أول يوم .. أجمل يوم .. وانتم ايه الاخبار ؟؟

[**تسابيح**]

السلام عليكم ورحمة الله وبركاته
ازيكم ياجماعة.؟؟
يارب تكونوا بخير..
بصراحة أنا فرحانة أوووووووووي أووووووووووي
طبعا عشان رحت الكامحة وكدا يعني
بس كان يوم جميل جدااااااااا
مش عارفة انا كنت سعيدة وهطير من السعادة وعايزة اروح من 6 الصبح
(عشان ابيع لبن فيها)
اتفقت بقي انا وواحد قربتي ف سنة رابعة ف الكلية
اننا نروح 10 وقعدت بقي تديني الوصاية العشرة
لازم مش تتأخر .. المواعيد ,الانضباط
طلعت الساعة 10 بتاعتها دي بقدرة قادر 10 ونصف مش عارفة ازاي
وقبل ما اروح الكلية
بقول لبابا
أنا:: عايزة كشكول
بابا(بيتريق عليه ):: سطور واسعة ولا سطور ضيفة شكلك كدا عايزة مربعات
مقدرتش امسك نفسي من الضحك
أصلي بابا عسول أوووووي
وطبعا رحت الكلية والابتسامة ع وجهي
وطبعا كان نفسي اعمل ما قربتي حبيتي احلي واجب عشان تأخرها
لما وصلت اخذتني عشان نتفرج وصلنا لمكان طلع مدرح وبتاع أولي
بحسب مفيش حد معايا .. أول ما دحلت لقيت بقي ناس كثير
اعرفها ..سلامات بقي والذي منه
قعدت ارغي بقي مع العيال اصحابي

طبعا كنا عاملين نرخم ع بعض
اكتشفت بعد كدا ان فيه ناس من اتحاد الطلبة كانوا بيكلموهم
فصاحبتي طلبت من واحدة انها تقول بقي عن اتحاد الطلبة وكدا
بعد ما شرحت بقي ...
قلتها أنا عايزة ابقي رئيسة اتحاد الطلبة .. البنت عملت كدا بالضبط
وبعدين بتقول :: مرة واحد كدا وانت لسه ف اولي
قلتها : انا داخله الكلية عشان ابقي رئيسة اتحاد الطلبة
وبعدين بنت طلعت لواحدة كدا وبتقول للدكتوريا أستاذ
يالهوي الدكتور :: انا دكتور مش استاذ
اتنقلنا لمكان واسع كدا عشان نقعد براحتنا بقي واحنا قايمين بنقول لصاحبتي
بسرعة بقي
صاحبتي :: ليه .؟؟
أنا :: عشان نلحق اول بنج
طبعا كان الدفعة ادامنا انخبط ف طوبة فسمعوا صوت لقيت الكل بيبص
كان منظر رخم
طبعا ولا أخذنا محاضرة ولا حاجة
دا العميد ووكيل الكلية كل الناس الحلوة دي كانوا بيتكلموا ع انفلونوا الخنازير
وبعدين العميد بقول :: احنا في رحاب الكلية
انا وصاحبتي:: هي مين رحاب دي

اللي مزعلني بقي اني مش هروح الكلية كل يوم
هروح 3 ايام بس
طبعا لفينا ف الكلية وبعدين رجعت البيت بقي
بس كنت مسرورة جدااااااااااا وما زلت الصراحة
يارب انتم كمان تكونوا كنتم سعداء.....
انتم بقي عملتم ايه ..؟؟