حملة الغاء قرار تأنيث معاهد الفتيات

[ذئب الجبل]

المشاركة الأصلية كتبت بواسطة mfakhrdeen

الاخ صاحب الموضوع امره عجيب بصراحه . انت كرجل مكانك فى معاهد البنين وده الطبيعى ليك كونك عاوز تفضل فى معهد فتيات فدا اكيد لاسباب مريبه وارى ان المدرس الكويس يشتغل فى اى مكان وتحت اى ظروف واتعجب انك عامل هذا موضوع تدافع فيه عن بقاءك فى معهد فتيات . انا اول تعيينى كنت فى معهد فتيات وبعد سنتين تم نقلى الى معهد بنين مستريح جدا بعيد عن القيل والقال ولا اخفى عليك كانت تحدث اشياء من مدرسين لا تصح على الاطلاق

يا اخي انا لا انظر الى العمل في معهد فتيات او معهد بنين انا لا تفرق معاي لانك كما تقول الانسان الكويس يعمل في اي مكان ولاكن انا انظر الى الظلم الذي يقع على عاتق العاملين في المعهد
فمن المعقول انسان يعمل 15 سنة ثم ينقل الى معهد اخر ابعد عن قريتة عشرات الكيلو مترات
يا اخي الفاضل لا تشكك في الاخرين بقولك ((( اسباب مريبه )))
يكون ردك بالايجابيات والسلبيات للموضوع ليس الا وعدم التشكيك في الاخرين
هذا هو الغرض من الموضوع
نعلم انه يوجد معلمين يرون ان هذا القرار صائب نحن هنا نبحث الايجابيات والسلبيات
واذا كانت السلبيات اكثر فيجب الغاء هذا القرار

[amiraali]

صدقنى يااخى دا قرار سوف يريح الرجال على سبيل المثال عندنا فى المعهد الرجال يفعلون كل شئ من جداول وكنترول ولكن الانسان يبحث عن انه تعود على المكان ومن الصعب انتقاله الى مكان جديد وعمل اجتماعيات جديده ولكن للامانه خلو المعاهد من الرجال خراب للمعهد وخصوصا فى مواقف معينه وخاصة فى الطروف الامنيه ومشاكل البنات الكتيره ماينفعش الا الرجال لان من ظبيعة السيدات التزامهم بالحصص فقظ ام الاداريات فهم صفر واخيرا اقولك حسب الله ونعم الوكيل فى الازهر وقراراته المتخلفه وخاصة مع الثقافيين

[حسام الدين ريه]

القرار ده له مميزات وعيوب ولا يمكن الحكم بالتعميم . فعلا بعض المدرسين واقول البعض ليس على خلق بل ومحل شك وريبة وكثرة الاختلاط بين الرجل وطالباته وزميلاته قد تترتب عليه مفاسد عظيمة . خاصة مع قلة الوازع الدينى هذه الايام . كما ان الفتيات فى سن المراهقة وهذا سن خطر . وهناك بعض المدرسات آنسات او مطلقات او ارامل فنريد البعض عن الشبهات والقيل والقال . ولكن هذا فيه اتهام ضمنى لكثير من الشرفاء من المدرسين والمدرسات انهم على علاقات عاطفية محرمة وهذا ما نرفضه جملة وتفصيلا. كما ان قرار تانيث معاهد الفتيات فعلا سيفتح باب التلاعب للموجهين بحجة تانيث المعاهد . ويمكن يجيب مدرسة تعيين حديث وينقل مدرس قديم الى معهد بعيد او معهد ابتدائى او معهد مسائى او ينتدب ايام هنا وايام هنا . وكل واحد تاقلم على وضع معين يصعب عليه تغييره . لذا ارى الجمع بين الحسنيين . اذا كانت هناك مدرسة تصلح لمعهد الفتيات من حيث الخبرة والكفاءة فهى اولى بشرط الا يتضرر المدرس وذلك بان ينقل الى معهد اعدادى او ثانوى بنين قريب من مسكنه وبنفس نصابه ان لم يكن اقل . وعلى فكرة فيه مدرسين رجال يفضلون معاهد البنين فقط بعدا عن الشبهات وللراحة ايضا لان الطلاب الذكور معظم السنة غايبين . وفيه مدرسين بيفضلوا معاهد الفتيات للراحة ايضا حيث تسهل السيطرة على الطالبات اكثر من البنين وهن اكثر طاعة للمدرس واكثر احتراما والتزاما ومذاكرة . وتلاحظوا ان نتائج معاهد الفتيات افضل واوائل الشهادات غالبا من الفتيات . واخيرا كل واحد ينام على الجنب اللى يريحه. واحنا نتكلم زى ما احنا عاوزين والازهر بيعمل اللى هو عاوزه . ورمضان كريم

[مصطفى إسماعيل أحمد]

اخى صاحب الموضوع قرار الازهر بتأنيث معاهد الفتيات قرار فى غاية الروعة بل بالعكس اخيرا الازهر استطاع ان ياخذ مثل هذه القرارات والا ايه معنى مدرس سواء كان لسه خريج جديد ولا مدرس كبير فى السن ويدرس لفتيات فى سن المراهقة وحتى لو بلغ الاحترام مبلغة من هذا المدرس فما بالك بالفتيات انفسهم انا لى اصدقائى مدرسين بمعاهد فتيات وبيحكوا لى على مواقفهم مع الفتيات اقسم بالله ان احدهم من ذوى الخبرة على ظنى قال لى بالحرف اعلم انك عندما تدرس فى معهد فتيات فكل فتاة تعتبرك فارس احلامها وخاصة الشباب حديثى التخرج وما خفى كان اعظم ونحن والحمد لله مسلمون وازهريون ونعلم تمام العلم حرمة الاختلاط والخلوة بالاجنبية فضلا مع وجود البديل اى المدرسات.

[الأستاذ أحمد راشد]

انا مع القرار مع تأنيث المعاهد ونطبق عدم الاختلاط وياريت يكون من الابتدائى

[الأستاذ أحمد راشد]

ونفسى افهم اللى متمسك قوى بمعهد فتيات ياترى ليه ؟

[mrsmile75]

طبعا هيقدروا يعملو شغل الكنترول والجدول
ويقوموا من النوم يستلمو اسئلة امتحان
عشرة علي عشرة
بكرة نشووووووووووووووف
والرجاله في معاهد البنين يلعبو بنج بونج وكرة طايرة وكرة قدم لان مفيش طلاب بتروح اصلا المعهد والمدرسين كل واحد يقرأويذاكر في بيته لانه هينسي اصلا انه مدرس ونقسم اليوم الدراسي مجموعة الصبح ومجموعة بعد الظهر وكل واحد يعمل له مشروع ويشوف شغلة ؟؟؟؟؟؟؟؟؟
والله مش عارف ايه اللي بيحصل وزير يلغي الشهادة الابتدائيه ووزير يرجعها قلنا ماشي
واعمال السنه ننزلها السنه دي والسنه اللي جايه نشيلها ونعملدور تاني وتالت وكله بالقانون واخرتها
خليهم يجربوا واحنا معاهم بس اما يفشل التعليم في الازهر مين هيكون المسئول ؟
والاستاذ اللي بيقول ان البنت بتنظر لمدرسها انه فتي احلامها ؟؟؟؟؟
واضح ان المدرس اساسا بيحب يلعب وبيحب يعيش اللحظة وشكله لسة متخرج جديد وفرحان بنفسه ؟
جزاكم الله كل خير

[احمدابامهند]

يا سيدى لابد من تطبيق هذا القرار فى معاهد البنين فقط
وذلك لانه يحدث مواقف غير محترمه من الطلاب وخاصة فى الثانوى وايضا فى الاعدادى
حيث يقومون برمى النبال والاساتك والورق فى مناطق حساسه وهم يكتبون على السبورة
ثانيا المدرسه لا تستطيع السيطره على الطلاب فى معاهد البنين مما يتسبب فى ارباك العمليه التعليميه
ثانيا شيوخ المعاهد وبعض المدرسين اصحاب القلوب المريضه نظراتهم صائبه نحو المدرسات والاداريات
يعنى عندنا فى معهد البنين كل المعهد اداريات ووحوالى عشر مدرسات الشيخ ما بينقلش تقريبا من حجرتهم الخاصه بيهم وبيحصل بقى فتن وتلسين با لكلام عليهم من بعض الزملاء. ده غير المدرسه او الاداريه بتيجى محمره ومشمره وطبعا الطلاب وغير المتزوجين شوف انت بقى حالهم ايه؟
فانا اؤيد هذا القرار بكل قوة حتى تنتهى هذه الفتن والسلبيات الموجوده فى معاهد البنين بسببهن.

[احمدابامهند]

وبعدين كل الشغل يقع على الرجال دونهم بحجة انهم ستات وحوامل وعاوزين يطبخم وغير كده

[ابومورو]

قرار غير صائب -اولا نحن يوجد عندنا فى التفتيش خمس مدرسات شرعى فقط مقسمين على ثلاث معاهد فتيات فكيف يتم تقسيم المعاهد عليهن- ثانيا يوجد نقص شديد فى بعض التخصصات -ثالثا كثرت الاجازاة التى يحصل عليها المدرسات ويقوم المدرسين بسد العجز- رابعاساعات الرضاعه التى يحصل عليه المدرسات -خامسا حالات الوضع التى تحدث ى وقت واحد- سادسا مقابلة اولياء الامور والتعامل معهم من جهة المدرسين -سابعا لا يعرف احد السلبيات الا من يقوم بالتدريس فى معاهد الفتيات وما يحدث من تقصير من المدرسات ويقوم بعض المدرسين بحل هذه السلبيات ويتحملون اكثر من طاقتهم من تقصير المدرسات من استأذان والاعذار الموحده مثل الاولاد موجودين فى البيت لوحدهم ومنها الطبيخ ومنها الحمل وغيرها من الاعذار فنرجوا من القائمين على اتخاذ الاجراءات دراسة الموضوع من جميع نواحيه

[ابومورو]

قرار غير صائب -اولا نحن يوجد عندنا فى التفتيش خمس مدرسات شرعى فقط مقسمين على ثلاث معاهد فتيات فكيف يتم تقسيم المعاهد عليهن- ثانيا يوجد نقص شديد فى بعض التخصصات -ثالثا كثرت الاجازاة التى يحصل عليها المدرسات ويقوم المدرسين بسد العجز- رابعاساعات الرضاعه التى يحصل عليه المدرسات -خامسا حالات الوضع التى تحدث ى وقت واحد- سادسا مقابلة اولياء الامور والتعامل معهم من جهة المدرسين -سابعا لا يعرف احد السلبيات الا من يقوم بالتدريس فى معاهد الفتيات وما يحدث من تقصير من المدرسات ويقوم بعض المدرسين بحل هذه السلبيات ويتحملون اكثر من طاقتهم من تقصير المدرسات من استأذان والاعذار الموحده مثل الاولاد موجودين فى البيت لوحدهم ومنها الطبيخ ومنها الحمل وغيرها من الاعذار فنرجوا من القائمين على اتخاذ الاجراءات دراسة الموضوع من جميع نواحيه

[ابواروى555]

انا مع كل كلمة قالها الاخ الكريم وانا متفق معة تماما انة قرار عقيم ولابد من الغائة

[حامد فيصل]

الأخ ( ذئب الجبل ) اللى بيقول انه ضد تأنيث المعاهد .... أعتقد ان وجه النظر دى بيقولها كل معلم يعمل فى معاهد الفتيات عشان ميتنقلش من المعهد ... مالا ترضاه لنفسك لا ترضاه لغيرك ... هوا مدرس الفتيات أحسن فى ايه من مدرس البنين عشان واحد يتبهدل مع الطلبة ويطلع عينه والبيه التانى لابس كويس ومرتاح اخر راحة فى معاهد الفتيات و يبذل أقل جهد فى الفتيات مع العلم انه نفس الراتب
2- بالنسبة لكفائة المعلم لا علاقة لها بالبنين أو الفتيات
3- وجود مدرس بمعاهد الفتيات هو منفذ لوجود علاقة بين ( بعض وليس كل الطالبات مع المعلم ) فالأولى التأنيث من باب درء المفسدة مقدم على جلب المصلحة ..ز
4- لوضع الإختلاط بين المدرسين والمدرسات لأنى عملت بإحدى معاهد الفتيات ورأيت كثير من السلوك الغير سوى من أحد المدرسين .... ولنفرض أن لنا أختا او زوجة بمعهد فتيات هل نسمح بأن يتحدث معها مدرس أو يضايقها فى العمل ..؟
5-2- بالنسبة للتكدس الموجود فى البنين ونقل المعلم لأماكن بعيد ( فالموضوع ليس له علاقة لأنى أعرف بعض المعلمين يترك معهدا فى بلده جنب البيت ويعمل فى معهد فتيات بعيد ويركب له مواصلات لمجرد انه فتيات
6- بالنسبة لتخرج بعض الطالبات وهم لا يستطيعون التعامل مع النصف الاخر من الذكور ... دا كلام غلط وأدعى للفتنة يبقى احنا كده بنشجع الإختلاط ود ليس من الإسلام
7- عدم تأنيث المعاهد فيه مجاملة لبعض العاملين على حساب الأخر تخيل لو انت فى الفتيات والمجه نقلك وجاب واحد برضوا مكانك شوف هاتبقى مدايق ازاي لكن إذا تم تعميم القرار ع الجميع فهذا أفضل

[ذئب الجبل]

المشاركة الأصلية كتبت بواسطة حامد فيصل

الأخ ( ذئب الجبل ) اللى بيقول انه ضد تأنيث المعاهد .... أعتقد ان وجه النظر دى بيقولها كل معلم يعمل فى معاهد الفتيات عشان ميتنقلش من المعهد ... مالا ترضاه لنفسك لا ترضاه لغيرك ... هوا مدرس الفتيات أحسن فى ايه من مدرس البنين عشان واحد يتبهدل مع الطلبة ويطلع عينه والبيه التانى لابس كويس ومرتاح اخر راحة فى معاهد الفتيات و يبذل أقل جهد فى الفتيات مع العلم انه نفس الراتب
2- بالنسبة لكفائة المعلم لا علاقة لها بالبنين أو الفتيات
3- وجود مدرس بمعاهد الفتيات هو منفذ لوجود علاقة بين ( بعض وليس كل الطالبات مع المعلم ) فالأولى التأنيث من باب درء المفسدة مقدم على جلب المصلحة ..ز
4- لوضع الإختلاط بين المدرسين والمدرسات لأنى عملت بإحدى معاهد الفتيات ورأيت كثير من السلوك الغير سوى من أحد المدرسين .... ولنفرض أن لنا أختا او زوجة بمعهد فتيات هل نسمح بأن يتحدث معها مدرس أو يضايقها فى العمل ..؟
5-2- بالنسبة للتكدس الموجود فى البنين ونقل المعلم لأماكن بعيد ( فالموضوع ليس له علاقة لأنى أعرف بعض المعلمين يترك معهدا فى بلده جنب البيت ويعمل فى معهد فتيات بعيد ويركب له مواصلات لمجرد انه فتيات
6- بالنسبة لتخرج بعض الطالبات وهم لا يستطيعون التعامل مع النصف الاخر من الذكور ... دا كلام غلط وأدعى للفتنة يبقى احنا كده بنشجع الإختلاط ود ليس من الإسلام
7- عدم تأنيث المعاهد فيه مجاملة لبعض العاملين على حساب الأخر تخيل لو انت فى الفتيات والمجه نقلك وجاب واحد برضوا مكانك شوف هاتبقى مدايق ازاي لكن إذا تم تعميم القرار ع الجميع فهذا أفضل

الاخ حامد فيصل
اولا -- الف تحية لك
ثانيا - لو انك قرأت الموضوع للاخر لوجدتني كتبة اني (( معلم ابتدائى ))
ولست معلم اعدادي حتى
ثالثا -- نحن نطرح الموضوع للنقاش حتى نصل الى افضل قررار
ولك مني الف شكر

[حامد فيصل]

أشكر حضرتك ع الرد والتعليق بس الموضوع مش محتاج نقاش المعلم يثبت نفسة فى أي مكان طالما انه بيعمل بضمير وبيعامل ربنا فى شغله وبعدين الأصل فى مكان المعلم هوا معهد البنين وليس الفتيات والمعلم علشان يبعد عنه القيل والقال يريح دماغة ويشتغل فى البنين وخلاص .............