (الريس عمر حرب) .. فهو ليس تقليد لمجتمع أجنبى أنما يعرض الواقع الذى ينحصر فى مجموعة غير معروفة للحميع .. وفى أعتقادى بأن خالد يوسف المخرج يحاول عرض أنماط من الحياة غير معروفة للجميع كما حدث فى فيلم (حين ميسرة) .. ومن يقترب من قاع المجتمع يرى النماذج التى قدمت فى فيلم (حين ميسرة) ومن يقترب من القمة يرى النماذج التى قدمت من خلال فيلم (الريس عمر حرب) ..

ولكم الشكر على سعة صدوركم..