اي استفسار عن تجاره انجلش عين شمس ف الخدمه ان شاء الله

[ziad35]

هو انا الكومنت بتاعي مش باين ولا ايه xD و المجموع الاعتباري 404.5 للمعلومة

[dinaaaaaa]

يا جماعة انا جايبة 87% علمى علوم و الانجلش 46 من 50 كده ان شاء الله هلحق تجارة انجلش جامعة عين شمس ولا لا؟؟ ارجو الرد بالله عليكم

[Punisher 7]

معلش انا هبقى تقيل انا من بنها علمى رياضة جايب 358 و 46 فى الانجلش ممكن الحق السنة دى مع العلم انى نظام حديث و مليش مستوى رفيع انا مش عاوز غير انى الحق فى بلدى بنها

[eng ahmed nassar]

التنسيق مش هيقل لدرجة دى يا ريس والادبى اعلى من العلمى فى المجاميع

[a7medl0vers]

المشاركة الأصلية كتبت بواسطة eng ahmed nassar

التنسيق مش هيقل لدرجة دى يا ريس والادبى اعلى من العلمى فى المجاميع

الفكره مش ف درجه بس ف كمان ناس مش بتخش انجلش علشان الفلوس وكمان السنه اللي فاتت فضل تنسيقها يقل لحد 88 كمان وفي ناس دخلت بعد الميد تيرم بسبب المصاريف ففي فرصه للناس دي انها تخش وطلبه ادبي بيركزوا ع اعلام والسن واثار مع اني شايف ان تجاره انجلش بتساويهم وبالعكس احسن من كليات فيهم وفرصه العمل فيها اتقل من دول ع العموم هو ربنا يقدم اللي فيها الخير لكل الطلبه الواحد بيحاول يساعد

[محمود شقرون]

انا 93.4 وجايب في الانجلش 48 والمستوى 8.5 و حاسس اني مش هلحق الهندسة في المرحلة التانية والحاسبات مش عارف مستقبلها ايه بس هي تجارة انجلش ايه نظامها و ليها شغل ولا ايه

[a7medl0vers]

المشاركة الأصلية كتبت بواسطة محمود شقرون

انا 93.4 وجايب في الانجلش 48 والمستوى 8.5 و حاسس اني مش هلحق الهندسة في المرحلة التانية والحاسبات مش عارف مستقبلها ايه بس هي تجارة انجلش ايه نظامها و ليها شغل ولا ايه

انت طبعا داخل الكليه وحاطط رجل ع رجل لو قررت يعني

بص مستقبلك منتهاش عند هندسه والله انت نفسك كنت داخل هندسه بالاسم مش داخلها وناوي تتخصص ايه والدنيا دي اي حد بيجتهد ف اي حاجه حببها هيعرف يشتغل فيها وهيوصل فيها مهما كانت ايه في فرق بين حاسبات وتجاره دي محاسبه وحاسبات شركات والحاسبات دي برامج وتكنولوجيه فرق شاسع شوف انت حابب ايه اوي فيهم وقرر والاتنين ليهم مستقبل لو انت حبيته واجتهد فيه
انت لو دخلت كليه اداب وطلعت مدرس علم نفس مشهور زي اللي كانوا بيدوك ف ثانوي هتكسب دهب هي دي الفكره مش اكبر شهاده هتنجح وهتبقى محصلتش برده اجتهاد فكر كويس لان ده قرارك النهائي ومن رايي هندسه فعلا مش هتنزل مرحله تانيه اللي هتبقى ف مرحله تانيه هي هندسة زراعيه وبالتوفيق ليك وفي اختيارك

[victor222]

طيب هو المستوى اللى بتتكلم عليه لازم انجليزى ولا ينفع مستوى عربى و هو يضيف عادى فى المجموع الاختيارى ولا لا ولو كان لا كده المجموع هيقل هل ده هيبقى ليه مجموع خاص ولا هيعدوها

[mmohamedm2014]

لو سمحت انا ادبي و جايب مجموع من غير مستوي 346.5 يعني 84.5% و جايب 7 في المستوي و مجموعي بلمستوي 348.5 يعني 85% بظبط و المستوي الرفيع لغة انجليزية و درجة اللغة الانجليزية 46 اقدر ادخل تجارة انجليزي عين شمس ؟

[a7medl0vers]

المشاركة الأصلية كتبت بواسطة mmohamedm2014

لو سمحت انا ادبي و جايب مجموع من غير مستوي 346.5 يعني 84.5% و جايب 7 في المستوي و مجموعي بلمستوي 348.5 يعني 85% بظبط و المستوي الرفيع لغة انجليزية و درجة اللغة الانجليزية 46 اقدر ادخل تجارة انجليزي عين شمس ؟

صعب جدا بصراحه ممكن تلحق بنها اقاليم لكن عين شمس معتقدش

[a7medl0vers]

المشاركة الأصلية كتبت بواسطة victor222

طيب هو المستوى اللى بتتكلم عليه لازم انجليزى ولا ينفع مستوى عربى و هو يضيف عادى فى المجموع الاختيارى ولا لا ولو كان لا كده المجموع هيقل هل ده هيبقى ليه مجموع خاص ولا هيعدوها

انجليزي بس اللي بيضاف
بس لو الكليه مش لاقيه عدد وعاوزه تجيب ناس علشان تحصل فلوسها بيجمعوا كلوا وخلاص
السنه اللي فاتت واحد صاحبي جمعوله مستوى الرفيع جغرافيا بالغلط

[fdsih]

لو سمحت عايزه اعرف ممكن اخش تجاره انجلش انا جايب 90 % بالمستوى وفى الانجليزى جايب 40.5

[حسن كبسو]

اخويا علمي رياضة وجاب 89.3 وجاب انجليزي 43 ومجموعه الاعتباري 409.5 هل يقبل تجارة انجلش القاهرة او عين شمس وجزي الله خيرا الللي يتكرم ويجاوبني لان هو في حاله نفسية لانه كان جايب 95 في تانية وقل في تالته

[a7medl0vers]

المشاركة الأصلية كتبت بواسطة حسن كبسو

اخويا علمي رياضة وجاب 89.3 وجاب انجليزي 43 ومجموعه الاعتباري 409.5 هل يقبل تجارة انجلش القاهرة او عين شمس وجزي الله خيرا الللي يتكرم ويجاوبني لان هو في حاله نفسية لانه كان جايب 95 في تانية وقل في تالته

يقبل ف عين شمس باذن الله هي كانت واخده من 410 علمي السنه اللي فاتت مجاميع علمي واقعه السنه دي يعني داخلها باذن الله ميقلقش

وبالنسبه للنفسية مش نهايه الدنيا احنا معانا ف الكليه ناس 98 و 97 ملحقوش طب ودخلوا تجاره انجلش ومعاايا ناس جايبين مجاميع هندسه وفي تجاره انجلش

[m.said7894]

السلام عليكم ورحمه الله وبركاته

اخى الفاضل
كان لى استفسار عن كليه تجارة انجلش
انا مجموعى بالمستوى الرفيع 88.4
و المجموع نفسه 358.5
علما ان المستوى الرفيع جغرافيا
و مجموعى فى اللغه لالنجليزيه 44
وانا كنت فى مدرسه لغات

فهل يتم قبولى فى عين شمس
ولا ايه
وبردو السوال عن المصروفات و مجال العمل وكدة وشويه معلومات

مثل هى بتحتاج امتحانات فى التقديم يعنى اختبار انجليزى وحاسب الى وحجات زى كدة ولا دى اشاعات اصل كله بيفتى
و بالنسبه للتخصص بيبقى فى انهى سنه وناس بتقولى ان الخارجيه احسن تخصص من حيث الشغل
وهى مش موجودة فى عين شمس موجودة فى حلوان


و الاهم من كدة كيفيه التقديم يعنى اقدم ازاى يعنى اقدم تجارة و بعدين احول شعبه انجليزى

بس كدة وشكرا .

فى انتظار رد حضرتك

معلش الاسئله كتير بس حضرتك المصدر الوحيد الى اقدامى ف انا متاسف على كثرة الاسئله

وشكرا