إلى المثبتين حديثاً (الرقم التأمينى بدون ).كارثة

[محمود احمد قيرم]

المشاركة الأصلية كتبت بواسطة بنت الأزهـر

دخلت للموقع ووجدت الآتي:

الحالة التأمينية: لا يوجد

الوظيفة: لا يوجد

إذن ما العمل؟

تماما انا زيك بالضبط ايه الحل

[سعيد حلمى]

انا دخلت على الموقع
الحالة التأمينية: مؤمن عليه
المهنة: كاتب شئون افراد مش عارف ايه المهنة دى انا مدرس فيها مشكله ولا ايه
من اول يوم اشتغلت فيه

[أ.حسين احمد]

حل المشكله دي ايه بقي ياريت الرد

[الاستاذ احمد الجندى]

لى زميل فى التأمينات

اكد لى ان كل المثبتين حديثا مؤمن عليهم هم وكل من يعمل بالقطاع الحكومى من اول يوم عمل

ولكن يوجد قطاعات لم يتم تحديث البيانات عليها كاملة ومنها الازهر فلا داعى للقلق

[هشام أبو محمد]

الحمد لله أنا مؤمن عليا ودي صورة من موقع الهيئة للتأمين وقاعدة وصفحة بياناتي أمام حضرتكم وإلا له قريب في التأمينات يروح يخليه يدخله البيانات بتاعته بعد لما يمضيها من المنطقة من التأمينات والمعاشات

[السواح12]

كان عندى نفس المشكلة والحمد لله تم حلها
طلب منى احد الموظفين فى فرع التأمينات اللى انا تابع له احضار بيان حالة وظيفية معتمد وبيان من المعهد اننى ما زلت على رأس العمل واحضرتهم بالفعل وقد تم تغيير بياناتى واصبح مؤمن على

[الأستاذ عبده السوهاجى]

المشاركة الأصلية كتبت بواسطة الاستاذ احمد الجندى

بتسجل فى الصفحة دى ولازم تكون حافظ كلمة السر اللى هتعملها وبتدخل رقمك التأمينى بعد التفعيل فى الهيئة

وهتلاقى بيناتك كاملةhttp://nosi.gov.eg/arabic/pages/logi...%2felibrary%2f

اشكرك استاذ احمد انا فعلاً سجلت ودخلت لقيت انى بالفعل غير مؤمن عليا زى معظم الزملاء .

[sasa555m]

المشاركة الأصلية كتبت بواسطة محمود احمد قيرم

تماما انا زيك بالضبط ايه الحل

وأنا كذلك نفس الشىء

[الأستاذ عبده السوهاجى]

المشاركة الأصلية كتبت بواسطة السواح12

كان عندى نفس المشكلة والحمد لله تم حلها
طلب منى احد الموظفين فى فرع التأمينات اللى انا تابع له احضار بيان حالة وظيفية معتمد وبيان من المعهد اننى ما زلت على رأس العمل واحضرتهم بالفعل وقد تم تغيير بياناتى واصبح مؤمن على

جزاك الله خيراً .

[الأستاذ عبده السوهاجى]

اولاً اشكر كل من شارك فى هذا الموضوع ...ومن الواضح ان معظم الزملاء غير مؤمن عليهم زى حالتى بالضبط واللى فهمته برضو اننا لازم نغير البيانات بانفسنا فى الفرع التابعين له هل هذا جزاء من يعمل بالازهر .

[الاستاذ احمد ابراهيم]

الموقع بتاع التامينات مش راضى يسجل دخول معايا

[السيدعطية]

ذهبت اليوم 25/2 الى التامينات واستخرجت الرقم التامينى ووجدت مكتوب ( مؤمن عليه لايعمل )مع العلم بانى تعاقد 2005 وتم التثبيت فى 29/9/2011 وهناك لم يفيدنى احدفما الحل اذن بالله عليكم

[أ/مصطفى محمود]

اذهبوا للمنطقة /شئون العاملين و أخبروه أنه يتم الخصم منكم من اول يوم تعاقد و لكن عندما ذهبنا للتأمينات وجدنا أنه غير مؤمن علينا
و للأسف هدا عيب موظفي المنطقة ( عديمي الضمير)
و انظر ماذا يقول لك
و إذا لم يتحرك قدم مذكرة رسمية ترفعها لشيخ المعهد و بدوره يرفعها لمدير المنطقة و الذي عليه الرد في غضون اسبوع من الشكوى
و إذا لم يحدث شئ ، قدم شكواك لصفحة وكيل الازهر و انظر ما الرد
و اذا لم يحدث شئ قدم شكواك الى النيابة الادارية موثقة بعقودك من اول عقد و حتى آخره مع احضار خطاب رسمي من التأمينات الاجتماعية يوفي بأنه غير مؤمن عليك أو غير مسجل لديهم في الفترة من كذا لكذا

و لكن انصح الجميع ممن لديه نفس المشكلة ان يتأكد بنفسه من التأمينات الاجتماعية و لا يرتكن على الموقع فقط لانه قد يكون مؤمن عليك لكن البيانات غير مدرجة بالموقع قبل التحرك .

بصراحة مشكلة لا يتم السكوت عليها ستؤثر جدا عليكم فيما بعد
تحياتي

[الاهلى2]

انا دخلت ولقيت نفسي مومن عليا من يوم 29-5-2005 يا اخوه راجع المنطقه وان شاء الله هيكون متامن عليك

[أحمدأبوأسماء]

انا دخلت منذ فترة ووجدت مؤمن على من اول يوم بالازهر