|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#16
24-10-2008, 12:44 AM
|
||||
|
||||
ههههههههههههه تعالى اشتغل بدالى يا سيدى اما التعليم المفتوح حاسه انها شهاده ملهاش لزمه
حاسه انهاامممممممم مش عارفه اوصفلك مشاعرى اتجاه الموضوع ده بكره حاجه اسمها تعليم مفتوح وغير كده ممكن اقدم فى التعليم المفتوح حتى لو بعد عشرين سنه لكن المعادله محدوده وفى نفس الوقت مجازفه بس انا عارفه نفسى مدام اتردت فى حاجه يبقا اكيد فى خلل فى الحاجه دى المهم عامل ايه فى الكليه بتذاكر ولا لاء آخر تعديل بواسطة القطه ، 24-10-2008 الساعة 12:48 AM |
|
#17
24-10-2008, 05:10 AM
|
||||
|
||||
|
ايوة انا عارف ان التعليم المفتوح في اي وقت بس انا مش شايف حاجة وحشة في الشهادة يعني ممكن زي البكالريوس و الليسانس العادي.
دي حتى متاحة للخريجين يعني أنا ممكن بعد ما أخلص علوم ان شاء الله (ده لو مقدمتش عسكرية) ممكن أقدم في التعليم المفتوح في كلية الحقوق او التجارة او الزراعة بس مش عارف لو قدمت بعد الكلية على طول في كلية الحقوق و خلصتها بامتياز هينفع اني اشتغل مثلا في السلك القضائي أنا عارف ان موضوع مش منطقي بس أنا بقول بعد ما اخلص علوم على طول يعني سني مش هيبقى كبير .. يعني اخلص الحقوق 26سنة تقريبا. مش مهم دلوقتي الكلام ده سابق لأوانه خلينا في اللي احنا فيه المهم انتي كنتي بتقولي التعليم المفتوح في اي وقت كن المعادلة لازم دلوقتي .. يعني انتي لسه بتفكري في المعادلة ولا ايه؟ بالنسبة ليا بقىما أكدبش عليكي لسه مبذاكرش .بس عندي امتحان على الضيق يوم الاحد.. ربنا يسهل |
|
#18
24-10-2008, 09:49 PM
|
||||
|
||||
|
عاوز الحق ولا ابن عمه انا من رائى ابن عمه احسن بس انا هقول الحق صراحه انتا عاوز الصراحه
اللى هيا الحقيقه اوكى اه لسه المعادله دى فى دماغى ومش عاوزه تطلع ومش قادره اتحكم فى نفسى ولا حتى انى ابطل فكر فيها وخايفه لاء انا مرعوبه نفسى ارسا على بر واريح واستريح واخلص لانى تعبانه واللى حوليا تعبنين ليا اللهم انى لا اسالك رد القضاء ولكنى اسالك اللطف فيه |
|
#19
24-10-2008, 10:01 PM
|
||||
|
||||
|
فعلا و الله الحيرة في قرار شبه مصيري بيبقى صعب .
اسأليني أنا أنا في اقل من سنة و نص حصلي الموضوع ده و تعبت اوي و آخرها كان موضوع المعهد. بس انتي صلي استخارة زيي و مش شرط تشوفي رؤيا او تحسي بحاجة .. ممكن الموضوع يرسى على حاجة معينة من غير مايكونلك يد فيها. يعني أنا مثلا معاد التحويلات عدا . فكده الموضوع اتحددت من غير ما أنا آخد قرار. لازم طبعا يبقى عندك طموح في الهندسة و انا نفسي كنت كده و مازلت... بس اهم حاجة تتأكدي ان في احتمال معقول ان الفلوس اللي هتدفعيها مش هتروح في الهوا .. و مش عارف موضوع السنة اللي مافيهاش ثانوية عامة كمان هيساعدك ولا ايه؟ بس اهم حاجة تعرفي عن كل حاجة في الموضوع و من مصدر موثوق. بس انتي دلوقتي بتعملي ايه .. يعني مروحتيش الكلية ولا بتعملي ايه بالضبط.. أنا عارف طبعا ان الواحد في الحالة دي بيبقى ملهوش نفس يعمل حاجة لغاية ما ياخد قرار .. انا كنت بروح الكلية بالعافية لما كنت محتار في موضوع المعهد ده. ربنا يوفقك و لو احتجتي اي حاجة قوليلي يمكن اقدر اساعدك. |
|
#20
24-10-2008, 10:33 PM
|
||||
|
||||
|
مع احترامى ليك ولكل الموجودين انا قاعده طول النهار بكلم نفسى ذى الهبله اه والله لا بروح كليه ولا ذفتيه وحالتى النفسيه هباب مفيش ورايا حاجه غير انى ارازى فى نفسى ربنا يصلحلى الحال منه لله اللى كان السبب ربنا ينتقم منه اكيد انتا عارفه طبعا
آخر تعديل بواسطة القطه ، 24-10-2008 الساعة 10:40 PM |
|
#21
24-10-2008, 10:51 PM
|
||||
|
||||
|
بجد و الله انا كنت زيك بالضبط الفترة اللي فاتت بس كنت بروح الكلية عشان مش عايز حد يحس بحاجة.
بس ابتدت الاعراض دي تروح من عندي. أنا رأيي انك تاخدي رأي قرايبك و معارفك و صحابك بس اللي يكونوا فاهمين كويس في التعليم .. و الاهم تسألي الناس اللي انتي شايفاهم مثل اعلى ليكي او شافة انهم ناجحين و بيقولوا الرأي الصح. و قبلهم رأي المولى سبحانه و تعالى اكيد مش محتاج افكرك .. ده انتي اللي كتبتيلي دعاء الاستخارة. ربنا معاكي .. و متقلقيش دي حالة و هتروح. |
|
#22
25-10-2008, 10:04 PM
|
|||
|
|||
|
اقتباس:
ليه 10000 جنيه مين قالك كده لالا صحابى دفعو 450 جنيه بس لو لقيتى الرقم ده صح جربى معندكش حاجة تبكى عليها وزى مقالك فوكس الوقت مفتوح قدامك ويابختك يا ستى لو نجحتى لانى انا برضو بحب الرسم زيك وكونت ناوى عليها بس انتى احبطينى الصرحة مع شوية قلق منى وشلت الموضوع من دماغى بس لو المعادلة نجحت اعملى موضوع علشان اجرب انا كمان وبالمرة نفرقلك شربات هههههههههه يلااا ربنا معاكى |
|
#23
25-10-2008, 11:00 PM
|
||||
|
||||
|
انتا حسستنى بالذنب اتجاهك بس عاوزك تعرف كل شى نصيب ولو انتا حولت بسببى تاكد ان ربنا عاوز كده وجعلنى انا والظروف سبب بس اتمنى انك تكون فى حاجه احسن واما الفلوس فعلا بيدفع 450 ويمكن اقل للكليه لكن بتدفع دم قلبك على الكورسات
الكورسات مكلفه جدا فوق ما تتخيل |
|
#24
26-10-2008, 12:54 AM
|
|||
|
|||
|
ليه كده بس انا مقصدش والله انا قبل مشوف موضوع قعدت اسبوعين نايم وعقلى شغال
خايف ادخل المعهد وبعدها معرفش اجيب التقدير وابقه ضيعت سنتين من عمرى وكمان قلقان اطلع من المعهد واندم انى مجربتش بامانه انتى ريحتنى وحسيت ان خلاص قضى الامر وقررت احول واخلى موهبتى لنفسى وارسم مع نفسى مع انى المدرسة الى حببتنى فى الرسم قالتلى الطريق سهل وكانت ديماا بتعلق لوحى على حيطان الفصل ده فى الاعدادية وفى الثانوى خدت شهدة تقدير فى مادة الرسم الفنى فى سنة 3 يعنى موهوبين برضو بقولك اعملى زى خلى موهبتك لنفسك حته لما اولاادك يكبرو يشوفو لوحك وتتباهى قدامهم بيها وتقلولهم بصو يا ولااد مامى كانت شطرة ازى والتنسيق عمل فيها اية يلااا ربنا معاكى ومتنسيش تقولينا عملتى بلاش نفرقلك شرباط نشرب احنا الشربات على الاقل ومتحطيش فى بالك ومتحسيش بالذنب انا اصلااا مكونتش متافائل من الاول اذا كان ضاع عليه فرصة كليه على 4 درجات انا همشى بمنطق معدتش تفرق سينا من سونيا اسف طولت عليكى |
|
#28
26-12-2008, 03:21 PM
|
|||
|
|||
|
ازيك يا قطة اتمنى انك تكونى فكرانى انا محمد اللى من بورسعيد اللى جبت 83.14 % فى ثانوى فنى نظام خمس سنيين
واللى قلبت الدنيا ساعة لما التنسيق نزل غلط بس محصلش نصيب برضو انا انشاء الله هعمل المعادلة دى وياريت نتكلم يا قطة عشان نشوف هنعمل ايه فى الموضوع دا واللى بينجح فيها كتير بس احنا نزاكر مستنى ردك |
|
#29
12-01-2009, 02:06 PM
|
||||
|
||||
|
اقتباس:
انا حاليا مش بدخل لانى بذاكر اصل انا خلاص قررت اعمل المعادله جت خير وبركه ولو لاقدر الله مجتش اهو بجمله اللى ضاع منى المهم انك دلوقتى لازم تذاكر وتجتهد انا باخد دروس عند مدرسين ثانوى عام وباخد رياضه 1 ورياضه 2 وفيزياء وما ادراك ما الفيزياء ربنا يجعل كلمنا خفيف عليهم وسورى انى مش بدخل لانى والله مشغوله جدا وانتا لو بدأت المذاكره وشوفت المنهج هتعذرنى وتعرف يلا عاوزينك معانا فى كليه هندسه القاهره واحتمال نكون مع بعض فى لجنه واحده الامتحان يوم 22/8/2009 بس مفيش غش طبعا والمطلوب منك انك تنجح وبس بس علشان تنجح وتجيب 50% لازم تطلع عينك انا مش عارفه هما بينتقموا مننا ولا ايه سلام يا بشمهندس محمد
__________________
تم تعديل التوقيع بواسطه الإداره السبب التوقيع مخالف للقوانين العامه للمنتدى حضرتك ممكن تراجعى القوانين الخاصه بالمنتدى مثبته فى قسم إقترحات ومشاكل |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:10 AM.
