انا بدأت وياريت أنتم كمان

[أ محمد سالم زهران]

ياجماعة واله لو اتحدنا زى عمال النظافة سوف نأخذ كل حقوقنا ونكون أحنا السبب فى إن الوزارة كلها تبقى فوق أو تحت وبالعربى كدة مش عاوزين مستشارين فى الوزارة من دكاترة الجامعة اللى سنهم كبير أحنا عندنا معلمين فى الوزارة معاهم الدكتوراه وكل تفكيرهم هيكون فى مصلحة المعلم مش الوزارة ( اقصد بكلمة الوزارة القائمين عليها ولم يكن يوما معلما فى التعليم قبل الجامعى )

[محمود صبرى شحاته]

على فكرة كل المعلمين معاك لكننا تعلمنا اننا ننفذ ثم نعترض حتى لا نثير بلبله فى دولتنا ويحدث ما لا نريده من اهدار وبلبله ولكن من الواجب ابدا اعتراضنا على هذا المنطق العجيب فاذا كان المعلم القدوة تحاول ان تمس كرامته فما بالك بالباقى-يحاولون ان يجعلوا منا تمثيله ليسترزق البعض-فهل هذا عدل---عندما حرا التلميذ على الاستاذ سابقا تخلخلة الاسرة المصريه وسمعنا عما فعل الابناء بالاباء فما بالك الان ماذا سيحدث --ربنا يسلم من العواقب

[السيد صابر]

إنا لله وإنا إليه راجعون
ورثة الأنبياء يعملون معاملة ...........
وللا بلاش , بس مع الأسف ده الواقع
لا احترام للمهنة المقدسة ولا تشريف للقائمين عليها .
بكره نلاقي مدرس ضرب تلميذه وعمله عاه مستديمه ..... ياترى ليه؟
علشان التلميذ المحترم قال لأستاذه المهان من وزارته
يا ساااااااااااااااااااااااااااااااقط في الكادر
يا ترى إيه موقف المعلم وهو واقف في الفصل ويسمع الهمس واللمز من الطلاب
ياترى نجح وللا سقط...... وإذا كان الاستاذ بتعنا فاشل أمال جيبينه يشرحلنا ازاي
رحم الله المعلمين
منعوا ضرب الطلاب ولو كانت أخلاقهم زي الزفت ....... فلقينا الطالب بيضرب أستاذه
والنهارده أهانوا المدرس وخلوا اللى يسوا واللي مايسواش يضحكوا عليه ساقط وللا ناجح
قولوا معايا إنا لله وإنا إليه راجعون

[السيد الجابرى]

يا ياريت يكون المحامى اللى تقصدة يكون مرتضى منصور وياريت تقول اية المطلوب مننا ويارب يكون لنا موقف وهو الاضراب اول ايام الدراسة

[rahmah]

انا معاكم وربنا معاكم بس كيفية التواصل انا من المنوفية وبرضه انا عندي مشكة بسبب الكادر انا معلمة أشغل الدرجة المالية الثانية وحسب سنوات الخبرة استحق الدرجة الأولى ولكن نظرا لظروف سفري للعمل بالخارج حرمت من الدرجة المالية في حين حصلت عليها زميلات لي كن مسافرات ايضا ولكن بأجازة مرافقة زوج وطبعا كلنا بنسدد التأمينات والمعاشات وانا اكثر شوية لأني المفروض عقد عمل وعدنا الى الوطن الحبيييييييييب في نفس التوقيت تقريبا لأجد انهم حاصلين على الدرجة المالية الثانية بصورة تلقائية اما انا فلم احصل عليها الا عند عودتي بتاريخ 1/8/2003 لأنه عدى علي في السفر اكثر من 4 سنوات مش عارفة الى الان ايه السبب ومع ذلك لم اتأثر دي قوانين بلد أما الآن فقد اصبحت بالنسبة لي مشكلة كارثية فأنا على درجة وكيل وخبرتي اكثر من 18 سنة خبرة ومازلت على الدرجة الثانية امازميلاتي اخدوا الأولى وحسب قوانين الكادر الجديد للتسكين سيكون تسكيني على معلم اول ويسكنوا هم على درجة معلم أول أ رغم ان سنوات الخبرة الفعلية لهم لاتتعدى 5 أو 6 سنوات والباقي قضوها في البيت بس اتسجلت لهم سنوات خبرة- وانا اللي كنت باشتغل وطبعا الكل عارف ان الخبرة في دول الخليج افضل الف مرة من الخبرة في المدارس المصرية يعني السنة بعشرة على طول- والمشكلة الثانية ان تسكيني على معلم اول حيساويني مع زملاء لي انا اقدم منهم 5 سنوات خبرة يعني انا كنت مدرسة اولى لهم وبعدين اخصائي ثان وكمان حياخدوا الدرجة الأولى 1/7/2008 يعني حيبقوا معلم اول أ يعني سنوات الخبرة راحت في الهواء وحتساوي باللي بقى لهم 8 سنوات في المهنة فقط يعني حتأخر 10 سنوات يرضي مين ده والله حرام شفتوا الكارثة انا في محنة شديدة وبرضه مش وحدي كثير معايا نفس مشكلتي اغيثوني هل فيه حل لهذه المشكلة الله يخليكم أو عرفوني امشي ازاي واتحرك في اي اتجاه لأن انا شايفة ان القرارات كل يوم بتتغير وتتعدل على هوى مين؟؟؟؟وعلى حساب مين ؟؟؟؟مش عارفة النهارده قرار بكره قرار تاني ينقضه!!!!!!!!!!!!!!!!!!!!!!! حد يرد علي ضروووووووووووووووووووووووووووووووري ويدلنا نعمل ايه
برجاء الاهتمام بهذا الموضوع لأنه مصيري جدا

[طاقة النور]

نحن معكم بإذن الله ولكن ماهو المطلوب من أجل الصمود والتحدى

[وندر]

ايه الفوة دى يا عمنا . انت مدرس . طيب ياعم و معاك فلوس تضيعها على المحامين . معقولة دى . المثل الانجليزى بيقول : تذهب للقضاء لتطالب بنعجة فتخسر بقرة . يا راجل الواحد هيموت نفسه عشان ميت جنيه .

[imhere]

الى العضو الفعال ابو نعجة و بقرة... هو حاضرتك مدرس؟
امثالك هم سبب التخلف اللى احنا فيه , ودعاة الانهزامية امثالك مطلب حكومى ملح .
والاستاذ ياسر الله يوفقك و اطلب مننا اى شئ حاتلقينا جانبك ان شاء الله
و سيبك من اهانوا كرامة المعلم امثال الاخ وندر العضو الفعال ,فعال خالص, فعال بشدة , فعال قوى ,فعلا"

[أيمن الوزير]

وفقك الله يا ياسر ونحن مع أي قرار تصلون إليه

[وندر]

imhere سامحك الله بس مش اكثر انا عمرى ما غلط فى حد بس هى وجهات نظر و انا بصراحة معنديش اى استعداد انى اضيع شلن واحد محتجينه اولادى على اى شئ بالتاكيد غير مضمون . انا غير سلبى و انا واقعى . و عامة شكرا و لن تظهر قطرة سقطت فى محيط . سلام

[zaza33]

ياجماعة مش مهم الكادر واسلوبة المهم نفرق ازاى بين المدرس الجيد من السئ المدرس اللى خارب الاولاد ويسيب الفصل وفية مدرسين والله مابتحضرش طول السنة وبتاخد مرتب وبتترقى عادى عشان الادارة ضعيفة المدير تعبان والموجة الادارى يمر مرور الكرام والله والله دة بيحصل فى معظم المدارس وفى مدرستى (مدرسة فنية خمس سنوات) ممكن نفكر فى وسيلة موضوعية لايجاد المدرس الواعى الذكى من المدرس التعبان قولوا كيف ونفرق بينهم ولا هى تقارير سنوية وخلاص