معقولة لسا بتكلمى بنات على الماسنجر؟؟!!

[Flower]

اولا بشكرك علي طرحك للموضوع

وانا كنت قراته قبل كده فعلا..

ولي عوده ان شاء الله للرد

quote name='mohamed_oweis' date='Aug 19 2006, 12:48 PM' post='194623>د']
الأصل فى التواصل عبر الماسنجر بين الجنسين جائز لكن له حدود و ضوابط وضعها الشيخ سلمان بن فهد..هقولهلكم
أ - عدم إستخدام الصورة بأي حال: أولاً: لأن هذا ليس له حاجة مطلقاً، فالكتابة تغني وتكفي. ثانياً: لأن هذا مدخل عظيم من مداخل الشيطان، في تزيين الباطل وتهوينه على النفس.

وقد يستغرب بعض الأخوة.. ويتساءل: وهل هذه الفكرة واردة أصلاً؟ والجواب: جيد بالمرة ألا تكون الفكرة واردة، لكن الذي يعرف طرق الغواية، ويعرف مداخل الشيطان على النفس الإنسانية لا يستغرب شيئاً، بل وأكثر من ذلك.. أن النفس المريضة أحياناً تلبس الخطأ المحض الصريح لبوس الخير والقصد الحسن.. نحن نخدع أنفسنا كثيراً...

ب - الإكتفاء بالخط والكتابة، دون محادثة شفوية، وإذا احتيج إلى المحادثة فيراعى فيها الأمر الرباني فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلاً مَّعْرُوفاً [الأحزاب:32]. وإذا كان هذا لأزواج النبي ، فكيف بغيرهن من النساء؟ وإذا كان هذا في عهد النبوة، فكيف بعصور الشهوة والفتنة؟

ج - الجديّة في التناول، وعدم الإسترسال في أحاديث لا طائل من ورائها، وبالصدق.. فالكثيرون يتسلون بمجرد الحديث مع الجنس الآخر، بغض النظر عن موضوع الحديث، يهم الرجل أن يسمع صوت أنثى، خاصة إذا كان جميلاً رقيقاً، ويهم الأنثى مثل ذلك، فالنساء شقائق الرجال، ويهم كلاً منهم أن يحادث الآخر، ولو كتابياً. فليكن الطرح جاداً، بعيداً عن الهزل والتميع.

د - الحذر واليقظة وعدم الإستغفال، فالذين تواجهينهم في الإنترنت أشباح في الغالب، فالرجل يدخل باسم فتاة، والفتاة تقدم نفسها على أنها ولد.. ثم: ما المذهب؟ ما المشرب؟ ما البلد؟ ما النية؟ ما الثقافة؟ ما العمل.. إلخ.. كل ذلك غير معروف.

وأنبه الأخوات الكريمات خاصة إلى خطورة الموقف، وعن تجربة: فإن المرأة سرعان ما تصدّق وتنخدع بزخرف القول، وربما أوقعها الصياد في شباكه، فهو مرة ناصح أمين، وهو مرة أخرى ضحية تئن وتبحث عن منقذ، وهو ثالثة أعزب يبحث عن شريكة الحياة، وهو رابعة مريض يريد الشفاء.... إلخ.

هـ - وأنصح بعناية الأخوات العاملات في مجال الإنترنت في التواصل بينهن بحيث يحققن قدراً من التعاون في هذا الميدان الخطير، ويتبادلن الخبرات ويتعاون في المشاركة، والمرء ضعيف بنفسه قوي بإخوانه، والله تعالى يقول: وَالْعَصْرِ (1) إِنَّ الْإِنسَانَ لَفِي خُسْرٍ (2) إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ [العصر:1-3].

روى الطبراني في [معجمه الأوسط]، والبيهقي في [شعب الإيمان] عن أبي مليكة الدارمي، وكانت له صحبة، قال: ( كان الرجلان من أصحاب النبي إذا التقيا لم يتفرقا حتى يقرأ أحدهما على الآخر سورة العصر، ثم يسلم أحدهما على الأخر [الدر المنثور:8/621].

و - كما أنصح الأخوات أن يجعلن جلّ همهن العناية بدعوة النساء ونصحهن، وتقديم الخدمات لهن من خلال هذا الحقل، والسعي في إصلاحهن، وليكن ذلك بطريقة لطيفة غير مباشرة، فالتوجيه المباشر قد يستثير عوامل الرفض والتحدي في بعض الحالات، لأن الناصح يبدو كما لو كان في مقام أعلى وأعلم، والمنصوح في مقام أدنى وأدون، فليكن لنا من لطف القول، وحسن التأتي وطول البال والصبر الجميل، مانذلل به عقبات النفوس الأبية، ونروض به الطبائع العصية.

وللأخوات صالح الدعوات بالحفظ والعون والتوفيق.
.................................................. .............
شكرا أسيل لطرحك النقاش فى هذا الموضوع و جزاكى الله خيرا

[/quote]

[Maramero]

<div class='quotetop'>إقتباس(محمد البري @ Aug 20 2006, 12:18 PM) [snapback]195753[/snapback]</div>

سؤال لمرااميرو ليه بتحكمي على الشباب كلهم بكدا مش من شاب واحد ؟[/b]

مش عارفة بصراحة تقصد حكم اايه اللى انا قلته ؟؟

وعموما انا مش هقوللك انى عمرى ما كلمت ولاد على الماسنجر ، لأ كلمت على اساس ان ده طبيعى والماسنجر ده اتعمل عشان نتكلم فيه وكده ..
بس قعدت اكتر من مرة واتكلمت مع والدى فى الموضوع ده وجابلى فتاوى بتثبت ان دى خلوة وحرااام

والرسول عليه الصلاة والسلام قال : "ما خلا رجل بامرأة إلا كان الشيطان ثالثهما"
الخلوة دى فى اى مكان سواء ع النت او فى الحقيقه

وبعدين لقيت ان مالهاش مناسبة يعنى ،، هنتكلم فى ايه ؟
بنسأل على احوال بعض وبتاع طيب وبعدين ؟
ايه لازمتها يعنى؟؟
مين هو عشان اتكلم معاه اصلا ؟؟

والحمد لله من فترة كبييييرة حذفت الولاد اللى عندى كلهم وانا حاسه بكده انى مرتاحه اكتر

<div class='quotetop'>إقتباس</div>

واه نسيت اقول انا مثلا لو حبيت بنت ع النت هعمل ايه وانا كنت في الاول بعتبرها اختي [/b]

ده بقى اللى انا اقصده ،،
لو فيها حب وكده هيبقى ده فعلا اللى حرام لانك مش بتكلمها على اساس انها اى بنت والسلام ومش هتفرق معاك لو حذفتها وكده
وبعدين انا مش مقتنعه اصلا بالموضوع ده على النت ..
واحده او واحد عمرى ما شفته ولا اعرف طباعه ولا اخلاقه هقدر احبه ازاى
مش يمكن تكون شخصيته على النت مختلفه تماما عن شخصيته فى الحقيقه؟


معرفش بصراحه انا مش مقتنعه بالعلاقه دى اساسا

وزى ما قلت كل واحد حر فى ماسنجره :D

والله انا اعرفهم واعرف بيوتهم ولربما ازورهم ولا يهمك يا مراميرو :D


وع فكرة هقولك كلمة خلوة ازاي وانتي مش جمبيه الحديث مترجم غلط خلوة اي وجه لوجه وفي مكان منعزل سلام افهموا الحديث صح

[Maramero]

طيب بس يكفى ان علاقه زى دى بتعطلنا عن ذكر ربنا ،،
و ممكن فى الوقت اللى بنتكلم فيه ده نصلى،نقرأ قرأن نعمل اى حاجة لآخرتنا يعنى
لان كلللل ده من متاع الدنيا الزائـــــل واللى بجد مش هنستفيد منه اى حاجة للأسف ..

طيب يا مراميرو دخولك المنتدى بيعطلك عن ذكر ربنا يلا بأى وريني ردك وع فكرة الحمد لله انا بذكر ربنا في كل وقت حتى وانا بتكلم ع الميل في القلب مش باللسان

[Maramero]

<div class='quotetop'>إقتباس(محمد البري @ Aug 20 2006, 06:51 PM) [snapback]196176[/snapback]</div>

طيب يا مراميرو دخولك المنتدى بيعطلك عن ذكر ربنا يلا بأى وريني ردك وع فكرة الحمد لله انا بذكر ربنا في كل وقت حتى وانا بتكلم ع الميل في القلب مش باللسان
[/b]

لا دخولى المنتدى بستفيد منه كتييير الحمد لله ..
وانا مقصدش حاجة عليك عشان متزعلش
انا بقول كلام الولاد مع البنات والعكس حاجة فى نظرى مش صح والاحسن منها اننا نعمل حاجة تنفعنا مش اكتر من كده
وعموما آسفة لو كنت ضايقتكم بكلامى ومش لازم اتناقش تانى

شكرااا

[FRANKENSTEIN]

اولا يا محمد مها وجهة نظرها انها لقت موضوع يستحق المناقشه فكتبته ع المنتدي عشان نتناقش فيه مع بعض مش نحول الموضوع لخناقه ودا مش رأيها الشخصي

[أسيل رزق]

اولا محبة الله احب اقولك حاجة اولا ربنا يهديكى وانتى كده قطعتى الشك باليقين
ثانيا انتى بتقولى انالكلام على الماسنجر حرام والكلام فى المايك حلال حتى للمخطوبين
انا ممكن اقل ان الكلام على الماسنجر حرام فى حالة واحدة بس تجيبيلى ايه او حديث صحيح بيقول انه حرام
وبما ان انتى بتقولى حرام وحلال المايك للمخطوبين وبيتكلموا على الماسنجر ده مليووووووووون حرام ده على رايك انتى
هتقوليلى ليه ؟؟؟ هقولك لان فى لحظة ممكن الخطوبة تنتهى لاى سبب وبعدين الخطوبة دى مش جواز المفروض الاتنين المخطوبين ميعدوش مع بعض لوحدهم
لان ممكن اى حد يعد مع واحدة ويقول للناس دى خطبتى الخطوبة تعارف للشخصية مش غراميات
وشكرا لردك على الموضوع

شكرا اسلام لردك بس يا جماعة الموضوع مش بتاعى انا جبت اللينك بتاع الموضوع وعارضته هنا وبعد شويا لقيته اتشال والموضوع اتعرض عادى اكنى انا اللى كتباه انا جبته علشان اعرف وجهة نظركم فى الموضوع وكمان تشوفوا الردود بتاعته
بصوا معايا ربنا عرفوه بالعقل فكروا فى الحاجة قبل ما تعملوها وانا اسفة يا اسلام يا رب تكون العضوة قريت الموضوع
ومش كل من قال كلمة بقى شيخ

مراميرو انا متفقة مع محمد ذكر الله ملهوش اى علاقة بالموضوع الملتزم بدينه عمره ما يغفل عن كلام ربنا
سبحان الله والحمد لله ولا اله الا الله والله اكبر الذكر مش صعب اوى علشان نغفل عنه
وشكرا لمرركم جميعا بالموضوع

[أسيل رزق]

يا جماعة احنا مش عايزين حد يزعل كل واحد بيقول وجهة نظره مش اكتر
وانا خلاص مش هقول كلام تانى فلاور وضحت الاراء
وانا راى بيشمل جملة ( انما الاعمال بالنيات )
طالما نيتى كويسة مليش دعوة باللى انا بتكلم معاه اكيد طريقة الكلام بتاعة الولد او البنت بتبان اذا كانوا كويسين او لا
ومحبة الله اخوكى طبعا عمل كده لانه معتقد ان كل الولاد كده مش اكتر وطبعا خوف عليكى
اكيد من الكلام فى حاجة صغيرة بتكون غلط واكيد البنت تاخد بالها من الكلام مش تتكلم وخلاص
وسبق ليا انى اتخانقت مع اعضاء فى المنتدى بدون ذكر اسماء لانى لاحظت طريقة كلامهم مش مظبوطة ومسحتهم خالص من عندى
وشكرا لمرركم جميعا بالموضوع

[*محبة الله*]

معلش يا اسيل عايزة اعلق تعليق بسيط مع انى كنت قلت لنفسي بعد ردودى فى الموضوع ده مرتين وطريقة الكلام اللى رد عليا بيها بعض الناس واللي ماعجبتنيش خالص
انا حرد عليكى لانك غاية فى الذوق والله

انا عمرى ما زعلت من اخويا عشان تصرفه ده لانى عرفت انه صح ومقتنعة بوجة نظره

لكن موضوع الشات حرام انا قلت ليه قبل كده+

خلى بالك من احتمال الغلط

يعنى انتى لو فى الحقيقه تقدرى تقولى لولد "صباح الخير يا...."وتدلعيه""

ولا تقوليله يا باشا ولا يا حبيبى ولا اي حاجه من دى خالص ؟؟
لا طبعا

بس ممكن مع تطور العلاقة بينكم على النت

الموضوع بياخدك لا شعوريا وممكن تعمليها
بغض النظر انتى كويسه ولا لاه "بس انا متأكده انك اكيد مؤدبه"

بالنسبه للمخطوبين ده انا قلت كده من واقع حاجه انا شايفاها
لان اخت صاحبة اختى مخطوبه وشبكه وكده و خطيبها ده مسافر قطر
ف باباها اشترالها ميك وكاميرا كمان عشان تعرف تكلمه
وكمان باباها ومامتها يكلموه
فأكيد مش حرام ساعتها

"انا بشكرك جدا على ذوقك العالى يا اسيل "
ويا رب الكل يتعلم منك ومن مراميرو حبيبة قلبى لو هى لسه فاكرانى"
وعلى فكرة انا اسمى "هبة"

[رفعت فوزى]

الوضوع جميل بجد
بس انا شايف انهم بداو يزعلو من بعض بسبب الموضوع ده
يا ريت كل واحد ميزعلش من راى التانى
ثم احنا منقدرش نقول حلال وحرام من نفسنا كده
فيه شيوخ ازهر ودار افتاء و علماء متخصصين فى السائل الفقهيه
ولما يصدر فتوى بكده واجب علينا الطاعه طبعا
لكن كل انسان من داخله يعلم الحلال والحرام
وانا عن نفسى لما بحتار بسال نفسى سؤال
الحاجه دى الملك لما يجى يكتبها هيكتبها فى الحسنات والا السيئات
يعنى هو عمل خير ولا لا
وبالاجابه ممكن اعرف ولكن مبقولش لحد ده حرام او حلال طالما لم يوجد نص
وشكرا

[Maramero]

<div class='quotetop'>إقتباس(*محبة الله* @ Aug 20 2006, 11:46 PM) [snapback]196426[/snapback]</div>

مراميرو حبيبة قلبى لو هى لسه فاكرانى"[/b]

طبعا ف****ى يا هبهوبه انتى وسومة .. سلامى ليها كتييير يا حبى

<div class='quotetop'>إقتباس(عاشق الجمال @ Aug 21 2006, 12:20 AM) [snapback]196465[/snapback]</div>

ثم احنا منقدرش نقول حلال وحرام من نفسنا كده
فيه شيوخ ازهر ودار افتاء و علماء متخصصين فى السائل الفقهيه[/b]

اكيد طبعا كلامك صح ،، ووالله العظيم والدى داعيه اسلامى اصلا وجابلى فتوى ان الشات بين الجنسين تعتبر خلوة وحرام وقالى معملش كده تانى
ولو ماكنش ده عشان هو حرام يبقى عشان طاعه والدى ..
<div class='quotetop'>إقتباس</div>

وانا عن نفسى لما بحتار بسال نفسى سؤال
الحاجه دى الملك لما يجى يكتبها هيكتبها فى الحسنات والا السيئات
يعنى هو عمل خير ولا لا
وبالاجابه ممكن اعرف ولكن مبقولش لحد ده حرام او حلال طالما لم يوجد نص[/b]

هو ده احسن حل بجد ،، بارك الله فيك

وعموما انا عن نفسى مزعلتش من اى حاجة وعارفة ان اختلاف الرأى لا يفسد للود قضيه بس حسيت انكم اتضايقتوا من كلامى فقلت بلاش نقاش من النوع ده تانى احسن
واتمنى ميكونش حد زعل منى

وشكراااجزيلا اسيل على الموضوع ،، جزاكى الله خيرا

[أسيل رزق]

اهلا هبه
بس انا هقلك حاجة برده هيا اللى معايا وهتفضل معايا الى الابد ( انما الاعمال بالنيات )
انا مش عايزاكى تقتنعى بكلامى انتى اكيد كده احسن كده انتى فعلا قطعتى الشك باليقين
لكن عن نفسى انا مش بعمل حاجة غلط لما اكلم ولد فى المايك او افتح الكاميرا مع انى معنديش كاميرا الحمد لله
او اتكلم فى التليفون اى حد يقدر يوقلى انتى غلط
انا عارف ان شوشو شطار ( اللى هوا الشيطان ) :D بدلعه ممكن يعمل كل حاجة تخطر على البال
لكن الحمد لله انا ملتزمة بالصلاة والصوم يعنى ملتزمة بدينى يعنى اجدع ابليس ميقدرش يقربلى
والله اعلم باللى جاى
وسبقانى قلت انا لما بلاحظ حاجة اتغيرت بمسح الايميل خالص من عندى
وشكرا لرددكم جميعا مرة تانية

[أسيل رزق]

جزانا واياكم مراميرو
وشكرا لمرركم جميعا بالموضوع وابداء رايكم

[د/بسمة الاسلام]

أنا متفقة كل الاتفاق على الموضوع الأصلي
وسوف اشارك معكى وبكل قوة ان شاء الله
في حملة تطهير الماسنجرات
ولا تجادلوا يا اخونا
لان المجادلة من صفات اليهود ( حادثة البقرة )
لا داعى لمهاترات جانبية واحاديث فارغة والكل يحلل ويحرم كما شاء له
الحلال بين
والحرام بين