بعد ما ظهرت النتيجه و بانت الفيزيا

[طـفـلـة الامـس]

المشاركة الأصلية كتبت بواسطة MohammeD el_SadaT

أنا من رأيى إن لو فيه طالب واحد قدر يجيب فى الفزياء
50 من 50
يبقى كان ممكن الباقى يجيب بردو 50 من 50 والتقصير من الطالب

هى كل المشكله إن الطلبه دائماً متعودين على الإمتحانات التافهه فالمره اليتيمه اللى يتحط فيها ؟إمتحان صعب يقيس مدى قدرات الطالب
نلاقى الكرسه إن معظم طلابنا فشلو فى الإختبار

حضرتك مش هاتحس باللى بتقوله الا لما تتحط فى موقفنا وانا عاذرة حضرتك لانك ما اتحطتش فى موقفنا ده انا عن نفسى حليت كل ما يخطر على بال اى حد ومع ذلك الامتحان جه خارج كل ده وباعدين حضرتك بتقول الامتحان صعب انا المدرسة بتاعتى قالتلى الامتحان ده ما جاش زيه من عشرين سنة ياريت حضرتك تكون متخيل الموقف وباعدين ياريت الامتحان كان فيه سؤالين تلاتة بالكتير فيهم حاجات صعبة ده الامتحان من اول سؤال لاخر سؤال مافيش اى سؤال تقول ده ان شاء الله هايبقى صح وعلى فكرة انا مش بتكلم عن جزيئة فى سؤال انا بقول لحضرتك سؤال كامل مافيش ولا سؤال تضمنه

والاسئلة اول مرة فى حياتى اشوفها تخيل اما تبقى داخل امتحان ثانوية عامة اسئلة اول مرة تمر عليك وزى ما قلت ياريتها حتى اربع اسئلة ده الامتحان كله بالمنظر ده
ده انا لو كنت دخلت امتحان فى الدرس واى سؤال وقف معايا كنت خلاص ببقى هاموت نفسى تخيل بقى الامتحان اللى بنشتغل علشانه طول السنة

ومهما اوصف واتكلم مش هاقدر اعبر عن الامتحان ده اصعب درجة جبتها فى الثانوية العامة وهاتفضل محفورة فى ذاكرتى لاخر العمر

امتحان لا يوصف ومنه لله اللى حاطط الامتحان مش مسامحاه ابدااا وهاخد حقى منه كده يوم القيامة وربنا اكيد مش هايضيع تعبنا حتى لو كنا قلينا بسبب الفيزياء فان شاء الله ربنا هايوفقنا فى الكلية باذن الله ولازم يكون عندنا يقين بكده

[Travel]

المشاركة الأصلية كتبت بواسطة ebrahem_el

ente 3mlte eh ya travel ?

انا مش عارفة اقول حاجة
اصدق اللى انا جايباه ولا لأ
اصدق درجة الفيزياء اللى هموووت منها ولا لأ
مش عارفة
حاسة انى خلاص
يمكن اللى انا شفته ده
اشبه بكابوس وحش اوى
والله انا لغايت دلوقت مش مصدقة خالص وحاسة انى بحلم
مش عارفة
اقول حاجة خالص
معلش استحملونى

ومبروك وعقبال ما تدخل الكلية اللى بتتمناها
وعقبال باقى الطلبة
ربنا يحقق اللى بنتمناه
وينتقم من اللى بيصحح
حسبى الله ونعم الوكيل

[Travel]

المشاركة الأصلية كتبت بواسطة asdat

والله انا عارفه اللى انتى حاسه بيه وديقاه كويس
بس (قل لن يصيبنا الا ما كتب الله لنا)
يعنى اللى مقدره ربنا وعايزه حيكون
المهم الواحد يفكر ف الكليه دلوقتى
الواحد يكون عارف ان ربنا هو اللى بيوفقنا
فى رعايه الله

انا كل اللى بقوله دلوقت
يارب ....... ان كان هذا خيرا فزدنى منه
وان كان شرا فاصرفه عنى
انا مش عارفة انا عملت ايه
انا حبيت الفيزيا والله
وكنت بتمنى انى ادخل علوم قسم فيزيا كمان
شايفة لدرج ايه كنت بحبها
بس خلاص
كل حاجة راحت
كل حاجة خلاص
حسبى الله ونعم الوكيل
وربنا يكرمنى ويكرمك ويكرم كل الطلبة
وينتقم من اللى صححوا
انا اللى مخلينى اضحك اوى
انى جايبة فى العربى 29.5
وبلاش اقول درجة الفيزيا

[minasem2005]

Physics : 49.5/50

[منى ذكى]

انا ابن خلتى جايب فى الفيزيا 47 وواحدة صحبتى 48.5 يعنى فشل فشل يعنى والمهم دول اكتر ناس كانت بتشتكى من الامتحانات.

[dr.saeed]

انا 47
و 402.5
وربنا يوفق الجميع

[* dr.sara*]

انا 45 ازاى معرفش منهم لله

[اوركيديا]

Physics : 49.5/50

ايه الدرجات دى
ما شاء الله

انا 47
و 402.5
وربنا يوفق الجميع

الحمد لله اتحققت الدكتره
وكمان ان شاء الله يكون المجموع بدون المستوى

انا 45 ازاى معرفش منهم لله

نفس الدرجه بالضبط بس ان شاء الله يكون الباقى شال

ياااااااااارب للجميع

فى رعايه الله

[Dr.Nobel]

ربنا يوفقكم يا جماعة انا الحمد لله جبت 48.5 فيزياء

[سنووايت]

انا وبلا فخر جبت 43

[ايهاب ابو الخير]

امال انا اعمل ايه طب انا كن تعامله حسابى انى من الاوائل انا جايبه السنه اللى فاتت 99ونص يعنى 204من 205يعنى مش فاشله ولاحاجه
بلاش بقى اقولكو درجة الفيزياء لان مش هتصدقو انا الحمدلله جايبه 405 من 410 وعلى فكرة انا كل المواد مقفلاها حتى الاقتصاد والاحصاء
كله جايبه فيه الدرجة النهائية هل كده معناه انى قصرت انا كل اللى مزعلنى انى كان نفسى اكون من الاوائل كان نفسى اشرف ابويا وامى
اللى كانو بيحلموا بكده بس الحمد لله على كل شئ وحسبى الله ونعم الوكيل فى اللى عمل امتحان الفيزيا لانها الماده الوحيده اللى نقصت فيها

[اوركيديا]

امال انا اعمل ايه طب انا كن تعامله حسابى انى من الاوائل انا جايبه السنه اللى فاتت 99ونص يعنى 204من 205يعنى مش فاشله ولاحاجه
بلاش بقى اقولكو درجة الفيزياء لان مش هتصدقو انا الحمدلله جايبه 405 من 410 وعلى فكرة انا كل المواد مقفلاها حتى الاقتصاد والاحصاء

بصى انت بتقلبى عليا المواجع عشان انا برضه يعنى اهه كان فيه شويه امل كنت جايبه 99.3%
بس و الحمد لله 5 فيزيا تكفلوا بالامر
بس بصى خلاص اللى حصل حصل
و احمدى ربك على المجموع و اكييييييييييييييييد باباكى و مامتك فرحانين
ماشى
ويارب المنتدى بتاعنا يكون عجبك

فى رعايه الله

[aasheqat_elgana]

المشاركة الأصلية كتبت بواسطة MohammeD el_SadaT

أنا من رأيى إن لو فيه طالب واحد قدر يجيب فى الفزياء
50 من 50
يبقى كان ممكن الباقى يجيب بردو 50 من 50 والتقصير من الطالب

هى كل المشكله إن الطلبه دائماً متعودين على الإمتحانات التافهه فالمره اليتيمه اللى يتحط فيها ؟إمتحان صعب يقيس مدى قدرات الطالب
نلاقى الكرسه إن معظم طلابنا فشلو فى الإختبار

انا لا اعترض على ان الامتحان يقيس مدى قدرات الطالب ولكن قبل ما يجيبوا امتحان يقيس مستويات الطلاب مفروض ينبهونا من اول السنه علشان نبدا نتدرب على اصعب ما فى المنهج
مش يفضلوا طول السنه ممشينا على نظام الحفظ وروح سمع فى الامتحان تاخد الدرجه النهائيه
وييجا فى الامتحان يصدمونا باسئله تعتمد على التفكير ومفيش وقت حتى نفكر
وانا مقتنعه ان الوقت لو كان اطول كان اصبح كافى للاجابه
وانا عموما جبت 44 فى الفيزياء رغم ان شوفت نموذج الاجابه وقلت مش هقل عن 46 <حسبنا الله ونعم الوكيل> وعلى فكره فى ناس برده جابت 49 و49.5 فى الفيزياء

[3olomgy]

وفيه ناس جابت خمسين بردو
دكتور الكيمياء فى الكلية بيقولنا انه نفسه يشوف اللى حط امتحان الفيزياء عشان يحييه لانه اخيرا علم الطلبة ازاى تفكر
بس المشكلة عندنا ان التفكير عدو عقول الطلبة
ده مش عيب فى الطلبة قد ما هو عيب فى نظام التدريس...احفظ احفظ احفظ ..سمع سمع سمع
والمشكلة بردو اننا لو حتى عودنا الطلبة على التفكير هيبقوا عايزين بردو نموذج للتفكير يمشوا عليه ...اسلوب التعليم علمهم النمطية والتقليد فى كل حاجة للاسف وبردو يا جماعة مش كل واحد يبقى عايز يجيب الدرجة النهائية ولو ماجبهاش يدعى ع اللى بيصحح ؛ المفروض ان العلوم عموما مفيهاش حاجة اسمها درجة نهائية وهتعرفوا ده لو دخلتوا كليات علمية
بصوا هو نظام التعليم فاشل باكلمه وعايز يتغير من اول فراش المدرسة لحد الوزير

[wafa2y]

m3alesh ana ash3or b el ehana 7adrettek bet2oly [U]edb7na!!!
3shan 5dargat huh
7adretek ana na2es mgmo3e 26 b3ed 3anek
24 riada w physia
w 3ala ray travel kan na2es eshelohany :s
w ba3den el 2ol 3ala mdrsty el sana ele fatet kan riada el sanade
n2es fe eltnyn 14 darga