لو سمحت ... عاوز جثتك !!!! ... ممكن ؟؟؟؟؟؟؟

[سلوي2010]

رغم ان الهدف نبيل لكن الفكرة صعبة على نفسى
ممكن التبرع بعضو يفيد شخص حى لكن بلاش موضوع التشريح ده

[biob]

الموضوع ده ايم يا حماده والله
انا فكرت فى الموضوع ده كتير قبل كده

بص يا سيدى
اولا انت مش موافق طبعا ان حد ياخد حاجه من اعضاء جسمى وانا حى
انما لما اموت
هيبقى من غير روح
يعنى من غير اى لازمه
وانا لما اموت ما اظنش انى هيهمنى قوى انا هدفن ولا لا
انا هبقى قدام حساب وحاجات تانيه اهم بكتير
ده غير انهم ممكن بجثتى ناس تتعلم الطب
ويطلع منهم على الاقل واحد بس يكتشف علاج يفيد البشر



بس انت عارف طبعا المقوله اللى فى دماغ الناس وعمرها ماهتموت

اكرام الميت دفنه

[Dr.ahmed91]

كان فيه اقتراح قريته

ان الجثث مجهولة الهوية اللي بتبقى في المشرحة ومحدش بيستلمها

بتفضل في التلاجه

لحد فترة معينة مثلا...سنة او اتنين وبعد كده يسلموها للكليات

[د/ ماجدولين]

أنا عمرى ما فكرت فى الموضوع دة بجد قبل كدة
بس أحنا عندنا فى الكلية المشرحة من تمن سنين مش جالها جثث جديدة
يمكن عشان كدة الدكاترة عاوزين يتبرعوا لعجز الجثث
هما كتر خيرهم لآنها مهمة جدااااااا
وكمان نحتسب صاحبها يكتسب حسنات جراء ذلك
أنا لو مش بشوف بعينى المهازل اللى بتحص من الطلبة عديمة الضمير والمعاملة اللآدمية من بعضهم
وعدم احترامهم لحرمة الميت كان ممكن افكر فى الموضوع بشكل جدى
ربنا يوفقنا للى فية الخير

...سنة او اتنين

بكتيرة شهر ويسلموها للكليات
عشان الجسم مش يكون عدى علية فترة كبير بالشكل دة
*************************************

فى رعاية الله

[Lost Dreamer]

سبحان الله ناس عاوزه تفيد العلم باي شكل

شكرا وتم النقل الي القسم المناسب

[فجر الإسلام]

والله هو أنا هموت وهما هيصرفوا
هما وضميرهم بقى

بس هوصي قبل ما أموت انهم ما يعملوش كده

أنا مش عارفه إيه اللي خلاني أقرأ الموضوع ده قبل ما أنام

[hozayffa]

ان لله وانا اليه راجعون

[Taleba Me7tasa]

هو لو هيتبرعو بعضو منى لانقاذ شخص اكيد مش هقول لا
لكن يستخدموها ف التشريح دي ماعتقدش
اكيد انا مش هاحس بشيء
لكن اهلى مش هيرضوهالي
لان فيه حاجة - وان كان مالهاش اساس - اسمها حرمة الميت

يعني مثلا انت ترضى ان والدك او والدتك يتبرعو بجثثهم - لا قدر الله يعني - لطلبة كلية طب
لو انت رضيت عشان العلم وكدة
انا بصراحة مش هارضاها لا ليا ولا لاهلي (ربنا يحفظهملى ويباركلي فيهم طبعا)

مشكور على الطرح

[ميراج]

انا طبعا مقدرش اعمل حاجه زى كده مع ان الهدف فعلا لحاجه كويسه

[BOSY.2009]

ايه الموضوع ده ع الصبح انا ايه اللي خلاني فتحته عموما ياجماعة اكرام الميت دفنه وده اللي انا اعرفه يبقى الموضوع ده حرام واللي معترض ع الكلام يرد عليا

[شيماء شريف]

صعب جدا جدااااااااااااا جداااااااااااااااااا كمان ان اخلى حد ولو كان مين ولو الهدف منه ايه انه يشرحلى جسمى طب مافيه عندكم مجسمات بلاستيكية

اولا اللى اعرفه ان جسمى امانة لربنا وربنا اوصانا نحافظ على جسمنا عشان ده امانة وهنسلمها للخالق

تانى حاجة دايما عندنا الناس تقول مشرحة يبقا الميت هايجى متقطع ومتبهدل يييييييوه وحكاوى كتيرة بقا اجارك الله منها

عندنا الناس بتعتقد ان المشرحة دى بيكون فيها دكتور وماسك ساطور وعمال يقطع فى الميت وزى ماالسادات قال بيزعلوا عليها لما يتشرح اكتر من زعله على فقدانه

[hend ere]

انا سمعت الخبر ده فعلا
لكن انا عن نفسى استحاله اقبل ان جثتى تتاخد وتتشرح
حتى لو كنت مش حاسه بحاجه
وعلى رأى العضوه بوسى اكرام الميت دفنه مش تشريحه
واكيد لازم يكون فى نقص فى الجثث لان مافيش حد هيقبل بكده
واللى عاوز يتبرع براحته

[Dr.ahmed91]

طب نفكر مع بعضنا كده

مفيش جثث

الطلبة حيتدربوا على ايه؟؟؟

كده حيطلع دكتور على الورق

ازاي يعرفوا اجزاء الجسم المختلفة ووظائفها وطبيعة عملها

وساعتها مش حيبقى فيه عمليات ولا حتى العمليات البسيطة مش بتكلم على قلب مفتوح

انا بتكلم على لوز او حصوة في الكلى او زائدة

وساعتها حيبقى بنتأخر لورا اوووووي وكأننا رجعنا لايام الكوليرا والملاريا والانفلونزا اللي بتموت الناس

[mena1990]

مش عارفه
بس انا اعرف ان اكرام الميت دفنه
بس المشكله انى سمعت ان ليبيا
طالبه من مصر انها تشترى جثث من عندنا
عشان عندهم نقص هناك هى دى بقى المشكله
لانى بجد شايفه ان فى الطلب ده تقليل من كرامه
الانسان المصرى
عموما انا مش هوافق

[سـهيـلـة]

لا بصراحة انا موافقش انا هخاف ممكن احس ههه

بس انا الصراحة مش هوافق .