تتوقع تجيب كام السنة دي ..... دعونا نتفاءل

[ابانوب ايليا]

المشاركة الأصلية كتبت بواسطة mohamed hussein salama

بالنسبة لك يا ابانوب انا متفائلك خير بعون الله
انا كنت متابع بعض مشاركاتك خلال السنة وما شاء الله كنت حاسس انك تتمتع بمستوى عالى من الرفاهية اقصد مستوى عالى في المنهج يعني ...... ما تقلقش ياعم انته كده فله وتمام اوي

والدرجات اللى حتطير منى فى الفيزياء والعربى فى اسئلة تافهة بالذات كمان الفيزياء؟

ومش بعيد الاحياء كمان رغم انى غلطان غلطتين فى سؤال واحد بس بس غلطتين ميغلطهمش طفل رضيع

انا اللى مضايقنى ان ده حصل رغم سهولة الامتحانات

ربنا يستر

[fãţmã]

اييييييييه ياجماعه
صباح الخير
هههههههههههههههههههه
هو خلاص الطب هياخد من 98 فى الميه زى السنه اللى فاتت
احنا مش عليا مستوى
يعنى لو زى السنه اللى فاتت يبقى 97 فى الميه
ونقول اننا نظام جديد ولاااااااازم ينجح يبقى الطب 96 او 95 فى الميه دده راى معرفش

بصوا بقى انتوا بتجبولى الضغط صراحه
بجد انا مش عارفه بسببكو عايشه لحد دلوقتى ازاى
انا مرجعتش ولا ماده
ومعرفش ان كنت اللى عملاه صح ولا غلط

وخلاص باه اعصابى اتدمرت من النه دى
كفايه باه
دا انتو عيال الله يسامحكم باه
احنا فى رمضان

[fãţmã]

انا نفسى اسالكم سؤال بصراحه
ولازم اى حد يقرا كلامى يرد عليه

احنا امتحاناتنا كانت سهله بجد احنا حد عرف فينا يذاكر بجد فى حد ربنا وفقه السنادى وهداه
وذاكر مذاكره سنويه عامه

ده امتحانات كانت طويله بطريقه غريبه والله
ايه ده العربى كل سؤال نقطتين زياده عن السنين اللى فاتت
ولا الكيمياا اللى جيبلك اكتر من 5 تجارب وروسومات
احنا باين كنا داخلين نكتب وخلاص

هو ايه ده يعنى

ولا الواحد يدخل يلاقى ماشاء الله معظم الناس دكاتره هنا
والله انا كنت فين وفين لما الاقى حد دخل طب
بس هنا لقيت كتير خالص

مش بقولقوا بتجبولى احبببببببببببببببببااااااااااااااااااااااااااااااا ااااااااااااااااااااااااط

الله يسمحكم

يلا قلت اروح عن نفسى شويه

[Mohamed Hussein Salama]

المشاركة الأصلية كتبت بواسطة fãţmã

اييييييييه ياجماعه
صباح الخير
هههههههههههههههههههه
هو خلاص الطب هياخد من 98 فى الميه زى السنه اللى فاتت
احنا مش عليا مستوى
يعنى لو زى السنه اللى فاتت يبقى 97 فى الميه
ونقول اننا نظام جديد ولاااااااازم ينجح يبقى الطب 96 او 95 فى الميه دده راى معرفش

بصوا بقى انتوا بتجبولى الضغط صراحه
بجد انا مش عارفه بسببكو عايشه لحد دلوقتى ازاى
انا مرجعتش ولا ماده
ومعرفش ان كنت اللى عملاه صح ولا غلط

وخلاص باه اعصابى اتدمرت من النه دى
كفايه باه
دا انتو عيال الله يسامحكم باه
احنا فى رمضان

على فكرة احنا مش بنتوقع تنسيق ولا حاجة واتفق معاكي ان التنسيق هينزل السنة دي اقل حاجة واحد في الميه ...... لكن احنا بنتوقع لنفسنا درجات كويسة زي ما قلت سابقا على احسن تقدير علشان اللي يبتفاءل خير بيلاقيه ..... واحسن حاجة عملتيها فلا انك مرجعتيش واضبطي اعصابك شوية لسه فاضل اسبوعين بحالهم ...... وبعدين براحتك لو مش عايزه تشاركي علشان اعصابك انتي حره والله ..... وملحوظة :احنا مش عيال لو سمحت

[Mohamed Hussein Salama]

على فكرة انا اكتشفت ان الموضوع مش موضوع مذاكرة او سهولة امتحانات ابد .... كل الموضوع ان ربنا بيبقى علوز يحطك في مكان معين فبيهيالك الاسباب عشان تاخد نصيبك مش اكتر ..... بمعنى محصلش معاك ان فيه مواد انته كنت مذاكرها جدا وكنت ناوي تقفلها ودخلت نقصت فيها جامد وفيه مواد تانية مكنتش قد كده وكنت خايف منها طول السنة وفي الاخر دخلت قفلتها .... يا جماعة تفاءلو خير والخيرة فيما اختاره الله طالما احنا عملنا اللي علينا ..... انا واثق ان ربنا مش هيسيبنا ابدا

[fãţmã]

المشاركة الأصلية كتبت بواسطة mohamed hussein salama

على فكرة احنا مش بنتوقع تنسيق ولا حاجة واتفق معاكي ان التنسيق هينزل السنة دي اقل حاجة واحد في الميه ...... لكن احنا بنتوقع لنفسنا درجات كويسة زي ما قلت سابقا على احسن تقدير علشان اللي يبتفاءل خير بيلاقيه ..... واحسن حاجة عملتيها فلا انك مرجعتيش واضبطي اعصابك شوية لسه فاضل اسبوعين بحالهم ...... وبعدين براحتك لو مش عايزه تشاركي علشان اعصابك انتي حره والله ..... وملحوظة :احنا مش عيال لو سمحت

بص اولا انا اسفه علشان عيال لو حابب اشلها اشلها
عااااااادى خالص
وانا عندى اميل تانى ومش راضى يفتح وعمرى لاعملت موضوع ولا ردت على موضوع
لانى مبحبش افرض راى ولا ابين انى مديقه

بس عادى
اصلى فاضيه قلت ادخل اقره اما اشوف مهو لازم كل يوم احباط


عامه انا اسفه يااستاذ

رمضان كريم

[fãţmã]

المشاركة الأصلية كتبت بواسطة mohamed hussein salama

على فكرة انا اكتشفت ان الموضوع مش موضوع مذاكرة او سهولة امتحانات ابد .... كل الموضوع ان ربنا بيبقى علوز يحطك في مكان معين فبيهيالك الاسباب عشان تاخد نصيبك مش اكتر ..... بمعنى محصلش معاك ان فيه مواد انته كنت مذاكرها جدا وكنت ناوي تقفلها ودخلت نقصت فيها جامد وفيه مواد تانية مكنتش قد كده وكنت خايف منها طول السنة وفي الاخر دخلت قفلتها .... يا جماعة تفاءلو خير والخيرة فيما اختاره الله طالما احنا عملنا اللي علينا ..... انا واثق ان ربنا مش هيسيبنا ابدا

ايوه ربنا بيسبب الاسباب علشان كل حاجه تحصل
وفى الاخر محدش عارف الخير فين والله
اهم شىء الرضا والقناعه والايمان بربنا

وكل شىء هيكون تمام

اه مره تانيه انا اسفه
لو حابب احذف مشاركتى عادى والله انا كنت هحذفها بس لما لقيت رديت قلت مينفعش باه احذفها
مره تانيه انا اسفه
ربنا يوفقك وبيوفقكم كلكم

[Mohamed Hussein Salama]

المشاركة الأصلية كتبت بواسطة fãţmã

بص اولا انا اسفه علشان عيال لو حابب اشلها اشلها
عااااااادى خالص
وانا عندى اميل تانى ومش راضى يفتح وعمرى لاعملت موضوع ولا ردت على موضوع
لانى مبحبش افرض راى ولا ابين انى مديقه

بس عادى
اصلى فاضيه قلت ادخل اقره اما اشوف مهو لازم كل يوم احباط


عامه انا اسفه يااستاذ

رمضان كريم

لا اسف ولا شئ الموضوع مش مستاهل وبعدين احنا كلنا اعصابنا مشدودة والحاجات دي غصب عننا عادي .... وبالنسبة للاحباط ماتقارنيش نفسك بالناس اللي هنا دول احسن طلبة في مصر صدقيني ...

[That Moment]

طيب ياجماعة بما انها طالبة تفاؤل كده

انا عملت فى امتحان الاحياء حاجة غريبة

بعد ماخلصت واثناء ماانا براجع اكتشفت انى مشفتش السؤال بتاع اكتب نبذة مختصرة عن الدعامة التركيبية اللى هو فى السؤال الاول...والمصيبة مكنتش سايبلها مكان

فخفت اكتبها لوحدها فى الصفحات اللى ورا احسن ماتتصححش

قمت قلبت الصفحة بعدة السؤال الخامس وعدت السؤال الاول بالكامل من جديد ومغيرتش حاجة فى الاختيارات ...حيصححه ولاحياخد الاول اللى هو ناقص؟ دى تبقى مصيبة مركبة لانى عندى غلطات فى السؤال التالت...عارف غلطات غريبة ...مانا مش بغلط غير فى السهل اصلا

[Mohamed Hussein Salama]

سيبها لله ... ربنا مش هيضيعك

[Mr.Optimistic]

احم احم

بيتهيألي كده فيه هنا ناس متفائلة أوي أو متشائمة أوي !
مفيش وسط ؟؟

أنا أولا مراجعتش بعد أي امتحان الا العربي والانجليزي والأحياء والجيلوجيا ( ربنا يمسيها بالخير ) والألماني والكيمياء ..

يارب نجيب الكلية اللي تفرح أهالينا ..

[moslimah]

اولا ربنا يوفقنا كلنا وكل اللي هيروح حته هتبقي هي الخير ليه
ثانيا
بكل تفاؤل اتوقع لنفسي 96 او 97
ونفسي ادخل طب وباذن الله هدخل لاني عندي ثقة ف ربنا

[محمد السعيد عامر]

أنا الحمد لله كنت موفق الي حد كبير و يارب التوفيق للجميع و كل واحد يدخل الكلية اللي هو عاوزها
أنا اتوقع ان شاء الله من 99:98

[sayed badr]

ازيكم يا دكاترة ويا مهندسين المستقبل ان شاء الله بالنسبة لمستوى الامتحانات السنه دى معدا فيزيا وانجليزى بيقيس مستوى الحفظ لدى الطالب مش مستوى الفهم حتى الكيميا حافظ ادخل اكتب مش فاهم هتشيل كام درجة حلوين انا مشوفتش امتحان عجبنى كافهم الا الفيزيا السؤال الرابع عموما والباقى كله حفظظظ انا ان شاء الله راضى باللى كاتبه ربنا ياما ناس كانت تتوقع انها تجيب علوم وربنا كرمهم بطب الله اعلم ايه اللى جاى وفى ناس كانوا قايلين هنجيب 99% وهكذا وجابوا 96 او 97 كمان

ربنا يكتبلنا اللى فيه الخير جميعا ومحدش يحط امل اوى فى حاجة علشان لو لا قدر الله ربنا شايف انه مش هينحج فى المجال ده ومجبش مجموع أد الكلية اللى عايزها ميحسش ان الدنيا هتقف عند الكليه دى

والله انا من خلال قرأتى لمواضيع المنتدى اللى جايب طب شايف انه اعلى واحد واللى جايب اسنان شايف انه ملهوش مثيل لان العدد صغير واللى جايب صيدلة شايف انه فى احسن كلية فى مصر واللى جايب بيطرى ووعلاج طبيعى شايف انه دكتور المستقبل

ربنا هيكرم كل واحد ع أد قدراته وتعبه طول السنه ان شاء الله

سيبوها على الله وان شاء الله هيحسن التدبير لنا

اخر نقطة واسف ع الاطالة

ومحدش بالله عليكوا يزعل يوم النتيجة والله العظيم هو توفيق من ربنا الدليل ع كدة معايا شخصيا اسئلة اكون حاللها فى البيت الف مرة واجى فى اللجنة اغلط فيها واسألها والله مكنتش اتوقع انى احلها وسبحان الله حليتها واكيد ده حصل معاكوا كلكوا حتى المتفوقين كمان .

[Mohamed Hussein Salama]

وعسى ان تكرهوا شيئا وهو خير لكم