الكتب الخارجية

[(*أحمد عرفة*)]

شكرااااااااااااااا - بارك الله فيكم

[عبد المقصود مصطفى]

شكرااااااااااااا جزيلا

[امير الشعراء شوقى]

أيهما أفضل : المذكرات أم الكتب الخارجية ؟

[(*أحمد عرفة*)]

المذكرااااااااااااااااااااات & الكتاب الخارجى
// //
تدريبات قليلة & أخطاء تديبات كتير & معلومات بسيطة
مطبعية ممكن تضيع & منظر حلو

[fulfil]

هو كتاب الرسالة كويس والامتحان كويس في الاسئلة انما في الشرح مش كويس

[د.اسلام العجوز]

بص يعم الامتحان مفيش تفكير ولا كلام

[هبــة أحمـد]

الاضواء كويس اوى ف النصوص والامتحان كويس للحل والرسالة قالو جامد اوووى

[شريف عبود]

وماذا لو كان مؤلفو تلك الكتب الخارجية لا يفقهون شيئا فى المادة العلمية ؟
وماذا لو أن معظمهم سارقو إبداع الغير ؟
وماذا لو علمتم أن من يضع هذه الكتب هم أنفسهم واضعو الكتب المدرسة ممن ابتلينا بهم من خريجى كليات التربية ويعملون فى مركز ( تطوير ) أقصد تسطيح التعليم ؟
رحم الله أحمد محمد صقر كان أستاذا لصلاح فرج ومحمد عبد الحميد غراب يوم بدا الأضواء ثم بدأ الآخرون ينقلون منه كتبا وملازم . إلى أن مات صقر وجاء من أضاع ما فعله طوال عمره .
تسألون عن الكتب الخارجية . ليس هناك كتاب واحد عليه القيمة . سامحونى فأنا شرفت بالعمل مع أحمد صقر . وتتلمذت على يده ويوم مات استقلت من كتاب الأضواء لأن القائمين عليه شرزدمة من اللصوص . لا شرف عندهم مهنيا أو علميا . قضوا على لغة العلم لغة الأدب لغة الفن لغة الإبداع . وعليه العرض .

[Hanan Hamdy]

ممكن الرد يطول شوية ... بس أرجو لمن يهتم قراءته للآخر

كتاب الأضواء فى حاجات كتير مش موجودة فى كتاب المدرسة يعنى الكتاب هو اللى ضايفها حاجات مالهاش علاقة بالامتحانات بالذات فى الأدب
كتاب الامتحان تحس انه ناقل من كتاب الوزارة بنفس الأسلوب وأكيد فى حاجات فى كتاب الوزارة مش مكتوبة فيه بس مش كتير ... ممكن تشوفها وتزودها
وكتاب الرسالة أنا متعاملتش معاه بس على حد علمى انه برضه نفس أسلوب كتاب لامتحان

والامتحان تنظيمه أحسن من الأضواء
بس ممكن تلاقى فى الأضواء لغويات أكتر ومظاهر جمال أشمل
بالنسبة للنحو ...أهم حاجة شرح المدرس
بس "أنا من وجهة نظرى ان الامتحان والرسالة أحسن من الأضواء فى الشرح
بس ممكن تذاكر من أى كتاب يكون منظم
وتدبس ورقة فى كل درس فيها الزيادات
يعنى مثلا انت شغال من كتاب الامتحان
هتذاكر الدرس الأول
ذاكره كويس من كتاب الامتحان وبعدين هات ورقة أو ورقتين من أى كشكول واقرأ كتاب الوزارة أول حاجة لقيت فى حاجة زيادة زودها .... وبعدين ادخل على كتاب الأضواء لقيت فى حاجة زيادة فى اللغويات أو مظاهر الجمال زودها ..... انما أى حتة زيادة فى الأدب مثلا ومش موجودة فى كتاب الوزارة مالهاش لازمة ... عندك القدرة انك تحفظ خلاص ....حتى لو الكتب مش معاك ...أكيد هتكون موجودة مع حد من زمايلك ممكن تاخد منه الكتاب يوم واحد أو تصوره ...مش لازم تشترى الكتب كلها
وبعد ماتخلص تدبس الورقة فى آخر صفحة فى الدرس
المهم تعود عينك انك تذاكر من كتاب واحد وتحل من كتب أكتر علشان تعرف صيغ الأسئلة المختلفة
وكتاب الامتحان أسئلته أسئلة امتحان بس ده مايمنعش انك ممكن تحل من حاجة تانية كمان
السنة لسة طويلة

وقطع البلاغة والنحو التدريب عليها من أى كتاب ولو خلصت الكتاب اللى معاك صور من كتاب تانى ومذكرات المدرسين حتى لو مش بتاخد معاهم درس ....ممكن تحفظ القواعدكلها وماتعرفش تحل ...أهم حاجة التدريب


وآسفة إنى طولت
بس أنا داخلة ثانوية عامة ... ودى الطريقة اللى أنا بذاكر بيها ... ودى نصيحة لله هتحاسب عليها يوم القيامة ...فلازم أقول كل حاجة من وجهة نظرى ...وأدعو الله إنى ماكنش نسيت حاجة
وتذكرونى بدعوة

[Hanan Hamdy]

بس أنا لقيت الامتحان منزلش شرح السنة دى
فبدأت أذاكر م الأضواء ومستنية الرسالة

[Dr Alaa Inv]

كتاب المعلم وفقط ,, رااائع