كما توقعنا .. احمد زكى سوف يتغير و القادم مجدى قاسم

[اشرف المصرى]

بدر اتهمهم بالرشوة
اعتصام مفتوح للعاملين بالأبنية التعليمية
كتبت سماح صابر:
نظم مئات العاملين بهيئة الأبنية التعليمية علي مستوي المحافظات وقفة احتجاجية بالمقر الرئيسي للهيئة بالقاهرة بسبب اتهام الدكتور أحمد زكي بدر وزير التربية والتعليم لهم بالاختلاس وتلقي الرشاوي وقام بحرمانهم من المكافآت السنوية هذا العام.
ندد المتظاهرون بالسياسة الخاطئة التي يتبعها وزير التعليم منذ توليه الوزارة وأعلنوا تضامنهم في رفع دعوي سب وقذف ضده بسبب اتهامه المباشر لهم بالتربح وتلقي رشاوي من شركات المقاولات دون وجود أي مستند أو تحقيق أو إدانة من أي جهة من الجهات الرقابية.
هدد المتظاهرون بالدخول في اعتصام مفتوح بمقر الهيئة بمدينة نصر حيث تدخلت قوات الأمن لمنع تظاهرهم في شوارع مدينة نصر بعد توافد أعداد هائلة من العاملين بالأبنية التعليمية بجميع المحافظات مؤكدين انهم كانوا يعتمدون كل عام علي هذه المكافأة في سداد ديونهم والذهاب إلي المصايف وشراء مستلزمات أبنائهم إلا ان تدخل الوزير واتهامه لهم بالرشوة واقتطاعها منهم حرمهم من تحقيق أحلامهم المحدودة.

من يوم الهيئة ما انشئت والمدارس اصبحت فى حاله يرثى لها
كل هم الهيئة ان تجمل الشكل الخارجى للمبنى
دون اى اعتماد على توسيع الفصول او انشاء فصول جديده لاستيعاب الاعداد وتقليل الكثافة
ناهيك عن تعطل معظم اجهزة الكمبيوتر فى المدارس بسبب سوء الصيانه من طرف الهيئة وعدم قدرتها على المتابعة للعد الكبير من المدارس .
احدى طرائف الهيئة انها ترفض اى ترميم او تعليه لاسوار المدارس بحجة انها لابد من تقييم حاله السور اولا
وعندما يقوم مدير المدارس بتعليه الاسوار او انشاء لاى حجرة تحتاجة المدرسة او حتى دهان لاحد الفصول يتم تحويلهم للتحقيق اما النيابة الادارية

من رأى المتواضع حل الهيئة دى وتوزيع العاملين بها على الادارات التعليمة مع الزامهم بالعمل المباشر مع المدارسس كما كان قديما

اخر كلمة
مجرد تساؤل عبيط : هو المكافأة السنوية اللى منعها عنهم الوزير كام ؟
والاعبط بقى ان تقارنها بمكافأة المعلمين التى يحدسنا عليها الاخرين

[سارةالنودى]

طب ياجماعة انا عندى مشكلة خطيرة جدا انا منقولة هذا العام من الخليج يعنى مش بندرس فرنساوى وبالتالى بيحصل اعفاء من المادة ولكن المشكلة ان مجموعى اصبح 155 درجة يعنى كل درجة ونص تقريبا 1% وانتم عارفين ان الفرنساوى مادة مجموع وطبعا اكيد هنقص كتير فى الرياضة والانجليزى اعمل اية تنصحونى بايه

[NeVeR CoMe BacK]

يا جماعة هو الدكتور احمد زكى انا شايفة ان اللى عمله ده صح بس مكنش المفروض يبدا كده علا طول بالامتحانات الصعبة من اول سنة يعنى مثلا السنة يميشها كده علشان حتى موضوع انفلوانزا الخنازير وكده وغير كده كمان كان لمفروض يجيب الامتحانات صعبة السنة الجاية يعنى السنة يجيبها صعبة شوية بس مش اوى علا اساس انه يخلى الطلبة تزاكر وكده ويجى بقا السنة الجاية ويشدها وهكذا دا لو هو فعلا عايز يرجع التعليم زى زمان مش يجى كده مرة واحدة ويخلى الامتحانات تيجى صعبة كان المفروض يمهد للطلبة الاول دول عشان حتى يعمل حساب السنة الفراغ دى والطلبة اللى مأجلين مواد حرام يضيع تعبهم كده فى الفاضى يعنى السنة اللى فاتت الامتحانات تية سهلة والطلبة اللى اجلو ندموا علا انهم اجلة السنة دى وكمان نيجى احنا نحبطهم بالامتحانات الصعبة والله كده حرااام بجد

[أستاذ/شفيق الأخضر]

المشاركة الأصلية كتبت بواسطة nabila

تعود اولياء الامور والمدرسين كل سنة على امتحانات الى حد ما مرضية والاخر المجموع المتين الى لايودى ولا يجيب زى سعر الجنية واغراق السوق بالمجاميع التمام ومفيش كليات حد بيدخلها
دة الفخ بتاع الوزارة والناس تبقى مبسوطة لكن الوزير الشجاع هيرجع المجاميع لزمان باسعار زمان علشان الاولاد يدخلوا كليات
مش 99% يا فرحتى مش رايح فى حتة انما لوجاب الطالب 80% ودخل طب اية المانع يا ناس فوقوا تحية للراجل المحترم الذى اعاد للتعليم قيمتة الحقيقية

وأنا أؤيدك في الراي
انه حقا وزير محترم
وسأحزن عند تركه للوزارة التى عاد لها الانضباط من جديد على يديه

[عبدالله55]

والله وزير محترم وفيها ايه لما يقول انه هيسلم على اللى يجيب 85% طيب ماهو وفتها الطب هيكون من80% والهندسة من 75% زمان كانت الأمور كده قبل ماييجى أخونا فتحى شرور ويخربها ويخلى الطلاب يجيبوا 102% .. لاتحبطوا من يحاول الاصلاح ودعوه يعمل وفقنا الله جميعا والسلام عليكم ورحمة الله وبركاته

[emadcom]

سبحان الله يغير ولا يتغير

[thechampion]

الحمد لله انه ماشى فى 60 ....................
ده اولا
ثانيا مين مجدى قاسم
ثالثا يا استاذ رضا الجوهرى مين عرفك ان القرار اتخذوه وقلى وفرحنى
رابعا اغلب الردود مستفذة وكلهم بيقولوا ان الطلبة هما للى وحشين والامتحانات جميلة ووووو
طب ايه رايكم احنا واجهنا تعنت الوزير باننا غشينا
والمراقبين مشدوش قوى علينا بدرجة كبيرة
اللى كتب على الادوات واللى واللى كتب على الديسك واللى كتب على الحيططة
انما اللى محترم اللى ملوش فى الغش هيعمل ايه