يا جماعه انا عاوز اعيد سنه تالته ثانوى بس ينفع ولا لأ ولو ينفع اعمل ايه

[ayman3000]

المشاركة الأصلية كتبت بواسطة عمرو بيك

اهه خد عندك واحد جايب 91.5 وهندسه والله اللى بيحصل ده حرام طب ما احنا كمان اتنفخنا فى الفيزياء ولا هى كوسه هى كوسه اللى يلعن دى دوله كلها كدب ونفاق وقله ادب

المشاركة الأصلية كتبت بواسطة عمرو بيك

يا عم ما هى الحاجه اللى تنقط ان بتوع الرياضه كانوا بيقولوا صعب ومش صعب والله يكون فى عونهم وتلاقى مفيش حد مرحله اولى مدخلشى هندسه كله هندسه انت عارف يا عمور انا حاسس برده ان انا لو دخلت طب مش هحس انى ليها طعم واقولك حاجه كمان انا بتوع رياضه اتنين دولى فى نظرى ((( معلشى ما يحصلوش طلاب الادبى ))) وده رايى من اول السنه وع العموم الرك على اللى يستمر بس بلدنا دى عاوزه اللى يمشى بالعكس الحلو يبقى وحش والوحش يبقى حلو ..... عمار يا مصر

باشا

الفرق بين علمي رياضه و علمي علوم أيه ؟

أن دول بياخدوا رياضه2 و دول أحياء

نقارن بقى بين المادتين

أولاً منهج الرياضه 2 عايز واحد ذكي مش غبي و دماغه عاليه أوي عشان يمشي فيها

ثانياً منهجنا ثقيل ومحتاج شغل كتير وحل مسائل كتير مش زيكوا حنحفظ كلمتين ورسمتين في الأحياء وندخل ندلوقهم جوه الإمتحان

ثالثاً مش أي حد بياخد رياضه 2 لأ يا باشا

رابعاً أمتحانات رياضه 2 طول عمرها بتيجي صعبة و تقيلة ولازم في كل أمتحان من ال3 إمتحانات تحل صفحة وش وضهر 4 أسئلة و تقريباً بيكونوا فيهم 8 مسائل طويلة و كل ده في ساعتين

بالنسبة للأحياء كلها حفظ ومفيهاش فهم من الأخر الطلبة الحفيظه هما اللي بيدخلوها تقعدوا ليل نهار تحفظوا فيها زي الأغبياء عشان بعد كده تدخلوا كلية طب تصموا المنهج و تاخدوا بكالوريوس طب أونطة

يبقى مين فينا اللي محصلش بتوع أدبي؟؟ أحنا ولا أنتوا؟ ها ما ترد ؟

وبعدين بقى أنا أخويا في طب عين شمس و بيقول طول السنين اللي قعدها في الكلية ما أتعلمش حاجة في أي حاجة يعني دخل الكلية حمار و طلع تيس !!!!

وأنتا جاي تستهزأ بينا ؟

قال علمي علوم قال

قال كلية طب قال

قال دكتور قال

ههههههههههههههههه والله ضحكتني!!!!

[ayman3000]

المشاركة الأصلية كتبت بواسطة عمرو بيك

انا دخلت كليه علوم وانا مش عاوزها والله واتظلمت كتير اوى ارجوكم ساعدونى

والله انتا اخرك فعلاً تدخل كلية علوم و تطلع مدرس كيمياء ولا فيزياء هو ده أخرك

عارف ليه ؟

عشان أنتا أولاً دماغك مصديه وبتفكر بدماغ واحد جاي من العصر الحجري

ثانياً عشان ربنا مش بيدي لحد أكتر من حقه و ربنا فعلاً إدالك حقك!!!

[Dr.diamond]

الف مبروك على الكليه الحلوه دى انا مش فاهمه هى ازاى مش عاجباك اساسا يمكن عشان حضرتك كنت حاطط املك على الطب ومش متخيل نفسك غير فيها وحضرتك قولت ان كان عندك ظروف يعنى انت الحمد لله عملت الى عليك وزاكرت على قد ما قدرت وبعدين هو فى حد يعلم الغيب مش يمكن مستقبلك يبقى حلو فى علوم واحسن من اى دكتور طيب ما زويل نفسه كان علوم مش دكتور يعنى ولا حاجه حضرتك ارضى بالى ربنا قسمهولك واجتهد فى الكليه وحبها وباذن الله ربنا هيكرمك

[ماهينور 2]

المشاركة الأصلية كتبت بواسطة عمرو بيك

يا عم ما هى الحاجه اللى تنقط ان بتوع الرياضه كانوا بيقولوا صعب ومش صعب والله يكون فى عونهم وتلاقى مفيش حد مرحله اولى مدخلشى هندسه كله هندسه انت عارف يا عمور انا حاسس برده ان انا لو دخلت طب مش هحس انى ليها طعم واقولك حاجه كمان انا بتوع رياضه اتنين دولى فى نظرى ((( معلشى ما يحصلوش طلاب الادبى ))) وده رايى من اول السنه وع العموم الرك على اللى يستمر بس بلدنا دى عاوزه اللى يمشى بالعكس الحلو يبقى وحش والوحش يبقى حلو ..... عمار يا مصر

ليه بس الغلط في بتوع علمي رياضه احنا كده خدنا عنك فكره انك حاقد علينا يعني عشان سيادتك مدخلتش كليه طب يبقي احنا ذنبنا ايه وعلي فكره معروف جدا انه بتوع علمي رياضه اذكيه جدا ببساطه احنا كنا بناخد في الرياضيات 6 فروع انتم بقي كنتوا بتاخدوا يدوب كتاب دش وشويه رسومات بتوع ادبي يدرسوها ويجيبوا فيها الدرجه النهائيه وبعدين انتوا اضربتوا في الفيزياء وبس احنا اضربنا في الفيزياء والتفاضل والتكامل ومع ذلك معترضناش ولا قلنا اشمعنا علمي علوم لاننا احنا متعودين علي ااتفكير والفهم زي ما الرياضيات علمتنا لكن انتوا ياحسره الاحياء علمتكم الحفظ زي بتوع ادبي
وكفايه عليك كده

[scorpion_200200]

ليه الغلط ده في بتوع علمي علوم
مش معني ان الواحد اخد احياء يبقى حيصم كلمتين ويجيب الدرجة النهائية ....ومش اي واحد بيجبها عشان التصحيح بيبقى علي مزاج المصحح
احسن حاجة ياخونا كل واحد يبقى فى حاله .........وكل مادة وليها ظروفها
والي الاخ عمرو بيك ارضى بنصيبك "قل لن يصيبنا الا ما كتب الله لنا"و"عسى ان تكرهوا شيئا وهو خير لكم"

[aymanthink]

الى الأخ بتاع المقارنة انت بتقول رياضة عاوزة واحد زكى معنى كده أحياء مذاكرة وخلاص ياراجل حرااام عليك هى علم نفس ولاتاريخ

[aymanthink]

لطاب ليه مادخاتوش علوم مادام أذكية كده ولا هوكلام وبس

[عمرو بيك]

.................................................. .............

[salma_tito]

انا مش عارفه صاحب الموضوع ده كاتبه علشان يسالنا على حاجه هو عايزها و لا كاتبه علشان يشتم في العلمي رياضه

[toty_toty]

على فكرة علمى رياضة اتظلمو وبعدين مش عاوزين نعمل مقارنات لان الامتحانات كفاية
وبعدين مالهم بتوع ادبى ومين قال ان ادبى ما بيفهموش
عيييييييييييييييييييييييييييييييييييييييييييب اوى الكلام ده
الخلاصة ان علمى علوم مش بينافس علمى رياضة يبقى مش من حقه يقارن وبعدين ما درسش رياضة 2 انا بكالريوس هندسة جامعة المنصورة واشهد ان امتحانات رياضة السنة دى فعلا صعبة يعنى هما مش اغبياء ولا حاجة
اما بالنسة لكلية العلوم هى كلية جميلة وهيقولولك يا دكتور عشان ترضى غرورك ومش وحشة وبفرض انك عدت السنة تضمن منين ميحصلكش ظروف ايام الامتحانات يا ريت تحمد ربنا وكمان تصلى ركعتين شكر
وبكره تدعيلى واقولك نصيحة لله
حب ما تعمل حتى تعمل ما تحب

[Elmobd3]

ههههههههههههههههههههههههههههههه


لا تعليق يا عمرو

بس انصحك بدكتور نفسانى و لا حاجة

و الله بجد حالتك صعبة جدااا

متسكوتش على نفسك يابنى

بجد و الله الحق نفسك

[عمرو بيك]

انا والله يا جماعه مكنتش عاوز اشتم فى علمى رياضه بس لو انتوا بصيتوا فوق عند الله اسمه (( انج اوبريشن ))) شوفوا رده ازاى على عمرو اللى دخل حقوق .... لعلمكوا انا ماليش دعوه ببتوع الرياضه بس ده رده مستفز وانا متاكد ان ده مكنش هيبقى كلامكوا لو انتوا مدخلتوش هندسه لانها فعلا كوسه لما الهندسه تنزل مرحله تانيه وانا مش مغرور انا كنت بحلم وكان نفسى احققه بس مفيش نصيب وانا الحمد لله بشكر ربنا ومش بحب اسيب نفسى للشيطان والوسوسه ومتزعلوش اوى كده احنا بنتناقش بس انا عندى حق فى اللى قلته

[عمرو بيك]

يسلام عليها وزاره التربيه ويسلام علي النظام اللي محطوط حاجه في منتهي الغباء ومنتهي التخبط ومنتهي سوء الاداره امتحانات بتتسرب ووسايط في كل حاجه حتي في النتيجه والتعليم مهازل وفي الاخر احنا الضحايا ببساطه علشان احنا اصلا جينا غلط ازاي نيجي نقرف معاليهم المفروض اننا نموت نترمي في اي داهيه...... بصوا يا شباب يا بتاع الثانوي اللي في تانيه او تالته كبروا دماغكو بلا قرف الدنيا بتجري واحنا بنشوف امتحان فيزياء صعب ورياضه معقد وكيمياء زباله واصلا المواد ولا ليها لازم ومناهج من مليون سنه وكم مقرف وضخم من المعلومات واصله سبق اللي يلحق يجيب يجيب واللي ميلحق يبقي فاشل وطالب مهمل ومش نافع والناس تبص له علي انه من طبقه ادني ببساطه تخلف
الناس بره التعليم عندها مختلف والحياه والتقيم مش بالتعليم اي حاجه لازم تتحب علشان يبدع فيها مش تتحفظ انا شخصيا زهقت بقالي 16 سنه بدرس ولسه تاني وخلاص ايقنت مطلقا ان احنا فعلا اكثر الشعوب جهلا وتخلفا علشان معندناش اي نظم او قواعد اصلها كوسه يا بيه بتنجان محشي ..... اي بطاطس......... ربنا يعينكو وتروحوا الكليات اللي انتو عايزينها وان مرحتوش يمكن يبقي احسن....... عايزين تروحوا ايه طب؟؟ بقالي خمس سنين نسيت فيها اصحابي نسيت الناس نسيت الحياه ليه علشان انت هتبقي دكتور شحن وضغط عصبي مرعب ومقرف طب في صعوبته قد اثانويه عامه يجي 200 مره وبعدين هططلع ايه دكتور تمام الناس بتبص لينا ازاي؟؟ بص في اي جرنال ما بيصدقوا يلاقوا اي غلطه لدكتور وهاتك يا سلخ وبعدين هتبقض كام ؟ 250 ولا 500 جنيه كتييير اووي يا اخي ابقي حوش واتجوز بعد التلاتين علي ما تتخرج وتخلص الجيش الموضوع برمته في منتهي التخلف ....بلاش طب عايز تدخل ايه هندسه؟ يلا خش اتعقد شويه لا مش شويه اتعقد قوي واتمتع بالدكاتره العباقره اللي بيستريحوا لما انت تتعقد .......بلاش هندسه عايز السن ؟ يلا تعال شوف الناس بتوعها بيدرسوا ازاي ؟ ولا ايام امتحانتها شوف البنات اللي بتحاول تنتحر .... بلاش السن خلينا في سياسه واقتصاد؟ معاك واسطه ياد لأ انا من البلد من الريف جبت مجموع كويس ومن حقي اتساوي مع اي حد هنا ... ده عند امك يا حبيبي ....؟ اخرك مدرس اقتصاد..... بجد اي حد فيكو جاب مجموع عالي مبروك بجد بس يعرف ان اللي جاي اصعب بكتيييير ويبقي يقابلني لو صمد كتييير ..... واللي جاب مجموع مش كويس يحمد ربنا انه هيستريح ويمكن يروح ايطاليا يبقي اغني من صاحبه الدكتور ولا يتخرج ويشتغل في اي حته ويبقي راجل محترم بلا تعليم عقيم بلا قرف.... منققققققققووووووووووول

[عمرو بيك]

ميرسى ع الرد يا مبدع بس اللى على راسه بطحه ..... سلام

[فجر الإسلام]

أنا مش شايفة ياعمرو ان الطب آخر الدنيا
صدقني طب اسم وبس وعلى فكرة لو دخلت علوم
وانت جواك عزيمة هتبقى فيها أحسن من أي دكتور
وأنا أعرف دكاترة في الجامعة الناس بتحترمهم أكتر من الأطباء
ولازم ترضى باللي ربنا قسمه لك
وربنا يوفقك ويوفقنا كلنا