أين كلية طب حلوان؟؟؟؟؟

[احمد عصام البرنس]

المشاركة الأصلية كتبت بواسطة Dr.Mohamed Attia

يا جماعة اللى عمل الرغبات يدخل يشوفها تانى والاخ اللى بيقول رقم وصله 4 لو انت كاتب طب حلوان هيبقى تنسيقك 47 رغبة ومش هيتعمل بيه انت حر دا مش وقت ارقام

حضرتك انا بتريأ اكيد طبعا هغيرها ما يبقاش دمك حامى اوى احنا برده بنفهم فى التنسيق

[amothman123]

يعنى أية الكلام دة كل شوية ندخل نطمئن على الرغبات نشوف واحدة منهم اتحذفت ولا لا
دى مهزلة يا جدعان

[amothman123]

الحمدلله أنا مش حايط طب بورسعيد أصلاً

[نونه أحمد]

أأأأأأأأأأأأأأأاه والله دى مهزلة كل شوية اتاكد ان الكليات لسه زى ماهى وما اتحذفت

[Dr.Mohamed Attia]

ايه طب بورسعيد وحلوان اللى انتم بتقولهم دووول مفيش اى كليه اسمها كدة يا جماعة دا اكيد الموقع دا بيخرف

[amothman123]

المشاركة الأصلية كتبت بواسطة dr.mohamed attia

ايه طب بورسعيد وحلوان اللى انتم بتقولهم دووول مفيش اى كليه اسمها كدة يا جماعة دا اكيد الموقع دا بيخرف

لا طب بورسعيد كانت موجودة من كام ساعة كدة لما طبعت ورقة التنسيق
بس ماكنتش حايطها أصلاً فى الرغبات
و كان قبلها طب حلوان على طول فى الاختيارات
بس مش عارف شالوا بورسعيد ولا لا

[نونه أحمد]

لا كلية طب بورسعيد موجوده حسب الموقع الجغرافى ومنشأة جديد ودى ما زالت موجودة ما اتحذفتش زى طب حلوان

[Dr.Mohamed Attia]

يا جماعة مفيش حاجة اسمها طب بورسعيد اصلا
هما كليتين بس اللى اتفتحوا السنه دى اسوان وكفر الشيخ ودا اللى جاى فى دليل التنسيق اللى الوزاره منزلاه اللى عامل الموقع السنة دى مخة تعبان شويه شكله

[bebo the one]

يا جماعة بعد اكتشافنا - بالصدفة - أنهم حذفوا كلية طب حلوان من قائمة الرغبات اللي كتبناها وبعد أن عدلنا الرغبات وفي الآخر استلمنا رقم تسجيل جديد نضمن منين أنهم ما يحذفوش كليات تانية بحجة أنها تحت الإنشاء؟؟؟؟
المشكلة هنا لو أن طالب أنهى إجراءات التسجيل واطمأن تماما وبعدين سافر مثلا وما دخلش على موقع التنسيق تاني .. مين هيتحمل الخطأ بتاع المسئولين المستهترين؟ طبعا الطالب نفسه وهيتهموه بأنه لم يكمل الـ 48 رغبة ويتم ترحيله إلى المرحلة الثالثة
رجاءا .. كل واحد يكون حذر ويدخل يتأكد أن رغباته كما هي كل يوم - أو حتى كل عدة ساعات - لأن اللي ارتكب حماقة وغلطة غبية زي دي ممكن يرتكبها عدة مرات
وحسبي الله ونعم الوكيل

[amothman123]

و بعدين ؟! كل شوية لما يحذفوا كلية نعمل استمارة جديدة بوصل جديد و نطبعها تانى هههههه
دة أية التنسيق الجهنمى دة ؟؟؟

[نونه أحمد]

والله انا اكتشفتها بالصدفه لدرجة انى تخيلت ان فى غلطه فى الموقع عندى لكن بجد حسبى الله ونعم الوكيل بس هو فعلا رقم الايصال بيفرق فى الالتحاق بالكليات ؟؟؟؟؟؟؟؟؟؟؟؟؟؟؟

[fifa5]

مفيش طب حلوان اختى شغالة فى الجامعة وقالتلى اساسا لازم يبقى فى مستشفى ومفيش مستشفى
يعنى استنوا الاول المستشفى تتبنى وبعدين الكلية تتبنى نكون طلعنا معاش

[bebo the one]

المشاركة الأصلية كتبت بواسطة fifa5

مفيش طب حلوان اختى شغالة فى الجامعة وقالتلى اساسا لازم يبقى فى مستشفى ومفيش مستشفى
يعنى استنوا الاول المستشفى تتبنى وبعدين الكلية تتبنى نكون طلعنا معاش

على فكرة فيه مستشفى تابعة لجامعة حلوان ومستشفى كبيرة كمان .. ولكن ربما التجهيزات الخاصة بالدراسة في كلية الطب والمعامل وهيئة التدريس هم اللي مش موجودين .. لكن فيه مستشفى

[fifa5]

المشاركة الأصلية كتبت بواسطة bebo the one

على فكرة فيه مستشفى تابعة لجامعة حلوان ومستشفى كبيرة كمان .. ولكن ربما التجهيزات الخاصة بالدراسة في كلية الطب والمعامل وهيئة التدريس هم اللي مش موجودين .. لكن فيه مستشفى

لا توجد مستشفى تابعة للجامعة لا من قريب ولا من بعيد وانا متأكدة اثبت انت بقى العكس

[bebo the one]

المشاركة الأصلية كتبت بواسطة fifa5

لا توجد مستشفى تابعة للجامعة لا من قريب ولا من بعيد وانا متأكدة اثبت انت بقى العكس

أختي كانت طالبة في جامعة حلوان وتخرجت من عدة سنوات وكانت بتذهب لمستشفى الجامعة أحيانا للعلاج .. فهل كانت الجامعة متعاقدة مع مستشفى ليست تابعة لها بالفعل .. الله أعلم