المفاجئه الكبرى

[--Dr.Mostafa--]

نعذر يا جماعة ع اللى حصل

احنا فضلنا نقفله لغاية ما يتصلح

ان شاء الله

بس يا جماعة هو ستايل المنتدى كان حلو ولا كنتوا تحبوا نغيره

ويارب مصر تفوز ان شاء الله

[devotion_mony]

يا جماعه احنا حسدناكوا ولا ايه وبصراحه بالنسبه للمنتدى انا حاسه ان فى حاجه غلط بس ايه هى مقدرتش اعرف
بس انا شخصيا مقابلتنيش مشاكل وربنا يوفقكوا
ومبرروووووووووووووووووووووووووووووووووك لمصر

[--Dr.Mostafa--]

والله دا اللى قولناه انا والدكتور عبده .. يمكن اتحسدنا ولا حاجة

هيا عموما حاجة بسيطة لكن ولدت من وراها مشاكل كتير ان شاء الله هتتحل قريب جدا

واحنا مكناش فاكرين انها تاخد الوقت دا منا او حتى تعمل كدة والا مكناش فتحنا المنتدى

اتنمى انكوا تتفهموا وضعنا .. وان شاء الله هيرجع قريبا .. احنا ان شاء الله حطينا ايدنا ع المشكلة وجاري انهائها

بس دعواتكوا انها تكون اول واخر حاجة .. ويارب نرجع ف اسرع وقت ممكن ونكون عند حسن ظنكوا ..

وشكرا .. والسلام عليكم ,,

[dr.Abdoooo]

والله هيا الحكايه زي ما قال مصطفى بالظبط بس كل المشاكل اللي في الموقع موجوده مع الاكسبلولر بس لكن لو فتحنا من اي متصفح زي الفير فوكس ها نلاقي كل حاجه صح بس احنا بنحاول نصلحها لانها مشكله صعبه جدا جدا جدا واحنا ان شاء الله بدل ما الموقع يفضل مقفول ها نشغله لحد ما نحل المشكله بس يا ريت كله يفتح من الفير فوكس ومش ها يلاقي اي مشكله ان شاء الله

[No_Way]

ههههههههه
واضح ان الموضوع فيه عين اكيد
بس مش مشكله ياجماعه اكيد ان شاء الله هتقدرو تحلوها
ربنا معاكو ياااارب واي خدمات احنا موجودين

[dr.Abdoooo]

والله المنتدى ده طلع عنينا ان ومصطفى ومحمود اي مشكله صغيره نقعد عليها يوم كامل ونقلب المنتدى كله عشانها وبقينا نلف حوالين نفسنا
اه لو اعرف مين اللي حسدنا كنت ***ته حرام عليه والله ده احنا غلبانين ومش بنأذي حد ليه كده بس
اه صح هوه حد بدا يذاكر ولا ايه طيب الهستولوجي ده ايه نظامه ماده غبيه زي .............no comment

[--Dr.Mostafa--]

ماذا نحن بفاعلون ..

ناخذ من رجل قبيلة ..

يا عمي .. سيبها ع الله .. وربنا هيسهل .. وكل تاخيرة وفيها خيرة

والحمد لله .. الله اعلم كان ممكن يحصل اية لو كان مفتوح ..

الحمد لله على كل حال .. وربنا يسهل ,,

[dr*mony]

اه صح هوه حد بدا يذاكر ولا ايه

يا دكتور انا مش عايذة اعمل لحضرتك صدمة انا اعرف ناس خلصت المواد والكتب اللى معاها وبتدور على حاجات تانى تذاكر منها
اما بالنسبة للهيستولوجى اى نعم هو مادة رخمة وغبية بس على الاقل معانا له كتاب ممكن الواحد يذاكر منه اما بقى المصيبة الكبيرة كيمياء التركيب الذرى وكيمياء الاتزان لا كتب نافعة ولا محاضرات...............
فى الاخر كله على الله وربنا يسترها

[DR.smily]

اه صح هوه حد بدا يذاكر ولا ايه طيب الهستولوجي ده ايه نظامه ماده غبيه زي .............no comment

بصراحة كفايه علينا اسبوعين المفروض نكون بدأنا عشان الحيوان مش هيكفيه يوم ولا اتنين محتاج ان احنا نكون بدأينه قبليها بمدة عشان نلحق نخلصه

بالنسبه للهستولوجى فى رغى كتير المفروض ان كل نسيج هنطلع منه origin,structur,site,function بس وكمان فى انسجة مش فيها origin,structure يعنى فى الاخر هيرسى على ان الكتاب مفهوم ومنظم شويه

لكن بقه هتعملوا ايه فى كيمياء دكتورة ايمان بصراحة الكتاب ميتذاكرش منه كلمة واحده والمحاضرات مش نافعة.....ايه الحل.......؟؟؟؟؟؟؟؟!!!!!!!!!!!

[No_Way]

يادكتور الهستولوجي ممكن حضرتك تبدأ تذاكره من الورق اللي جبناه من مكتبه شمس ده الاول
هتعرف كتير عنه وبعدين تشوف النقص ف الكتاب
ده اللي ناويه اعمله ان شاء الله

المشكله بجد ف الكيميا
انا لا معايا محاضرات
والكتب اللي عندي دي معرفش كل كتاب بتاع مين
وعندي كميه ورق رهيبه بردو مش عارفه بتوع مين ولا ايه

ربنا يستر بجد لازم نشوف حل للكيميا دي
احنا اتأخرنا شويه ع فكرة

[dr.Abdoooo]

بصراحه انا شايف ان اصعب حاجه الهستولولجي وانا احتمال اسيبه وبدات فسيولوجي فعلا
لكن الكيمياء ان شايف انها سهله انا مش عارف بتقولوا كده ليه انا ها اسيبها لحد الدراسه لاني بصراحه مذاكر العضويه والاتزان قبل كده ما بقيش غير د.ايمان ولو حد عارف ايه التقسيمه بتاعه الامتحان يقول لاني سمعت ان الهستولولجي عليه 2
وكمان الحمد لله احنا صلحنا كل المشاكل اللي في السيت وها يفتح النهارده باذن الله

[*berry*]

اولا الف مبروك ع السايت وبجد هو حلو جدا وشكرا لمجهودكو الكبير اما بالنسبة للهستولوجي فانا مش شايفة انه صعب اوي هو بس مشكلته انه كبير ومحتاج تنظيم الانسجة والخلايا وانشاء الله هتعدي انا اصلا ابتديت امبيريولوجي وخلصته الحمد لله اما الكيميا هي مشكلتي بجد ربنا يستر وربنا معانا كلنا

[البيتونيا]

ازيكم ياجماعة
ألف مبروك لمصر
ومبروك ليكم على الموقع الجديد يارب يكون فاتحة خير علينا ان شاء الله .
بس في مشكلة إنه الموقع مش راضي يفتح معايا خالص
ياريت لو حد يقدر يحل لي المشكلة دي لأني عايزة أشارك فيه
كمان بالنسبة للامتحانات
أنا مش عارفة أذاكر الكيمياء العضوية خاصة محاضرات الدكتور كمال يوسف لأن الكتاب بصراحة مايتقريش
الامبريولوجي والفسيولوجي في منتهى السهولة لكن الهستولوجي في منتهى منتهى منتهتى الرخامة ومش عارفة أذاكر من الكتاب ازاي
مشكلة إن الدكتورة ليلى رجعت في كلامها ورفضت إنها تحذف حاجات من المنهج
وفعلا لو كان عليه 2 أنا هذاكر منه اللي هاقدر عليه وأسيب الباقي
مبروك مرة تانية على الموقع

[*berry*]

ازيك يادوكتور بتونيا انا برضه عضو جديد هنا بالنسبة للموقع يمكن مش بتكتبي اسمه صح www.bestdoctors.tk انا بيفتح معايا كدة وجربي تستخدمي متصفح الfirefox وهتلاقي الدكاترة هنا حاطين رابط التحميل بتاعه وعاوزين نشوفك في المنتدي الجديد

[البيتونيا]

إن شاء الله هكون متواجدة دايما
أصل في البداية كان في بعض المشاكل اللي بتمنع التواجد الدائم في المنتدى لكن الحمد لله المشاكل اتحلت
وهجرب الرابط زي ما قولتيلي
ادعيلي يدخل