لهذه الأسباب أطالب المسئولين بتثبيت المتعاقدين وفورأ

[Mr.Trueman]

كل يغنى على ليلاه

[MUSTAFAEGYPT]

اللهم ثبتنا

[زهره الثلج]

يا جماعه اذا كنتوا حاسين انكوا لوحدكوا ابدا؟ انتوا بتعبروا عن 250 الف متعاقد دا عدد لا يستهان بيه ابدا
وزى ما الاخ قال مفيش حاجه اسمها مدرس مؤقت الناس دى بتستعملنا فقط لسد العجز ... يعنى مفيش نيه للتثبيت حرام علينا نسكت لازم نكثف جهودنا اكتر من كدا حرام احنا ساكتين من ست سنين زهقنا بقى والله حرام عليهم حسبنا الله ونعم الوكيل

[حسين القاضى]

المشاركة الأصلية كتبت بواسطة shaimaa zaki

:abdoog8::abdoog8::abdoog8::abdoog8:
انا عندي احساس مش عارفة
حاسة ان الحكومة هتخليها عقود وخلاص
هي فعلا لو كانت عايزاة تعينا
كانت عينتنا زي ما عينت مدرسي الفصل الواحد من غير امتحانات ومن غير اي حاجة
وده اذا حصل فانني ادعو جميع زملائي المدرسين اللي بالعقد غلى وقفة احتجاجية بس هناخد موافقة الامن ان شاء الله

يعنى حضرتك تتوقعى إن الأمن يوافق على وقفة احتجاجية
أنا من وجهة نظرى ان الحقوق تسلب ولا تمنح
وليس معنى كلامى أعمال العنف والشغب بل أعنى أننا لا ننتظر ممن شارك فى ظلمنا ان يقف بجانبنا
ووالله العظيم يا جماعة لو كان موضوع العقد دا صحيح وسكتنا يبقى نستاهل أنهم يرجعونا تانى بعقد 100 جنيه

[ابو كريمان]

اشمعنا احنا بس اللى عقود فى الدوله دى؟ ليه لا يكون الوزير نفسه بالعقد؟ واى عقل يقبل ان اثنين متخرجين من نفس الكليه ونفس القسم فى نفس العام احدهما عقد والاخر ثابت والفارق بينهم فى الراتب300 جنيه بدل نقدى وخلافه

[كيلانية]

المشاركة الأصلية كتبت بواسطة abdulmaksoud

ننتظر نتيجة الامتحانات الاول و بعدها اذا لم يتم التثبيت نتقدم برفع دعوا للمحاكم المختصة لعمل اللازم و كل متعاقد يبحث عن محامى شاطر لرفع دعوى على اعلى مستوى و كل المتعاقدين يقوموا بهذا و بذلك ممكن ربنا يكرمنا بالتثبيت هو فية حاجة اسمها مدرس مؤقت هو التدريس دة لعب عيال ولا اية التدريس هو اشرف مهنة و اقدس عمل و يحتاج الى دراسة دائمة و كذلك صبر على العقول البشرية التى اصدأ من الحديد و كذلك الصبر على المدريين الذى يحتاج كل عقل واحد فيهم الى قرن من الزمان حتى يتم تطويرة و كذلك الموجههين الذين اصبحوا لا يعرفوا عن المناهج الجديدة اى شيىء و ارى لو تتخلى الوزارة عن كل هؤلاء و اللة التعليم سوف يشهد طفرة علمية فى مصر و ارى ان الوزارة بالنسبة لتطوير المدرس و المنهج حاجة جميلة فعلا بس المهم الاستقرار النفسى حتى نتمكن من العمل فى استقرار و نربى اولادنا و نحن فى امان اجتماعى و هذا هو اقل حقو قنا فى بلدنا الحبيبة مصر و اللة المستعان

دور على محامى شاطر من دلوقتى وقولنا كلنا معاك ومعانا ربنا على كل مسئول مستهتر بعمرنا اللى بيضيع فى الأنتظار

[سومة القصاص]

لو كانوا المسؤلين مكان المتعاقدين لاحسوا بما يعانوه....... لكن بتقول لمين........ فرجه قريب ان شاء الله لعل احد يستجيب

[حسين القاضى]

المشاركة الأصلية كتبت بواسطة ابو كريمان

اشمعنا احنا بس اللى عقود فى الدوله دى؟ ليه لا يكون الوزير نفسه بالعقد؟ واى عقل يقبل ان اثنين متخرجين من نفس الكليه ونفس القسم فى نفس العاماحدهما عقد والاخر ثابت والفارق بينهم فى الراتب300 جنيه بدل نقدى وخلافه

يا أخى الفاضل إذا كنت بتتعجب من اثنين من نفس الكلية؟ فماذا تقول فى : واحد حاصل على دبلوم معلمين ثابتوآخر حاصل على ليسانس آداب ودبلوم عام فى التربية بعقد

[modym2020]

المشاركة الأصلية كتبت بواسطة abdulmaksoud

ننتظر نتيجة الامتحانات الاول و بعدها اذا لم يتم التثبيت نتقدم برفع دعوا للمحاكم المختصة لعمل اللازم و كل متعاقد يبحث عن محامى شاطر لرفع دعوى على اعلى مستوى و كل المتعاقدين يقوموا بهذا و بذلك ممكن ربنا يكرمنا بالتثبيت هو فية حاجة اسمها مدرس مؤقت هو التدريس دة لعب عيال ولا اية التدريس هو اشرف مهنة و اقدس عمل و يحتاج الى دراسة دائمة و كذلك صبر على العقول البشرية التى اصدأ من الحديد...................................
بس المهم الاستقرار النفسى حتى نتمكن من العمل فى استقرار و نربى اولادنا و نحن فى امان اجتماعى و هذا هو اقل حقو قنا فى بلدنا الحبيبة مصر و اللة المستعان

انتهى الامتحان وظهرت النتائج ...ولا شىء جديد

[ا/طنطاوي]

السيد الفاضل / وزير التربية والتعليم

تحيه طيبة وبعد

أعــــــــــــرض الاتـــــــــــــي

الرجاء من سيادتكم التكرم بالرد علينا نحن المتعاقدين حيث أنه قمنا بتنفيذ كل المطلوب منا حتي الآن :-
1-نجحنا في إمتحان 20/11/2009م
2-حصلنا علي المؤهل التربوي
3-حصلنا علي شهادة icdl
4-متعاقدين منذ 5 سنوات
5-نسد العجز في المدارس
فمتي سيتم صدور أمر تنفيذي للتعيين في وظيفة معلم ،
نريد فقط أن نعرف مصيرنا فهل هذا شئ عجيب !!!!!!!!!!!!!!!!!!!!!!!!!!!!!
الرجاء الرد علينا وإحترام حقنا في الرد علينا
ملحوظةالأمر هام حتي لا يخرج المتعاقدون ويتظاهرون أمام الوزارة في "وزارة التربية " التي نربي نحن فيها الطلاب علي النظام وأخذ الحق بكل هدوء

[طارق حامد2]

مفيش مظاهرات فيه وقفه احتجاجية للمطالبة بحقك الشرعى فى التثبيت وده مش عيب امال يعنى حنوقف فين فى وزارة الزراعه؟

[Mr.AI]

هتودينا في داهية ياعم طنطاوي مفيش مظاهرات خالص دي بس وقفة مصرية

[سلمى5]

يا جماعة سيبوة يخوفهم بينا شوية

[الاستاذ علاء]

لا يغير الله ما بقوم حتى يغيروه بانفسهم

[منى أ]

الحق ما بيتاخدش بالطلب ولكن يؤخذ بالأمر