مبروك كروت الفيزا قريباً

[وائل عبد المتجلى]

يا جماعة موضوع الصرف الالى ده مش زى ما انتم فهمين انا هوضح لكم الامر هو عبارة عن بطاقة مثل بطاقة التموين فقط الجهاز هيكون موجود عند الصراف فى المدرسة ويمر البطاقة فقط وتصرف الراتب بدون توقيع

[semba31]

احنا عندنا فى قنا لسة عاملين الاستمارات دى
وكل 1500 موظف حيكون ليهم ماكينة يصرفه منها يعنى فى مكاتب البريد اكيد وحتقدر تاخد مرتنبك من اى مكان بعد كدة والله اعلم

[محمد المسلم ابوعبده]

طيب محافظة فيها اكثر من 100 الف موظف ومفيهاش غير 15 ماكينة صرافة تعمل ايه

[وليد سرحان]

والمتعاقدين مقربوش يقبضوا بالفيزا

[Eslam Farouk]

المشاركة الأصلية كتبت بواسطة أبو القسام1

والمتعاقدين مقربوش يقبضوا بالفيزا

كله يا باشا .. متعاقدين واساسيين
انا متعاقد ومليت الاستمارة

[hamada_fg2003]

ان شاء الله خير

[gamal68h]

والناس اللى فى القرى تعمل ايه يعنى لازم يروحوا المحافظة نفسها او المركز اللى القرية تابعة ليه عشان يعرفوا يصرفوا مرتباتهم احنا المركز بتاعنا بكل قراه فيه ماكينة صرف واحدة بس الناس تعمل ايه لو راحت ولاقت فيه طوابير على الماكينة
المفروض فعلا الحكاية دى تبقى اختيارى
حسبى الله ونعم الوكيل فى دى حكومة

[أبو إنجى]

اسمحولى أدلى بدلوى فى هذا الموضوع،، وقبل أن أبدأ لابد وأن ابدى أسفى لأننا شعب مصر أصبحنا أجهل الناس بالتكنولوجيا الحديثة وأصبحنا فى ذيل الأمم وهذا واضح جدا من ردود الزملاء وتعليقاتهم والتى لا يمكن وصفها إلا بأنها شىء محزن حقا؟؟؟؟؟؟

- بالنسبة لموضوع استلام الراتب عن طريق البنك ،، هذا نظام معمول به فى غالبية دول العالم المتحضر من سنوات عديدة ومن فترة طويلة جدا جدا ومطبق فى دول الخليج منذ التسعينيات،،،،

وللمعلومية الموضوع ليس له علاقة من قريب أو بعيد ببطاقة الفيزا أو الماستر كارد،، لأن بطاقة استلام الراتب تسمىatm وظيفتها سحب الفلوس من حسابك أو الايداع فيه أو أى عملية أخرى مثل تسديد الفواتير والمشتروات............... وكل المطلوب منك كى تحصل عليها أن يكون لديك حساب((راتب)) لدى البنك وليس حساب جارى أو دفتر أو..... أى الموضوع ليس له علاقة بالربا أو خلافه.
وطبعا البنوك تستفيد من المبالغ الكبيرة المودعة لديها وأنت تستفيد من التكنولوجيا تسدد فواتيرك ومشترياتك من البيت وعن طريق النت,,,,,,,,

تقبلوا تحياتى

[mokhtar2002]

حسبنا الله ونعم الوكيل

[ايمن الشريف]

اين هى ماكينات الصرافه التى ستسع كل هذا العدد

[patient]

يظهر أن مصر ناقصة طوابير فهيذودوها شوية عشان مؤشر الضغط يرتفع عند الناس شوية اهو كل شغل ومصائب اقوام عند اقوام فوائد ............ ولله الأمر من قبل ومن بعد

[عبد العليم غزي]

طول ماورانا بطرس
واحنا هنفضل يتخصم منا على طول
وربنا يسترها معانا
البنك هيخصم منك عند كل قبض
وهتقبض في أول الشهر الميلادي
وما أدراك ما الطابور الذي ستقف فيه
ويمكن تطلع في النهاية مسروق
وتروح على الحديدة

[سهام 2050]

نسينا حاجة مهمة أو يمكن لم يتعرض لها أحد من الحضور هى ان الماكينة فى ساعات بتسف مبلغ من المال ولا تعرف تحصل عليه وشكرا

[النعم]

عفوا للسادة الزملاء الافاضل ----- عندى اقرباء يصرفون راتبهم من ا وكثر من عامين عن طريق مكن الصرف الالى وسالتهم كان كلامهم عكس المعلومات الخطاء التى ذكرها بعض الزملاء -اولا الصرف متاح 24 ساعة وعملية الخصم مقابل الخدمة هذا يتوقف على النظام المتفق عليه بين البنك والوزارة -عندهم لم يكن يخصم منهم شىء اذا تم عن طريق المكن المحدد فقط اما اذا صرف من مكن يوفر هذه الخدمة من بنك اخر ففى هذه الحالة يخصم مقابل الاستثناء بالاضافة انك ممكن تصرف فى اى يوم من الشهر بداية من موعد نزول الصرف للمرتب كما انك ممكن لاتصرف المبلغ كله مرة واحدة ويظل فى حسابك ولايترحل مهما طالت المدة بل يضاف اليه المرتب الجديد---- اما عملية الخطاء فى استخدام الماكينة مع التعود وتنفيذ الخطوات بدقة لن يحدث شىء باءذن الله ----واذا لم يتم الصرف نتيجة الخطاء تذهب للبنك وبيحل لك المشكلة ولكن تاخذ عدة ايام --------اذافكرنا بهدوء دون التسرع ورفض كل جديد سنجد لها مميزات كثيرة وبصراحة نحن شعب اذا تعودنا على شىء نخشىء تجربة غيره ناس عشرية

[النعم]

اضافة لتصحيح معلومة اخرى خاطئة فى اقوال السادة الزملاء ==المرتب بينزل على الحساب الجارى وليس استثمارى يعنى لايدخل فى اى استثمارات للبنك كما اسمع والله اعلم وهذا مقابل مبالغ تدفعها الوزارة او الهيئة للبنك لتوفير هذه الخدمة لموظفيها-------- يعنى لاطوابير ولاتزويغ وان شاء الله تكون تجربة مفيدة لنا متطورة للاسف احنا اتاخرنا جدا جدا فى تنفيذها صحيح ممكن يحدث اخطاء وبعض المشاكل فى البداية لعدم الدقة والاهتمام بتنفيذ الخطوات الصحيحة لكن مع التكرار هيفهم الشطار