بشرى للثانوية العامة

[RaMoS]

الامتحان سهل جدا ومن كتاب المدرسه بس كتاب المدرسه بتاع كوكب المريخ انا شوفته من حوالي120000000 سنه كدا

[مها 1984]

الله يكون فى عونكم

[ريفو]

ااالله يكون معاكم

[ahmed2845]

ما خلاص يا جماعة هندسة ايه انسواااااااااا
ما اللى دخلوا الهندسة يعنى عملوا ايه كلهم على القهاوى و مش لاقين شغل
انا كنت داخل السنة اللى فاتت وعندى امل 99 % انى الحق هندسة
دلوقتى بعد النتيجة اصبح عندى امل 0 % انى الحق هندسة

[عمرو بيك]

حسبى الله ونعم الوكيل لكل ظالم نهايه واحنا اتظلمنا كتير انا قلبى معاكم والله يا جماعه انا فى علمى علوم احياء بس انا بجد ظروفى كانت اد ايه صعبه فى سنه تانيه وتالته ثانوى انا فى السنتين دولى عملت 3 عمليات جراحه فى عينى وفقدت القدره ع التركيز بطرقه رهيبه والحفظ قد يكون معدوم وذاكرت وحاولت واتظلمت وفى الاخر الحمد لله جبت 93.5% كل الناس كل الناس كانت بتقولى انت دكتور ومفيش غير كده جيت ع السنتين دولى وربنا اراد انه يجيلى انفصال شبكى حاد وبعد كده اول عمليه عملتها فشلت دى كانت فى اول سنه تانيه ثانوى وعملت التانيه فى نص سنه تانيه ثانوى والاخيره فى بدايه السنه انا عاوزكم يا جماعه تصبرونى ولو بكلمه حلوه لان والله اللى احنا فيه ده حرام بجد وحسبى الله ونعم الوكيل

[amr_yehia]

ربنا يرحمنا برحمته
ز حسبى الله و نعم الوكيل

[باسم ابو المجد]

حسبنا الله ونعم الوكيل

[ymymym]

عمرو بيك انا عاوزه اقولك حاجه متستسلمش لاحزانك دي اولا اللي حصل حصل ربنا بقي هنا بيختبرنا هيشوفنا نعمل ايه اه انت تعبت وكانت عندك ظروف ميعلمهاش الا الخالق بس دا اختبار وموش كل دكتور دلوقتي فالح صدقني موش لازم يعني ابقي دكتوره ولا مهندسه اثبت نفسك في الكليه اللي هتددخلها تاكد ان ربنا ان شاء الله موش هيضيع تعبك كده وخلاص لا اثبت لربنا انك موافق علي اللي بيديهولك موش جايز تتعين في الكليه اللي انت هتدخلها موش جايز ربنا كاتبلك واحده كويسه وبنت حلال تتجوزها وتعيش متهني بقيت حياتك دا نصيب موش جايز حاجات تانيه كتير قوي تاكد ان شاء الله ربنا موش هيضيع تعبك دا ابدا ان شاء الله بس انت تمسك بالامل صدقني انا عارفه جايز تقول دي بت عبيطه بتتكلم او فاشله مثلا بس لا انا موش كده انا بقولك بحاجات انا مريت بيها انا لما صبرت ربنا عوضني بعد كده خير ربنا معاك ومعاك اللي زيك ومعايا برضه

[*sondos*]

أنا بصراحة أتعقدت من الثانوي ده خلاص !!
كل حاجة ماشية بالكوسة فى البلد يا ساتر

[uoua]

حسبى الله ف قالى مصححش بى ضمير و لا ادى حد حقه
حسبى الله ف حط الامتحانات
حسبى الله قالى ضايع امل اسرة
و فرحتهم و ضيع فلوسهم ع الارض
حسبى الله و نعم الوكيل

[eslam_2009]

الادبى هو اللى ماشى فى السوق اليومين دول