دفعة ثانوية عامة 2016

[Esraa Yousry]

المشاركة الأصلية كتبت بواسطة mohamed_hamza

حضرتك عاملة هدف كبير انك تجيبي مجموع اخر السنة وخلاص، فممكن تعملي اهداف اصغر شوية، اسبوعية مثلا تقولي اخلث مراجعة كذا في الاسبوع دا، واصغر، يومية كل يوم قبل ماتنامي تكتبي ايه اللي هتذاكريه وتعمليه بكرا بالظبط، ولما تعمليه كافأي نفسك باللي تحبيه.
فممكن تركزي دلوقتي ع الاهداف القريبة دي طالما زهقانة جدا وعايزة تخلصي من الهدف البعيد.

غيري مكان المذاكرة انا لما كنت زهقان بدلت الاوضة مع اختي، ودا جاب نتيجة بردو.

خلي المذاكرة ممتعة، كأنها لعبة مثلا او تحدي، على سبيل المثال، انا كنت بقول لنفسي لو جاوبت ع السؤال دا او افتكرت الجزئية دي يبقى انا كدا جامد جدا وامدح في نفسي وكدا ولما اجاوب صح كذا مرة ورا بعض ادي نفسي باكو بسكوت عشان بحب البسكوت الصراحة وكنت بجيب علب بسكوت كتير أيام الثانوية عشان بطلع همي فيها، ولو مجاوبتش اشتم نفسي او ادي نفسي بالقلم على وشي، بس بهزار يعني ههه.

حبي المذاكرة، او ع الاقل حاولي تتظاهري انك بتذاكري عشان بتحبي المذاكرة، وعايزة تستفادي من المعلومات آللي في الكتب، والعلم نور بئا والشغل دا، نفعني جدا في سنة من السنين كنت حبيت فيها المذاكرة لدرجة آني لو برا البيت مثلا بكون نفسي أرجع بسرعة عشان اشتقت للكتب، معرفش الحكاية دي حصلتي ازاي بس سنة ما حصلتلي مانقصتش ولا درجة آخر السنة(100%)، فحاولي تلاقي أي سبب يجيبك في المذاكرة يعني.

حاجة غريبة كدا كنت بتخيلها دايما وأنا في ثانوية لما اكون زهقان من كتاب معين، كنت بتخيل أن انا في صحراء جرداء لا زرع بها ولا ماء، وأنا لوحدي كمان في الصحرا دي مش معايا أي حد ولا اي حاجة، غير الكتاب آللي قدامي، واشوف نفسي لو انا في الموقف دا هعمل ايه؟ اكيد مفيش حاجة اعملها غير آني اقرأ الكتاب دا ‘بتركيز واهتمام وكله، عشان الكتاب دا الحاجة الوحيدة اللي باقيالي مش معايا غيره، ومش شايف غيره.

وبردو نوعي في المواد، آنا كنت بذاكر 4 مواد في اليوم، وأيام حل الامتحانات بيكونوا أكتر كمان، فالبدايل كثير الحمد لله مش مادة ولا اتنين.

ثانيا حضرتك علمي رياضة يعني احسن حالا من علمي علوم في موضوع الزهق دا، عشان علمي علوم المواد كلها حفظ فدا ممكن شوية يخلي الواحد زهقان، ويجد رتابة واملالا (يبقى افتكري رتابة واملالا دي لما تذاكري القصة) اما أنتي علمي رياضة، يعني ممكن تخلي مادة حفظ وراها رياضة مادة تفكير، ومش هتزهقي ان شاء الله.

آنا كدا تقريبا قولت كل اللي انا فاكره من الحاجات اللي كنت بعملها عشان اخلص من الزهق، لو افتكرت حاجة تانية هبقى اكتبها.
...........
القصة سواء العربي او الانجلش ملهاش غير القراية، لازم تقرأوا النص الأصلي لازم تقرأوا النص الأصلي لازم تقرأوا النص الأصلي مرة واتنين وتلاتة لحد ماتتقنوا القصة، بردو تقمصوا شخصية واحد بيقرأ حاجة بيحبها، بالذات في القصة دي، بس فيه فرق بسيط عايز اوضحه:
-قصة العربي: كنت لما أقرأ ال س و ج بتاعتها، كنت لو عارف الإجابة ماشي بعديها آنا لو مش عارفها برجع للنص الأصلي مش بقرأ الجيم.
-قصة الانجلش:كنت لازم احفظلها س و ج ، مع قراية النص الأصلي ،كنت بترجمها (بالعامية) وأنا بقرأها، سواء كنت بقرأ النص الأصلي او س و ج، عشان الترجمة بالذات بالعامية (كأني بوصفها لنفسي) ساعدتني كتير آني أفتكر.

حاجة كدا بمناسبة قصة العربي، خاصة لو معاكوا كتاب الاضواء، هتلاقوه مقسم الفصل لكدا عنوان فرعي، انا لما أجي أراجع الفصل(قراية النص الأصلي بردو) ، أشوف العناوين دي واحاول افتكرها واشرحها قبل قرايتها، مثلا اقولكوا كنت براجع الفصل الأول ازاي عشان دا اللي فاكر منه شوية، العنوان الأول مش فاكر كان اسمه يوما لا يذكر اسمه باين، اقرأ العنوان وحاول استرجع الكلام اللي تحت ألعنوان بس بطريقتي مش لازم بالنص آللي موجود ، أقول آنه لايذكر لهذا اليوم أسما ولا يستطيع أن يضعه....، وانه تلقى نورا، وهواءا خفيفا، الكلام اللي انتوا عارفينه دا، وبعدين أقرأ النص وبعدين اروح العنوان الفرعي آللي بعده وهكذا، وبعد ما اخلص العناوين الفرعية كلها أرجع أقرأ الفصل كله مرة واحدة.

حاجة كمان كدا قبل ما اقفلكوا على موضوع القصة دا، حاولوا وانتوا بتقرأوها زي ما قولتلكوا، تستمتعوا بيها وبأحداثها، وتعيشوها وتتخيلوا المواقف اللي فيها، وكأنها بتتعرض قدامكوا على مسرح مثلا.
........
الكيميا الكهربية سهلة جدا، تجربة طلاء الابريق لازم تيجي آخر السنة ، امتحان الكيميا ميبقاش امتحان كيميا من غيرها.
.......
الحديثة احفظيها عادي بس ابدأي فيها من النهاردا عشان تخلصي منها، انا للأسف ضيعت وقت كبير السنة اللي فاتت في فهم دروس حديثة، وبعدين اكتشفت آني مش مطلوب مني غير آني أحفظها وخلاص زي ماهي، وانها مش للفهم.
......
باقي المواد تمام

بجد شكرا جدا لحضرتك

انا فى العادى بحب المذاكره بس مبحبش انى مجبره اذاكر بحب اذاكر بمزاجى ومشكل المواد كنت بذاكرها السنه اللى فاتت مثلا كان فى مواد مبذكرهش زى الاحيا مثلا فكان الموضوع بيبقى سهل ومفيهوش اى ضغط
لكن السنه دى انى اذاكر كل يوم دى فكره قعدت فتره طويله مش متاقلمه معاها بس الحمد لله دلوقتى معقول

بس انا عندى مشكله ان انا مثلا لو حسيت انى فى يوم تعبت ومش عاوزة اذاكر بستسلم للفكره دى وفعلا بفضل اضيع فى وقت لغايه ما انام

بس كده و شكرا تانى بجد ع الاهتمام

[ناديا999]

السلام عليكم
دكتور محمد انا بردو زي اخت اسراء عايزة استفيد من حضرتك جزاك الله كل خير
اولا انا متأخرة في المنهج )اهملت المذاكرة في الشهرين اللي فاتو( وحاسة اني مش هلحق ألم واراجع واحل امتحانات:
الجيولوجيا فاضلي البيئة
الاحياء المناعة
الكيمياء الكهربية والعضوية :المشتقات
الفيزياء الحديثة
العربي آخر نصين ونظرةوسيد قرارك ودرسين قراءة القصة اخر 5فصول
الانجليزي القصة كلها عدا اول chapter و4units
الايطالي مخلصاه
مش باخد دروس في اي مادة من اول السنة بذاكر وبحل لوحدي
اكبر مشكلة عندي: <انكليزي«خاصة الترجمة.. وهاسأل على yasser's note ان شاء الله
<الفيزياء«المسائل بتاخد وقت بس حلوة فيها ما عدا المسائل اللي بتبقىفي الآخر في كتاب الامتحان )ضروري ابقى فهماها ؟( «الرسم البياني بحس ان بياخد وقت و بسيبو
<جيولوجيا وكيمياء«بيتنسوا بسرعة «حاسة مفيش وقت ألحق اثبتهم فيه كويس
اخيرا نفسي ألحق اخلص اللي فاضل واراجع وأحل ..
Your advice would be appreciated

[Duke Tefa]

المشاركة الأصلية كتبت بواسطة ناديا999

السلام عليكم
دكتور محمد انا بردو زي اخت اسراء عايزة استفيد من حضرتك جزاك الله كل خير
اولا انا متأخرة في المنهج )اهملت المذاكرة في الشهرين اللي فاتو( وحاسة اني مش هلحق ألم واراجع واحل امتحانات:
الجيولوجيا فاضلي البيئة
الاحياء المناعة
الكيمياء الكهربية والعضوية :المشتقات
الفيزياء الحديثة
العربي آخر نصين ونظرةوسيد قرارك ودرسين قراءة القصة اخر 5فصول
الانجليزي القصة كلها عدا اول chapter و4units
الايطالي مخلصاه
مش باخد دروس في اي مادة من اول السنة بذاكر وبحل لوحدي
اكبر مشكلة عندي: <انكليزي«خاصة الترجمة.. وهاسأل على yasser's note ان شاء الله
<الفيزياء«المسائل بتاخد وقت بس حلوة فيها ما عدا المسائل اللي بتبقىفي الآخر في كتاب الامتحان )ضروري ابقى فهماها ؟( «الرسم البياني بحس ان بياخد وقت و بسيبو
<جيولوجيا وكيمياء«بيتنسوا بسرعة «حاسة مفيش وقت ألحق اثبتهم فيه كويس
اخيرا نفسي ألحق اخلص اللي فاضل واراجع وأحل ..
Your advice would be appreciated

بما ان حضرتك مش بتاخدي دروس خالص فده بالنسبة لك حلو عشان بيبقي عندك وقت كتير تحلي وتذاكري وتاخدي قسط كافٍ من النوم
عن نفسي احب اقولك متقلقيش بس تركزي في اخر شهرين دول خصوصاً شهري 3,4
وربنا معانا ويوفقنا جميعاً

[ناديا999]

المشاركة الأصلية كتبت بواسطة duke tefa

بما ان حضرتك مش بتاخدي دروس خالص فده بالنسبة لك حلو عشان بيبقي عندك وقت كتير تحلي وتذاكري وتاخدي قسط كافٍ من النوم
عن نفسي احب اقولك متقلقيش بس تركزي في اخر شهرين دول خصوصاً شهري 3,4
وربنا معانا ويوفقنا جميعاً

آمين ونحقق كلنا احلامنا بإذن الله شكرا لحضرتك...ان شاء الله هحاول استغل الفترة الجاية قدر الإمكان

[Mohamed_Hamza]

المشاركة الأصلية كتبت بواسطة esraa yousry

بجد شكرا جدا لحضرتك

انا فى العادى بحب المذاكره بس مبحبش انى مجبره اذاكر بحب اذاكر بمزاجى ومشكل المواد كنت بذاكرها السنه اللى فاتت مثلا كان فى مواد مبذكرهش زى الاحيا مثلا فكان الموضوع بيبقى سهل ومفيهوش اى ضغط
لكن السنه دى انى اذاكر كل يوم دى فكره قعدت فتره طويله مش متاقلمه معاها بس الحمد لله دلوقتى معقول

بس انا عندى مشكله ان انا مثلا لو حسيت انى فى يوم تعبت ومش عاوزة اذاكر بستسلم للفكره دى وفعلا بفضل اضيع فى وقت لغايه ما انام

بس كده و شكرا تانى بجد ع الاهتمام

للاسف انتي لو مذاكرتيش وانتي بتحبي المذاكرة، هتضطري تذاكري مجبرة عشان توصلي لهدفك، يعني كدا كدا لازم تذاكري مش قدامك حل تاني، كأن واحد بياخذ دوا مر جدا بس لازم يأخذه عشان مايموتش.

الجو دا الصراحة يشجع على النوم، بس اللي عنده هدف فعلا بيوصله مهما تكن الظروف.

لو حسيتي في يوم تعبتي من المذاكرة ابدأي اليوم بمادة بتحبيها او سهلة عليكي، والمادة دي هتجيب باقي المواد، ماتستسلميش وتضيعي اليوم عشان بكرا هتتمني اليوم دا يرجع تاني.

طبعا انتوا مش حاسين بالكلام دا، هتفضلوا كدا السكينة سرقاكوا لحد ما الامتحانات تقرب وتقعدوا تعيطوا ع آللي فات.

[ahmedtarea]

المشاركة الأصلية كتبت بواسطة Mohamed_Hamza

للاسف انتي لو مذاكرتيش وانتي بتحبي المذاكرة، هتضطري تذاكري مجبرة عشان توصلي لهدفك، يعني كدا كدا لازم تذاكري مش قدامك حل تاني، كأن واحد بياخذ دوا مر جدا بس لازم يأخذه عشان مايموتش.

الجو دا الصراحة يشجع على النوم، بس اللي عنده هدف فعلا بيوصله مهما تكن الظروف.

لو حسيتي في يوم تعبتي من المذاكرة ابدأي اليوم بمادة بتحبيها او سهلة عليكي، والمادة دي هتجيب باقي المواد، ماتستسلميش وتضيعي اليوم عشان بكرا هتتمني اليوم دا يرجع تاني.

طبعا انتوا مش حاسين بالكلام دا، هتفضلوا كدا السكينة سرقاكوا لحد ما الامتحانات تقرب وتقعدوا تعيطوا ع آللي فات.

عندي امتحان علي 5 ابواب جيولوجيا ي دوك يوم الجمعه ومش عارف اعمل ايه عشان ألمهم
مفيش خطه عبقرية لاني كاره المادة ديت من اول السنه بس بأذن الله خير

[ahmedtarea]

بعد اذنك ي دوك عشان ادخل امتحان الفزيا مطمن بأذن الله وكذلك الانجليزي
ايه كمية الحل في المادتين اللازمة لكدا
الحمد لله حالل فيهم بس قلقان وحاسس اني مقصر في حلهم

[Mohamed_Hamza]

المشاركة الأصلية كتبت بواسطة ناديا999

السلام عليكم
دكتور محمد انا بردو زي اخت اسراء عايزة استفيد من حضرتك جزاك الله كل خير
اولا انا متأخرة في المنهج )اهملت المذاكرة في الشهرين اللي فاتو( وحاسة اني مش هلحق ألم واراجع واحل امتحانات:
الجيولوجيا فاضلي البيئة
الاحياء المناعة
الكيمياء الكهربية والعضوية :المشتقات
الفيزياء الحديثة
العربي آخر نصين ونظرةوسيد قرارك ودرسين قراءة القصة اخر 5فصول
الانجليزي القصة كلها عدا اول chapter و4units
الايطالي مخلصاه
مش باخد دروس في اي مادة من اول السنة بذاكر وبحل لوحدي
اكبر مشكلة عندي: <انكليزي«خاصة الترجمة.. وهاسأل على yasser's note ان شاء الله
<الفيزياء«المسائل بتاخد وقت بس حلوة فيها ما عدا المسائل اللي بتبقىفي الآخر في كتاب الامتحان )ضروري ابقى فهماها ؟( «الرسم البياني بحس ان بياخد وقت و بسيبو
<جيولوجيا وكيمياء«بيتنسوا بسرعة «حاسة مفيش وقت ألحق اثبتهم فيه كويس
اخيرا نفسي ألحق اخلص اللي فاضل واراجع وأحل ..
Your advice would be appreciated

ماعلينا من الشهرين آللي عدوا، أنني هتقدري تعملي اللي انت عايزاه في الوقت الباقي دا، خصوصا آنك مابتخديش دروس.
اعملي حد اقصى (معاد) تكوني مخلصة فيه مذاكرة آللي باقيلك دا (اول شهر أربعة مثلا)، ونظمي وقتك اليومين الجايين دول عشان تحققي أكبر استفادة من وقتك.
ممكن تمشي على نظام الساعات بتاعي دا لو عايزة
آللي هو بيقول كل يوم 11 ساعة مذاكرة
3 عربي + 3 فيزياء + 3 أحياء + 3 جيولوجيا + 2 انجلش
واليوم آللي بعده
3 عربي + 3 كيمياء + 3 جيولوجيا + 2 إيطالي (وعشان اسمع انه سهل جدا فممكن تخليهم انجلش او مادة تانية عادي)
وهكذا، امشي الشهر دا ع النظام دا
وتفصيل الساعات آنا قولته قبل كدا ولو فيه مادة مقولتهاش ولاحاجة قولي
ومن اول شهر أربعة لحد اول شهر خمسة تراجعي وتحلي امتحانات
ومن اول خمسة لحد نص خمسة كدا هتحلي امتحانات بس
ومن نص خمسة لاول ستة تراجعي المنهج كله عشان يكون حاضر في دماغك أيام الامتحانات.
ماتهمليش الرسم البياني في الفيزياء عشان ساعات بتكون مش مباشرة، فلازم تكون مألوفة بالنسبالك عشان ماتتخضيش في الامتحان وتقولي آنا محلتهاش قبل كدا، حلي انشالله واحدة على كل درس.
كتب الفيزيا سواء الامتحان او الوسام الفزلكة آللي فيها مبتخلصش، فأنا كنت بحل مسائل الوزارة والسنين آللي فاتت والدليل بس، لو المسائل آللي حضرتك تقصديها غير كدا مش لازمة اوي.
خلصي الانجلش وهاني ياسر نوت امتحانات مجابة وهو هيتولى الأمر.
اللي بتنسيه حلي عليه كتير، الجيولوجيا هاتي الأول والامتحان مراجعة وحليهم كلهم، والكيميا هاتي الأستاذ والامتحان مراجعة وحلي بردو كتير، مع قراية الدرس طبعا.
أي حاجة تانية قولي علطول.
Cya

[Mohamed_Hamza]

المشاركة الأصلية كتبت بواسطة ahmedtarea

عندي امتحان علي 5 ابواب جيولوجيا ي دوك يوم الجمعه ومش عارف اعمل ايه عشان ألمهم
مفيش خطه عبقرية لاني كاره المادة ديت من اول السنه بس بأذن الله خير

الخطة العبقرية: ماتروحش تمتحن
الخطة العادية: ذاكرهم يا عم احمد

المشاركة الأصلية كتبت بواسطة ahmedtarea

بعد اذنك ي دوك عشان ادخل امتحان الفزيا مطمن بأذن الله وكذلك الانجليزي
ايه كمية الحل في المادتين اللازمة لكدا
الحمد لله حالل فيهم بس قلقان وحاسس اني مقصر في حلهم

امتحان الفيزياء عشان تدخله مطمن لازم تحل أسئلةومسائل كتاب الوزارة كلها بلا استثناء+ كتاب الامتحان مراجعة من اوله لاخره بردو ماتسيبيش سؤال، وعلم بالماركر ع الأفكار الجديدة عشان ترجعلها قبل الامتحان بسرعة.

الانجلش لازم تكون حالل على كل يونت لوحدها طبعا من كتاب المراجعة، وحافظ س و ج القصة، وهات كتاب ياسر نوت وحل منه 30 امتحان مثلا وأنت طالع ، بس 30 حلوين.

[ahmedtarea]

المشاركة الأصلية كتبت بواسطة Mohamed_Hamza

الخطة العبقرية: ماتروحش تمتحن
الخطة العادية: ذاكرهم يا عم احمد



امتحان الفيزياء عشان تدخله مطمن لازم تحل أسئلةومسائل كتاب الوزارة كلها بلا استثناء+ كتاب الامتحان مراجعة من اوله لاخره بردو ماتسيبيش سؤال، وعلم بالماركر ع الأفكار الجديدة عشان ترجعلها قبل الامتحان بسرعة.
الحمدلله بدأت حل في الامتحان مراجعه احنا بنراجع في الدرس وفي نفس الوقت بناخد جديد ع شهر 4 نكون مخلصين المنهج ومخلصين ومراجعة كهربية

الانجلش لازم تكون حالل على كل يونت لوحدها طبعا من كتاب المراجعة، وحافظ س و ج القصة، وهات كتاب ياسر نوت وحل منه 30 امتحان مثلا وأنت طالع ، بس 30 حلوين.

القصة انا شغال فيها س و ج بس الكوتيشن بتاعها رخم بين سابت وفرتز في كام فصل كدا
لسنا اسبوع ونراجع

[Mohamed_Hamza]

ماعشان كدا بقولكوا لازم تقرأوا النص الاصلي.
عموما لو لقيت الكلام تقيل كدا وكله حكمة وعلوضعه يبقى اللي بيتكلم سابت.
لو طايش شوية يبقى فرتز
هههههه

[ahmedtarea]

المشاركة الأصلية كتبت بواسطة Mohamed_Hamza

ماعشان كدا بقولكوا لازم تقرأوا النص الاصلي.
عموما لو لقيت الكلام تقيل كدا وكله حكمة وعلوضعه يبقى اللي بيتكلم سابت.
لو طايش شوية يبقى فرتز
هههههه

دي حقيقة فعلا
هههههههههه علوضعه

[Duke Tefa]

ايه حكاية علوضعه دي يا دوك

[Mohamed_Hamza]

المشاركة الأصلية كتبت بواسطة Duke Tefa

ايه حكاية علوضعه دي يا دوك

ههههههههههههههههههههههه دي كلمة جامدة جداً يامصطفى
بنوصف بيها الناس الجامدة جداً

[mahmoud aBDELGAWED]

a:which type of holiday do you like to book sir?
b:i prefer a package holiday
a:that one is fine for you sir
----------------------------------------
may you show me some vidoes pleas?
b:which brand do you prefer?
aanasonic
من كتاب surpriseمراجعة