إسأل الدكتور عبدالرحمن المنياوي

[نزيهة على]

السلام على من اتبع الهدى
لوسمحت انا عاوزة اسال عن طرق ضم المدة حيث انى كنت اعمل بعقد عادى من2005 الى 2007 ثم عقد مميز من2008 الى 2012 وعينت من 5 اشهر هل يكون ضم المدة من خلال رفع قضية ؟ وهل هناك طرق اخرى ؟ ام افقد الامل واعتبرها مدة تدريب مثل ما تقول الادارة لنا
ارجوا الاهتمام والرد

[د.عبدالرحمن المنياوي]

المشاركة الأصلية كتبت بواسطة biba200577

حضرتك انا متعاقدة على إنى أخصائى تطوير ومؤهلى تكنولوجيا تعليم-اعداد معلم حاسب هل لوغيرت الصحيفة طبقا للمؤهل الفعلى هيكون تعيينى معلم حاسب. لأنى حاولت أغير كتير بس التوجيه بتاعى مش موافق ولا هيحصل مشكلة؟ برجاء الافادة

وظيفتك النهائية هي الوظيفة اللي هتعينك عليها الأكاديمية بعد التدريب والحصول على الكادر .. وليس تغيير الصحيفة معناه تغيير الوظيفة .. انت ملتزم بقرار التعيين من الاكاديمية

[د.عبدالرحمن المنياوي]

المشاركة الأصلية كتبت بواسطة اسماء احمد عبدالسلام محمد

د عبد الرحمن حمد لله على سلامة حضرتك ونورت المنتدى بعد غيبة طويلة
وصل للمدرسة عندنا خطاب لكل المعلمين المساعدين الذين لم يجتازوا امتحان الكادر او من لم يحضر تدريب المعلم المساعد ولا يلتزم بمدة فانا تعيين ااوائل خريجين فهل لينا فى التدريب ده نروحه والا لا؟

اوائل الخريجين يستوجب عليهم التدريب للترقي لدرجة معلم واي حد يقولك انت معلم على طول يبقى جاهل ومش فاهم .. انت تتبع لقانون كادر المعلمين ويجب المرور بمراحلة .. الفكرة بس انك جيت وجايب درجتك معاك .. انت المهم تستنى لوقت ما يعلنوا انكوا ليكوا تدريب

[د.عبدالرحمن المنياوي]

المشاركة الأصلية كتبت بواسطة نزيهة على

السلام على من اتبع الهدى
لوسمحت انا عاوزة اسال عن طرق ضم المدة حيث انى كنت اعمل بعقد عادى من2005 الى 2007 ثم عقد مميز من2008 الى 2012 وعينت من 5 اشهر هل يكون ضم المدة من خلال رفع قضية ؟ وهل هناك طرق اخرى ؟ ام افقد الامل واعتبرها مدة تدريب مثل ما تقول الادارة لنا
ارجوا الاهتمام والرد

ولا قضية ولا حاجة .. محافظات كتير ضمت الخدمة وانت دورك جاي جاي هتنضم خدمتك وتضاف لأقدمية الدرجة من تاريخ أول تعاقد بالتربية والتعليم ماتخافيش وكله قريب جدا ..

ومرفق لكي صور قرارات الضم لبعض المحافظات .. ده سندك القانوني انت بس محتاجة تتحركوا مع وكيل الوزارة والتنظيم والإدارة والمحافظة ..

[Mr Mostafa]

هل لازم فعلا عشان أضم سنة الجيش إنى أكون كتبتها فى استمارة 103 ولا لا ؟ أنا نسيت اكتبها لانى كنت مش عارف إنها بتكتب فى الاستمارة . وشكراً

[معلم موهوب]

انا تعين 31/8/2012بقرار 171هل من حقي الحصول علي قرض ؟ وكنت شغال بعقد مميز معلم مساعد من1/10/2008ازاي اضم المدة ؟

[مستر عليوة]

سؤال بخصوص التعليم المفتوح

انا اعمل اخصائى اجتماعى وقمت بالتقديم فى التعليم المفتوح كلية اداب عين شمس ترجمة انجليزى

وسوف يكتب فى المؤهل ليسانس اداب ترجمة قسم لغة انجليزية

فهل يحق لى ان اغير المسمى الوظيفى الى معلم لغة انجليزية ام لا؟

[د.عبدالرحمن المنياوي]

المشاركة الأصلية كتبت بواسطة mr mostafa

هل لازم فعلا عشان أضم سنة الجيش إنى أكون كتبتها فى استمارة 103 ولا لا ؟ أنا نسيت اكتبها لانى كنت مش عارف إنها بتكتب فى الاستمارة . وشكراً

بسيطة انت تسحب الاستمارة من ملفك وتضيف المدة التي تريدها وتختمها ..

او تجيب مايفيد بهذه المدة وتقدمه للإدارة وهي هتضم لك ..

[د.عبدالرحمن المنياوي]

المشاركة الأصلية كتبت بواسطة معلم موهوب

انا تعين 31/8/2012بقرار 171هل من حقي الحصول علي قرض ؟ وكنت شغال بعقد مميز معلم مساعد من1/10/2008ازاي اضم المدة ؟

نعم من حقك .. ضم المدة تستنى لما تيجي الدرجة رسمي ويوصل كارت الدرجة .. وبعدين طلب جماعي للمحافظ والموضوع ينتهي ..

[د.عبدالرحمن المنياوي]

المشاركة الأصلية كتبت بواسطة مستر عليوة

سؤال بخصوص التعليم المفتوح

انا اعمل اخصائى اجتماعى وقمت بالتقديم فى التعليم المفتوح كلية اداب عين شمس ترجمة انجليزى

وسوف يكتب فى المؤهل ليسانس اداب ترجمة قسم لغة انجليزية

فهل يحق لى ان اغير المسمى الوظيفى الى معلم لغة انجليزية ام لا؟

نعم لك ذلك بموافقة التوجيه والأكاديمية ..

[د.عبدالرحمن المنياوي]

السلام عليكم ورحمة الله وبركاته ..

معلمي القرارات 56 و 74 و 244 و 280 في المنيا ..

انا انهاردة كنت مع وكيل الوزارة لغاية الساعة الثانية عصرا .. والمقابلة الصراحة لم تكن مرتبة بل كانت بمحض الصدفة البحتة حيث زارنا في الفنية الفندقية المتقدمة ومعه رئيس أكاديمية بني سويف للمعلمين وبعض الشخصيات ..

بالطبع لم يكن معي الطلب الخاص بضم المدة الذي أعدته من قبل وللأسف الزملاء بالمدرسة كانوا انصرفوا عند قدومه ولم يكن بيدي إلا أن أحادثه شفويا بعد انتهاء الزيارة .. ولقد فهمت منه أن أهم مايعيق المشكلة تم حله .. وهو وصول الدرجات المالية رسمياًً وخد بالك من موضوع وصول الدرجات ده .. لأني كنت دايما باسأل يقولوا الدرجات وصلت ولكن دليلي وصول الدرجات دائما يقاس بكارت الدرجة - الكارت الأصفر - الذي يخصص لكل معلم .. ودي مش هيفهمها غير واحد سائل كويس مع التسويات وشئون العاملين ..

المهم انا برضه كنت حابب اطمئن ان الموضوع مش فض مجالس وكلمت الناس اللي في الملفات في الإدارة عندنا .. قالولي الكروت الصفراء وصلت أمس للإدارة وبدأنا اليوم في ملئها رسميا .. وبكده وفي خلال أيام هتنتهي معاناة القرارات السابقة حول مسائلهم المالية وسنوات الخبرة ..

ده معناه إيه ؟؟

معناه إن ضم المدة لا يعوقه شئ الآن سوى التقدم بطلب من المديرية للمحافظة ومصدق عليه من التنظيم والإدارة .. وفي النهاية ننتظر إمضاء المحافظ وهو صاحب القرار هنا ..

وده معناه أيضاً إن أي واحد حاصل على درجة علمية يقدر انهاردة يضيف سنة أقدمية للدرجة على الماجستير وسنتين على الدكتوراة رسمي .. ويبدأ في صرف علاوة التميز العلمي ودي غير حافز التميز العلمي .. العلاوة دي على الأساسي تقدر بـ4.5 جنيه ..

وده معناه أيضا أن كل واحد يبدأ يحسب لنفسه السنوات المتبقية بعد الضم بإذن الله للتقدم للترقية للدرجة الثانية ..

وده معناه أيضا أن كل واحد يستطيع من العام القادم التقدم في الإعارات .. التي حرمنا منها هذا العام لعدم وجود درجة مالية متوفرة لعدم وصضول الكارت الأصفر ..

مبرووووك مقدماً .. وفي انتظار باقي الأخبار من زملائنا المحترمين اللي كانوا على موعد مع السيد النقيب اليوم ..

د.عبدالرحمن المنياوي

[Mr Mostafa]

السلام عليكم . أنا مليت استمارة 103 عندما أخذت معلم مساعد ونسيت أكتب سنة الجيش . السؤال هل انا هملىء الااستمارة 103 مرة تانية عند التعيين على وظيفة معلم. وشكراً

[العمل عبادة]

يا دكتور عبدالرحمن
ارجو الرد وارح بالى اراح الله لكم بالك وجعل لك حياتك تفريج كروب
والسلام عليكم

[العمل عبادة]

المشاركة الأصلية كتبت بواسطة د.عبدالرحمن المنياوي

السلام عليكم ورحمة الله وبركاته .. وآسف لانقطاعي السابق ..

وجاهز للرد على استفسارات الزملاء

يا دكتور
ارجو من سيادتكم فتح الصفحات من 21-23 حتى ترد على اسئلتى


ارجوك لقد بلغ منى اليأس مبلغا جسيما ارجو النجاة والغوث بعد الله عز وجل
مواطن مقهور راح ضحية للفوضى فى زمن الفوضى

[dalia_saloooh]

انا تعيين عقد مميز 17/2/2008 هي علاوه 2008 هتضاف علي الاساسي وهتكون كام