هل يمكن للازهر دخول كليات العام؟

[elsayed.111]

المشاركة الأصلية كتبت بواسطة k.ashry

بصي يا أخت هما حيحذفو من عليكي المواد الشرعية ويخدو درجات المواد العربية والثقافية وحيعتبرو مجموعك بدل ماهو من 650 راح يكون من 440 ويكون الواحد من مية علية 4.4 درجة ويبدئو بقا يحسبوا كام درجة نقصتيها في المواد العربية والثقافية وبناء على كدة يحسبوا انت جيبة كام في المية وملهمش دعوة خالص بالمواد الشرعية .....

مثال توضيحي نفترض مثلا حد نقص في الدرجات كالتالي:
نقص في المواد الشرعية 10 درجات
نقص في المواد العربية10 درجات
نقص في المواد الثقافية 10 درجات
هما لما يجوا يحسبو ملهمش دعوة بالنقص في المواد الشرعية ويقولو هوا نقص 20 درجة ولو قسمنا العشرين على 4.4 (ألي هيا الواحد في المية) فيطلع دون نقص 4.5% فيكون مجموعة الجديد 95.5%

*****بتهيألي هوا دا النظام وانا عندنا واحد دخل كلية خاصة وعملو معاة كدا ......ويارب يكون كل نقصك في المواد الشرعية لو نوية تحولي وبالتوفيق انشاء الله

!!!!!!!!!!!!!!!

هههههههههههههههه

الموضوع مش بالبساطه دى وإلا ماكنش حد غلب .......... الحكايه دى فيها إنّ اقصد واسطه

[elsayed.111]

وممكن نخشى طب ب90% برضه بالواسطه

اهم حاجه بتعرفوا تلطموا ؟!

[نهلة2008]

hانا جبت 92 علمى ممكن ادخل كلية اية

[صهيب رضا]

ههههههههههههههههههه
انا مش عارف اقلكو ايه الصراحه انتو عندكو حق الازهر مش زى الاول خلاص
تصحيح او غيرو او تعليم بمعىن اصح
القران ايوة الحمد له ان احنا حفظناها فى الازهر بس بردو خلاص بقى بيطنشو القران
بقى 2 فى الاسبوع يعنى خلاص معدش ازهر بمعنى اصح
يعنى الى عايز يحول ربنا يوفقو ويعينو اوان نفسى كمان احول انا اول سنه ليه الجامعه عايز احول
سألت ناس كتيررر قالو ليه ان انتا تروح الجماعه الى انتى قدمت فيها وتقلهم عايز جواب رفد من الجماعه لانى هقدم تربيه وتعليم
تأأخد جواب على كده وتروح تقدم ...
وسمعت بردو انهم بيقولو انك لازم تعيد 1 على الاقل وبعدين ممكن تحول مش عارف بىق انهى واحد اصح بس الى اتأكد منو الاول ؟ جواب الرفد ... على ما اظن ... وشكرا ...

[ahmed2770]

يا جماعة انا اخي جايب 101 % بالمستوى الرفيع وتعب فعلا وبذل مجهود والحمد لله ربنا مش ضيع جهده
لكن حلم حياته انه يدخل هندسة بترول
وهندسة البترول غير موجودة بالازهر
فيا ريت
حد يفيدنا فعلا للاهمية خاصة من الناس اللي تعرف حد نقل من ازهر الى عام


اللي عايز يحول يعمل ايه بالضبط


ارجو الخطوات فعليا وارجو تقدير الموقف

[storyoflove]

طب ممكن مدير الموقع يرد علينا في الموضوع دة ويقولنا اية الشروط بلظبط علشان انا بلعن اليوم اللي دخلت فية الازهر ونفسي احول عام باي طريقة بس اعرف ازاي ممكن رد .............وشكرا...............

[darsh442]

كنت عايز اسال على حاجة
وياريت أى حد عنده افادة يقولها بس بالمستندات
هل يجوز لطلبة الثانوية الازهرية دخول كليات الطب الخاصة بالتربية والتعليم
وما هى شروط الالتحاق ان كان يجوز
علما بانى جايب فى مجموع المواد العلمية (كيمياء 60 * فيزياء 60 * أحياء 60 * رياضيات 2 59 * انجليزى 37 من 40 ) يعنى 98.5 %

[زهرة الاسلام]

جزاكم الله خيرا يا جماعة على ردودكم دى كلها وشكرا جزيلا

[dr_mido_1989]

طب المستوي الرفيع بيضاف للمجموع
ولو انا عاوز احول اعمل ايه
هل ممكن احول وانا اصلا من طلبه السنه الي فاتت انا محمود خطاب طالب بطب اسنان الازهر وكنت عاوز اعرف هل ينفع اني احول عام

[gahory]

يا جماعة واللة الازهر جميل جدا جدا فى حاجة واحدة باس انو بيعلمنا كل امور الدين و الدنيا بس كدة هو دة اللى فى الازهر باس اى حاجة تانية زاى الزفت مستوى التعليم مفيش اهتمام بأى حاجة ولا اهتمام ب الطلبة يعنى انا بحس انى واللة مش فى تعليم خالص و شوفو يا جماعة التربية و التعليم عملين معاهم اية و يقولك الامتحانات صعبة و انو طلبة التربية و التعليم مظلومين امال احنا نعمل اية مفيش اهتمام بأى حاجة نولع احنا بجاز انا رايح 3 ثانوى و نفسى فى اليوم اللى امشى فية من الازهر التعبان دة امتى امتى امتتتتتتتتتتتتتى؟

[ibrahim ghali]

السلام عليكم الاول انا جديد معاكم انشاء الله فى المنتدى بس انا كنت بدور على التنسيق وكنت بسال على ازاى طالب خلص ثانوية ازهرية عايز يخش كلية عام وكنت بقرا ولقيت اكزا سوال بس فى بعض الاسئلة متردش عليها ممكن الرد عليها ارجوكم وكمان ياريت تردى عليا فعلا ممكن طالبة مخلصة ثانوية ازهرية 2008 تدخل كلية تعليم عام فى تنسيق 2008 العام ولا لازم تخش كلية ازهر الاول حسب التنسيق وبعدين تحول ارجو الرد

[ibrahim ghali]

ممكن اعرف مين العضو الموجود دلوقتى

[زهرة الاسلام]

بجد انا نفسى فى رد نهائى من مصادر رسمية. ياااه لو ينفع دا تنسيق الثانوية العامة منخفض جدا يا رب تنسيقنا ينخفض كده وندخل اللى احنا عاوزينه

[مؤمن 5]

زهرة الاسلام ياترى عملتى تظلم عشان تخدى حقك؟؟؟؟؟؟؟؟؟

[زهرة الاسلام]

اكيد طبعا عملت فى ادب ونصوص كان ليا 4 درجات ما اخدتش منهم حاجة وعملت فيزياء كنت ناقصة 7درجات كان حقى منهم 6 وما اخدتش منهم ولا درجة وعملت نحو كنت ناقصة فيه11 درجة كان ليا منهم9 وما اخدتش منهم غير درجتين ونص يعنى من الاخر فى كل التظلمات دى ما اخدتش غير درجتين ونص فى النحو والحمد لله