الفلسفة والمنطق 2016

[د/هاشم درويش]

فعلا يا جماعة الكتاب كما هو

[Hobbes65]

مضمون موضوعات و عناوين كتاب الفلسفة الجديد 2016 لو كانت فعلاً كذلك، هي موضوعات مكررة في مناهج مواد اخري مثل الجغرافيا و هي اقرب شبهاً بالتربية البيئية و التربية الوطنية و لا علاقة لها بالتخصص الا من بعيد جداً.. و المفترض في الشهادة الثانوية انها تؤهل الطالب للتخصص في مجال معين من مجالات المعرفة عن طريق اطلاعه على مدخل لهذا العلم، لا ان نقدم له في نهاية الشهادة الثانوية سمك و لبن و تمر هندي...
ده اسمه عك و تربح حرام ، و حراااام علينا عمالين نخرج في اجيال لا علاقة لها بزمانها.. حرااام

[abdalawal]

السلام عليكم ورحمة الله وبركاته
الاخ الفاضل H obbesاثق فى ايمانك بمقوله " الاختلاف فى الرأى لا يفسد للودقضية " ابتداءاً
الاخ الفاضل /بعد اطلاعى على موضوعات المنهج الجديد والتى اوردها زميلنا الفاضل -- اقول لك انى فى منتهى السعادة -- تعرف حضرتك لماذ؟؟ لان بإختصار فى جزء الفلسفة بالذات المنهج نضف اى والله نضف من المحتوى الذى لا قيمة له الذى كنا ندرسه لابنائنا هذا من جهة -- ومن جهة اخرى الان وبهذا المحتوى استطيع الرد على كل من تسول له نفسه ان يتهمنى كمدرس فلسفة بأننا ندرس للطلاب علم لا فائدة منه وكلام فارغ بل ما هواكثركما نسمع واكيد حضرتك بتسمع زينا -- اعتقد المحتوى الجديد ممتاز والطلبة فعلاً هتحس اننا بنكلمها فى موضوعات ملموسه فى حياتهم ويعرفوا يعنى ايه مثلاً اخلاقيات المهنه -القضايا المعاصرة - اخلاقيات استخدام البشرفى التجارب اللى المسلمين فى دول افريقيا عاملينهم فئران تجارب بيجربوا فيهم اى دواء جديد يظهر بلا اى مروءة ولا آدميه
الاخ الفاضل اسمحلى انا عندى حلم كمان ابعد من مجرد تغيير المحتوى والحلم ده حريه شخصيه لا اجبر احد عليه لكن مجرد فكرة تراودنى وهى " ان يتم تغيير اسم المادة نفسها " الى اى مسمى لا يشعر المرء معه بحرج حين يخاطب اى انسان
اتمنى بجد ان يأتى هذا اليوم قريباً-- كى اقول مثلاً " النا مدرس مادة "تفكير علمى "--او " المعرفة العلمية والعملية"-- " المعرفة العقلية " او اى مقترح اخر
فى النهاية ارجو ان يتسع صدرك لكلامى ورجاء لا احب مزايدة عليه من احد اى زميل يحب يعلق فليبدى رأيه دون التعدى على اراء الاخرين وشكراً ا

[mahmoud elmorsi]

المشاركة الأصلية كتبت بواسطة د/هاشم درويش

فعلا يا جماعة الكتاب كما هو

يوجد كتاب جديد يادكتور بنسبة ميه ف الميه

[احمدالحرابي]

ده منهج بالله عليكم قضية الاخلاق في البيئة وبعد كده العولمة والمنطق استدلال واستقراء وعك فاضي ما فيش اي اثراء للافكار فين تاريخ الاخلاق عبر العصور ونشاتها ما فيش الا قضية واحدة والمنطق العقيم هو هو برده ما فيش تحليل ولا رمز مين ن وضع تلك المناهج العقيمة للطلاب

[احمدالحرابي]

فين الخبراء والمستشارين اللي بيراجعوا المناهج هم بيقبضوا كام في الشهر هم قاعدين في تكييفات ولا في مراوح هم مهتمين بجد ولا هم ما يهمهمش اي حد هم مين واجنا مين عاملين فاهمين ومش فاهمين بيجروا شمال ويجروا يمين فاتحين ايديهم ومش حامدين ولا شاكرين طيب نشكي لمين وما فيش حكيم وما فيش كليم
بقينا خرص وبقينا تايهين نروح لمين ولا مين بجد ناس قادرين وفاجرين مايعرفوش انتا فين ولا مين هم من طين
وانتا من طين دا كلام افلوطين وهم بينفذوا فينا حكم كبير السوفسطائيين

[ramy_kamel]

لو معلومة إن كتاب الفلسفة والمنطق لن يتغير هذا العام ياريت تؤكدوا الكلام ده

[كارم عبد الحميد]

شكرا مستر

[عبداللة مفتاح]

جزاكم الله خيرا

[محمد محمود الريس]

شكرررررررررررررررررررررررررررررررررررررررررررررررا