هام لمعلمي المنيا-ضم مدة خبرة مش ضم مدة للدرجة

[هويدااحمد76]

طيب زملاءنا اللى اشتغلوا بعقد مميز فى الفترة من 2005 إلى 2008
يعملوا ايه علشان ضم المدة لان المدرسة ما عندهاش فكرة

[مروة مخلوف]

أخى الدكتور عبدالرحمن المنياوى
كلامك مش واقعى بسبب ايه افولك ايه فائدة مدة الخبرة هتزيد معاش ؟ انا هفولك فى واحد زميلى مواليد 1975
واتعين 2011 اشترى معاش من 1999 الى 2011 يعنى على كلامك هو احسن منى مع انه اشتغل من 2011 بس ليه معاش من 1999
يعنى لو هتتحسب فى المعاش بس طب بناقص لانى كد كد انا هشترى معاش من 2000

[د.عبدالرحمن المنياوي]

المشاركة الأصلية كتبت بواسطة ahmed73h

لا لا عفوااااا يا دكتور عبدالرحمن

اولمرة تم نتطبيق الكادر سنة 2008 اللي امتحن للحصول ع درجةمعلم هو المعلم للي سوات خبرتة 8سنات اواكثر
ثم + 5سنوات يبقي 13سنة
ولذلك اللي امتحن الكادر ع مدرس او ل ال مرة سة 2008

هواللي كان مدة خبرة 13 سنة وهكذاا ملم اول أ اللي مدة خبرة 18 سنة ومعلم خبير وكبير معلمي 23 سنة و 28 سنة اليس كذلك

أخي معك حق هذا حدث فعليا ولكنه كان تطبيقا خاطئا في قانون الكادر لأنهم عملوا كده لأن مفيش فترة معلم مساعد مروا بيها .. لكن نص القانون واضح بأن يرقى من معلم مساعد لمعم بعد استكماله للاشتراطات خلال السنتين ثم يرقى للدرجة الأعلى بعد استكمال مدة بينية مقدارها 5 سنوات من تاريخ الدرجة الأدنى .. انا باتكلم على نص القانون وإن حدثت تجاوزات في التطبيق فاحنا بنتكلم عن الصح .. واللي لازم يحصل واحنا بيننا وبين المديرية القانون والقانون لازم يطبق ..

[د.عبدالرحمن المنياوي]

المشاركة الأصلية كتبت بواسطة مروة مخلوف

أخى الدكتور عبدالرحمن المنياوى
كلامك مش واقعى بسبب ايه افولك ايه فائدة مدة الخبرة هتزيد معاش ؟ انا هفولك فى واحد زميلى مواليد 1975
واتعين 2011 اشترى معاش من 1999 الى 2011 يعنى على كلامك هو احسن منى مع انه اشتغل من 2011 بس ليه معاش من 1999
يعنى لو هتتحسب فى المعاش بس طب بناقص لانى كد كد انا هشترى معاش من 2000

أختي الأستاذة مروة .. كلامك مايعارضش كلامي .. انا باقول ضم المدة لمدة التعيين مايفيدكيش غير في المعاش فقط .. وخدي بالك إن المعاش غير فروق النقابة .. لان فروق النقابة ممكن تشتري فيها سنين سابقة برضه عن تعيينك ..

الكلام بتاعي واااااضح .. الترقي بتاريخ الدرجة مش بتاريخ التعيين .. واللي مش مصدق يروح لإدارته ويسألهم ويقولهم أنا قرار كذا تعيين كذا .. أدخل أقدم ترقيات إمتى ؟؟ .. وهو هيسمع العجب .. وبعدين الناس اللي اترقت ياجماعة مش بعيد عننا .. شوفوا اللي اترقوا اترقوا بناء على ايه .. مادام الناس مش عاوزة تطلع على قانون الكادر .. خلاص نسأل ..

أنا بقى كلامي مش واقعي في إيه ؟؟؟؟

[د.عبدالرحمن المنياوي]

المشاركة الأصلية كتبت بواسطة هويدااحمد76

طيب زملاءنا اللى اشتغلوا بعقد مميز فى الفترة من 2005 إلى 2008
يعملوا ايه علشان ضم المدة لان المدرسة ما عندهاش فكرة

أختي هويدا التقديم في الإدارات شغال .. روحي وقدمي ورقك .. مال المدرسة ومال ده

[كامل هندى]

جميله هى روح الحوار الهادئ التى يتضف بها المعلم شكراااااااااااااااااااااااااااااااااااااا

[كامل هندى]

ظيب بخصوص قرار162 اداره شبين القناطر - قليوبيه ازاى نضم المده

[د.عبدالرحمن المنياوي]

المشاركة الأصلية كتبت بواسطة كامل هندى

ظيب بخصوص قرار162 اداره شبين القناطر - قليوبيه ازاى نضم المده

أخي الاستاذ كامل .. أي محافظة محتاجة تضم .. لازم تاخذ قرار من المحافظة بتعديل تاريخ الدرجة ليكون من أول تعاقد

[الحريف2]

ياريت تدعوا معاكوا اللى كانوا شغلين بالحصة في هذه الفترة واتثبتبتوا معلم بنفس هذه القرارات علشان يضموا المدة ايضا ويد الله مع الجماعة وهو بالحصة كان بيخصم منه تامينات ومعاشات ليه ليس من حقه الضم ولا ايه يا دكتور

[مروة مخلوف]

أخى الدكتور عبدالرحمن المنياوى
لاتوجد علاقة بيب الدرجة وقانون الكادر لان قانون الكادر الترقية كل 5سنوات وليس لها علاقة بالدرجةلان الدرجة الثالثة مدتها 8سنوات مثل باقى الوزارات طب انا عندى زميل اشتغل 2007 وهو عنده 22 سنة هيستفيد ايه لان العاش هياخده من 2009ليكمل 36 سنة
سؤال ايه الفرق بين اللى اشتغل واللى ما شتغلش؟ مقيش فرق لانهم لهمالحق سواء بشراء معاش

[د.عبدالرحمن المنياوي]

يا اخت مروة .. خلينا منطقيين .. قانون الكادر حدد الدرجات الوظيفية موازية للدرجات المالية .. يعني المعلم المساعد يعادل الدرجة الثالثة والمعلم يعادل الثالثة بأقدمية سنتين .. والمعلم اول تعادل الثانية .. وتكون الترقيات بقضاء مدة بينية خمس سنوات في الوظيفة الأقل ..

وانت تتعيني معلم مساعد ثم بعد سنتين تبقي معلم ثم بعد خمس سنوات تبقي معلم أول وهكذا ..

انت لازم تنسي موضوع الوزارات التانية دي .. احنا مش زي التانيين لانهم بيعاملوا بقانون العاملين المدنيين واحنا لا ..

انت عاوزة تقولي انك هتترقي بأقدمية الخبرة .. وانا باقول لحضرتك توجهي مباشرة واسألي موظف إدارتك المسئول عن الترقيات .. إسأليه سؤال واحد .. أنا تعيين كذتا وتاريخ درجتي كذا .. هترقى إمتى ؟؟؟؟؟

الإجابة هتكون وفقا لتاريخ الدرجة مش لتاريخ التعيين ..

والمحافظات التانية عملت كده مفيش محافظة ضمت المدة لتاريخ التعيين بس .. المحافظات ضمت المدة لتاريخ الدرجة وانا رفعت الكلام ده قبل كده .. وده كلام التنظيم والإدارة ..
وبعدين حضرتك ارمي موضوع المعاش ده على جنب .. احنا بنتكلم في ترقيات ..

وبعدين انا لما اروح أطالب ان تاريخ الدرجة يتعدل ويكون من تاريخ التعيين ده هيضرك في ايه خديني حضرتك على قد عقلي للآخر .. يمكن يكون فيها خير للكل ..

[د.عبدالرحمن المنياوي]

من القانون 155 لسنة 2007 الخاص بكادر المعلمين:
-----------------------------------------------------------
مادة(71)
يتكون جدول وظائف المعلمين من الوظائف الآتية:
1. معلم مساعد
2. معلم
3. معلم أول
4. معلم أول(أ)
5. معلم خبير
6. كبير معلمين
ويصدر باعتماد جدول هذه الوظائف وبطاقات وصفها وإعادة تقييمها وترتيبها قرار من وزير التربية والتعليم يتضمن ما يقابلها من وظائف الأخصائيين الاجتماعيين والنفسيين وأخصائيي التكنولوجيا وأخصائيي الصحافة والإعلام وأمناء المكتبات

مادة(81)
يشترط للترقية إلى الوظائف المنصوص عليها في المادة (71) من هذا القانون الآتي:
1-استيفاء شروط شغل الوظيفة المرقى إليها على النحو المبين ببطاقة الوصف الخاصة بها.
2-قضاء خمس سنوات على الأقل في ممارسة العمل الفعلي في الوظيفة الأدنى مباشرة أو ما في مستواها وفقاً للقواعد التي يصدر بها قرار من وزير التربية والتعليم.
3-الحصول على شهادة الصلاحية لمزاولة الوظيفة المرقى إليها .
4-الحصول على تقرير تقويم أداء بمرتبة فوق متوسط على الأقل في السنتين السابقتين مباشرة على النظر في الترقية.
-------------------------------------------------------------------------------------------------
علشان خاطر ربنا بقى محدش يطلع تاني ويقول ترقيتنا من معلم لمعلم أول بعد 8 سنين والكلام ده ..

[هويدااحمد76]

من حصل على الدرجة فى 2008 متى تتم ترقيته حسب القانون؟

[اسيرة]

واية المانع ان يحسبوا تاريخ الدرجة مع تاريخ التعيين يادكتور ؟

[اسيرة]

ادعو الله التمكين من اضافة سنوات العمل بالحصة