هندسة او حاسبات ؟؟؟

[-The-Ghost-]

يعني ينفع أدخل هندسة و في نفس الوقت اشتغل في البرمجة ؟؟
ولا فرص الشغل هتبقى وحشة

[ahmed yay]

المشاركة الأصلية كتبت بواسطة -the-ghost-

يعني ينفع أدخل هندسة و في نفس الوقت اشتغل في البرمجة ؟؟
ولا فرص الشغل هتبقى وحشة

دا هو اللى انا ناوى عالية.

[-The-Ghost-]

المشاركة الأصلية كتبت بواسطة ahmed yay

دا هو اللى انا ناوى عالية.

يا ريت حد يفيدنا

[eng.ahmed55]

المشاركة الأصلية كتبت بواسطة -The-Ghost-

يعني ينفع أدخل هندسة و في نفس الوقت اشتغل في البرمجة ؟؟
ولا فرص الشغل هتبقى وحشة

اه طبعا ينفع تشتغل برمجة وانت ف هندسة بس مش هتكون متعمق فيها والبرمجة ليها مستويات
ممكن تشتغل على مستوى عادى ممكن object oriented ودى بتبقى مستوى اصعب
على فكرة البرمجة لاتقتصر على كتابة كود معين وهى دى التعمق ف حاسبات
فيه حاجة اسمها compiler ودى بتحول الكود لحاجة مفيدة ودى فى حاسبات
ف هندسة بيدرسوا مقدمة بس عن الداتابيز بيعرفوا بس هيا ايه انما مش بيتعمقوا فيها
ارجو انى اكون افاتدتكم
وربنا يوفقكم

[ahmednady]

المشاركة الأصلية كتبت بواسطة -the-ghost-

يعني ينفع أدخل هندسة و في نفس الوقت اشتغل في البرمجة ؟؟
ولا فرص الشغل هتبقى وحشة

الله ينور عليك
انا فعلا ناوى على كدة
هاقلب من المحاضرات فى كلية الهندسة واروح احضر فى حاسبات

[ahmednady]

على فكرة يا eng.ahmed55
انا من الزقازيق
ابقى احجزلى مكان جنبك بقى فى الدكة
قصدى البتاع اللى بتقعدو عليها دى فالكلية

[egt2007]

معلش اللى فهمته كده اللى هيدخل هندسة حاسبات و هياخد السوفتوير من بره علشان يشتغل يبقى دخل كلية الهندسة بس علشان اللقب

[eng.ahmed55]

المشاركة الأصلية كتبت بواسطة egt2007

معلش اللى فهمته كده اللى هيدخل هندسة حاسبات و هياخد السوفتوير من بره علشان يشتغل يبقى دخل كلية الهندسة بس علشان اللقب

محدش يقدر ياخد السوفت وير من بره فى مواد مفيهاش كورسات خالص ودى مش بتدرس الا فى حاسبات
ممكن بقى تاخد برمجة داتابيز حاجة زى كدا انما فيه مواد كتييييييير متقدرش تاخدها من بره وبالتالى مش هتبقى فاهم شغلك كويس وده الفرق بين خريجين اللية واللى واخدين كورسات

[hesham2077]

بجد (ايه سيفن ايه)

[ريما_eng]

من الخر كده ومحدش يتريق عليا انا بصراحة مش فاهمة حاجة من اللي قولتوه بس انا عايزة اعرف كل حاجة عن الكمبيوتر كل حاجة ادخل ايه لو حد ممكن يفهمني بتبسيط اكتر يا ريت

[ريما_eng]

من الخر كده ومحدش يتريق عليا انا بصراحة مش فاهمة حاجة من اللي قولتوه بس انا عايزة اعرف كل حاجة عن الكمبيوتر كل حاجة ادخل ايه لو حد ممكن يفهمني بتبسيط اكتر يا ريت انا رايحة تالتة ثانوي وعلمي رياضة

[eng_m.e]

يا جماعة احنا كنا عملين زيكم كدا بس اما دخلنا كلية الهندسة عرفنا الله فيها فى كلية هندسة قسم حاسبات ونظم المعلومات دا عشان الكمبيوتر والبرمجة وفي كمان قسم الاتصالات والالكترونيات ودا عشان الجهزة الدقيقة اما بتدخا هندسة وتيجى وقت تنسيق الاقسام بترجع تقول حاسبات ايه دا فى اقسام احسن بس اللى عايز شغل الكمبيوتر فعلى حاسبات بارادته وكمان هندسة حاسبات اللى اعرفه اللى لها نقابة اما كلية حاسبات ملهاش معلش طولت عليكم

[eng aya]

بجد بجد احسن كلية من وجهة نظرى انا امادخلت الكلية دى بجد عرفت قيمة حاسبات ومعلومات انا كان لى زميلة فى كلية هندسة قسم اتصالات وراحت تقدم لشغل فلاقت انهم بياخذوا كلية حاسبات ومعلومات الاول وبعد كدا يدوروا على هندسة ايه السبب :
لان كلية حاسبات ومعلومات دى بتاخد البرمجة ومواد التخصص بالكمبيوتر من اول يوم تدخل الكلية فيه والدراسة فيها مش لعب عيال زى ما البشمهندس الفاضل قال عنها كلام وهو اساسا مش عارف ايه هى كلية حاسبات ومعلومات البرمجة دى متعة وعند البشمهندس لما بيقول انها شوية اوامر تتحفظ ويطبقها فهو ما اعتقدش انه يعرف ايه هى البرمجة البرمجة دى متعة وعاوزة تفكير واهم حاجة انك تعرف ايه هى المشكلة وتحاول تحلهاوتفكر جيدا وتشوف ايه اللازم لكى تعمل كود يحل هذه المشكلة ولكن اللى فاهم ان البرمجة دى حفظ اوامر فده اعتقد انه لايعرف اى حاجة عن كلية حاسبات ومعلومات
واخيرا انا بجد فخورة انى فى حاسبات ومعلومات