لو داخل اولي جامعة اسأل مجرب

[حسن زغلول]

هتجنن هتجنن هتجنن يا فامبير وربنا انا مكنتش بخش المنتدي دا بس بقيت اخشه علشان الناس المحترمين اللي زيك يعني كده فيه ...انا تقلت علي صحبي حسن زغلول عايز اعملي بروفيل ليا انا واشترك...بس بقالي اسبوع بحاول اشترك والموقع مش بيخليني اسجل شويه يقولي البريد متكرر مع اني عامله مليون بريد مختلفين وشويه الاسم ...خلاني احس اني اول مره اشترك في منتدي ...متشوفلي ايه الحل للمنتدي دا......
انا هستنا ردك اوك يالا سلام

[Hanoda]

انا عاوزة اعرف الكتب نزلت ولا لسه وايه اخبار الكارنيه

[wanda]

المشاركة الأصلية كتبت بواسطة hanoda

انا عاوزة اعرف الكتب نزلت ولا لسه وايه اخبار الكارنيه

لسه الكتب منزلتش يا جميل بس بتروحى ومعاكى 90 جنيه للخزنه اللى قصاد مدرج د و ج على طول
النحية التانيه هتلاقى مكان فيه شبابيك وزحمة كده..

اخر شباك وتدفعى تمن الكتب وتقوليلة مجموعه اللى انتى فيها هيديكى ايصال تقريبا
ولما تنزل الكتب بتستلميها بيه بس تقريبا لازم تحجزى الكتب زى كده

واخبار الكارنيه لسة يوم البنات بكرة هروح واشوف لو جبته هاجى اقولك
لو انتى روحتى قدمتى للكارنيه قبل العيد روحى اسألى عليه دلوقتى ممكن تلاقيه اتعمل

يلا بالتوفيق

[rawan_k]

موضوعك جميل جداااااا وانا فعلا بشوف الاشكال دى فى الجامعه وصح زى مقلت

ساعات بحس انى انا ماشيه فى معرض بس بجد لو ماشيه محترمه الحمد لله محدش يقدر يكلمنى نص كلمه

وشكرا للافاده

[نيو]

مساء التهاييس -
طبعاَ ده تانى رد لى فى المنتدى - اللى لسه عاثر عليه من يومين-
طبعاَ انا تايه من كل البشر اللى هنا بس شكل الاخ مصاص الدماء ض1ض هو اللى مسئول هنا
نرغى بقى
اولاَ الواحد - اللى هو انا هروح فى داهية - عندى شوية استفسارات كده -
نوضح اكتر قبل ما نستفسر انا فرقة اولى عين شمس مجموعة 2 -
1\ اللغة طبعاً لحد دلوقتى ما نزلت , ومش عندى المحاضرات بتاعة اللغة لأنه بصراحة الواحد مبيقدرش يحضر للدكتورة اللى بتدينا - مش فاكر اسمها - ,, والملازم اللعينة لمجموعة 2 فى اللغة لسه منزلتش - اعمل ايه ؟!
2\ لأن الواحد بيشعر بالضياع , ومش عارف اى حاجة , الجدول بينزل أمتى .. أعنى متى تبدأ الأمتحانات عشان الواحد ما يتفأجا من الأمتحانات
3- هما لغوا ايه لحد دلوقتى من المناهج ؟
بس كده ولما افتكر حاجة تانية هبقى اجى وارغى
نيو اللعين - اكيد متعرفهوش -

[almgk10]

انتو بصراحة عجبتونى جدا جدا مع انى لسة هادخل السنة دى الكلية بس بجد مش عارف اقولكم اية على العموم ان شاء الله لما ارجع مصر عايز اعرف منكم ولو دلوقتى اية احسن جامعة فى مصر لانى مش عارف حجات كتير عن مصر لانى اديلى 5 سنوات عايش برها فيريت تضمونى صديق متجوبونى

[!!!دمعة حزن!!!]

ههههههههههههههههههههههههههههههههههههههههه
صعيديه
انا من اسوان وافتخر
رغم انى مش صعيديه الا انى افتخر انى من اسوان

كانت كليه اداب
الا يرحم ايامها
كانت ايام سوده

[ماهينور 2]

شكرا ليك يااخ فامبير علي النصائح الجميله دي
بس ممكن ابدي رايي في حاجه تانيه يعني اللبس مش هو اللي بيحدد نوع البنت كويسه ولا لا
مثلا ممكن بنت تكون لابسه لبس زي بنات اليومين دول بس تكون محترمه جدا يعني متكلمش صبيان ولا حاجه ولا تمشي ماشيه مش مظبوطه ولا الحركات دي
وممكن برضك واحده تكون لابسه محترم جدا وهي اللي تعمل كده مثلا تصاحب اولاد وتروح وتيجي
يعني مش اللبس هو اللي يحدد البنت
في حاجات تانيه كتير
وده كان مجرد راي مش اكتر
تقبل مروري

[رونالدينهوو]

المشاركة الأصلية كتبت بواسطة rinad

شكرا ليك يااخ فامبير علي النصائح الجميله دي
بس ممكن ابدي رايي في حاجه تانيه يعني اللبس مش هو اللي بيحدد نوع البنت كويسه ولا لا
مثلا ممكن بنت تكون لابسه لبس زي بنات اليومين دول بس تكون محترمه جدا يعني متكلمش صبيان ولا حاجه ولا تمشي ماشيه مش مظبوطه ولا الحركات دي
وممكن برضك واحده تكون لابسه محترم جدا وهي اللي تعمل كده مثلا تصاحب اولاد وتروح وتيجي
يعني مش اللبس هو اللي يحدد البنت
في حاجات تانيه كتير
وده كان مجرد راي مش اكتر
تقبل مروري

متنسيش بردة يا ريناد ان لو البنت لو لا بسة محترم مش هتشد الشباب ليها
ف دة احصن للبنت
وكمان الاحتشام ضرورى فى الاسلام

[wanda]

عندك حق فى كل كلمه قولتيها يا ريناد
وهو على حسب التعامل كمان
يعنى مش باللبس ما انا واحدة زميله لحد من الناس وهى لبسه اسدال
ومش كويسه خالص انا بصراحة استغربت قولت سابت ايه ديه للناس اللى
لبسه بدى وبنطلون ضيق ....

[د_عبير]

شكرا يا فامبير علي نصايحك الحلوة دي

[vampire1188]

المشاركة الأصلية كتبت بواسطة د_عبير

شكرا يا فامبير علي نصايحك الحلوة دي

مشكور على مرورك يا د/عبير ..

على فكرة انا عندي برد .. ياريت تشوفيلي دوا بما انك في صيدلة يعني !!

[vampire1188]

احب ادي بس تعليق صغير ليكي يا ريناد ..

اللبس بكل بساطة هوا عنوان الشخص قدام اللي حواليه ..

سواءا كان الشخص دا ولد او بنت ..

بس مش هاشكك في رأيك .. لأ انا بأيده كمان ..

وبأيد كمان رأي واندا في اللي قالته ..

انا فعلا تعاملت معا النوعين ..

النوع اللي بيلبس لبس فري خالص .. وناس في منتهي الاحترام في التعامل ..

والنوع اللي بيلبس محتشم .. وتتلاقيه استغفر الله العظيم ..

بس عموما .. زي مانا قولت .. اللبس عنوان الشخص ..

مش هاستحوذ رأيي على البنات بس ..

لا على الولاد كمان .. ممكن تشوفي واد مطول شعره على اخره ومسقط البنطلون وحالته نيلة ..

بس تييجي تتعاملي معاه تلاقيه واد كويس ودماغه حلوة .. بس زي ماتقولي عايشه في دور روشنه وقتي كدا ..

وواحد تاني تلاقيه لابس لبس عادي .. بس في منتهي قلة الادب .. وتعاملة بيئة معا الناس ..

زيها زي اللحية عند الرجاله .. والنقاب عند المرأة ..

انتي لو مشيتي في الشارع وشوفتي واحد مربي دقنه .. هاتقولي دا راجل كويس وعارف دينه .. بعد شوية تسمعي منه شتيمة وقلة ادب هاتقولي دا راجل مش محترم ..

واحد تاني مش مربي دقنه .. بس اوريجنال جدا في التعامل .. وبيتصرف تصرفات الادين بيحث عليها ..

برده نفس الحكاية في النقاب ..

بس انا كان مجرد تعليقي ان اللبس مجرد عنوان ليكي قدام الناس ..

وزي ما قولت برده .. انتي لو كنتي محترمة جدا .. ولابسه لبس مش ولا بد ..

وافتكري انك في جامعة .. يعني فيها شباب ..

لازم غصب عن الشاب لازم يبصلك .. شئ طبيعي .. وماتقوليش حرية ومش حرية ..

عشان انا واحد من الناس .. كنت في الجامعة من ييجي 3 اسابيع كدا ..

شوفت واحده لابسه حجاب (اشك انه حجاب اصلا) .. وسكيرت من اللي هيا بتبقي بحمالات فوق دي

بس مش عارف اسمها ايه .. المهم .. ولابسه تحتها بنطلون برمودا !!

طب والنبي انا راضي حكمك .. لو شاب شاف واحده زي دي .. هايقول عليها ايه ؟!

دا غير طبعا اللخبطة اللي في الوش اللي بيحطوها ..

طب تصدقي بالله .. لو ماحطتش ميكب .. انا بيتهيألي كانت هاتبقي احلي !!

الشاب يا ريناد انتي وواندا .. اما بيشوف واحده بيحكم عليها من مظهرها العام غالبا ..

هوا مش لسه هايروح يتعرف ويتعامل ويشوف دي كويسه ولا مش كويسه ..

ياريت تكون نظريتي وصلت ...

[مرمر وياقوت]

لأ فعلا كلامك صح وجزاك الله خيرا على تلك النصائح

[ماهينور 2]

كلامك مظبوط يا استاذ فامبير بس انا طبعا مش قاصدي علي اللبس ده خالص خالص
يعني لبس عادي بس مش الايسدال والطرح الطويله عادي يعني مثلا بضي وجيبه طويله ده ممكن في نظر اي حد لبس مش اللي هو او تونيك وبنطلون برضه الحكم عليه مش دايما انه لبس كويس
ده اللبس اللي انا اقصده
مش طبعا البادي الضيق والبرموده او حتي البنتاكول
ولا الباضي اللي خلاص هيتفرتك وعليه جيب قصيره
الكلام للتوضيح
واشكرك اخي فامبير علي النصائح وتقبل مروري