أظن كده أقدر أقول لكم ألف ألف ألف ألف ألف ألف ألف ألف مليون مبروك - الصفحة 3

رائحه الورد · #31 20-12-2010, 01:45 PM

شكرا يا مستر عبده على محاولتك رسم البسمه على وجوهنا وادخال السعاده على قلوبنا ولكن للاسف احنا مش بقينا نصدق اى اخبار من الجرائد لان الكلام ده سمعناه وقراناه كتير ولكن فى النهايه لا نجد تنفيذ قرانا حضرتك نفس الكلام فى شهر يوليو كتبت جريده الاهرام المسائى انه سوف يتم تعيين 40 الف فى شهر اغسطس ولم يحدث شئ حتى الان وكذلك جريده اليوم السابع قالت ان التعيين فى شهر نوفمبر اى بعد مرور عام على امتحانا وكذلك لم نرى شئ حتى الان . انا مش متشائمه ولكنى واقعيه وعموما الف شكرلحضرتك ويكفى ان حضرتك مهتم بينا وبتاول تفرحنا لكن هو ده الواقع.ربنا يوفقك ويريح قلبك ويكتب لك الخير والسعاده

ابن الأكرمين · #32 20-12-2010, 02:26 PM

اقتباس:

المشاركة الأصلية كتبت بواسطة رائحه الورد

شكرا يا مستر عبده على محاولتك رسم البسمه على وجوهنا وادخال السعاده على قلوبنا ولكن للاسف احنا مش بقينا نصدق اى اخبار من الجرائد لان الكلام ده سمعناه وقراناه كتير ولكن فى النهايه لا نجد تنفيذ قرانا حضرتك نفس الكلام فى شهر يوليو كتبت جريده الاهرام المسائى انه سوف يتم تعيين 40 الف فى شهر اغسطس ولم يحدث شئ حتى الان وكذلك جريده اليوم السابع قالت ان التعيين فى شهر نوفمبر اى بعد مرور عام على امتحانا وكذلك لم نرى شئ حتى الان . انا مش متشائمه ولكنى واقعيه وعموما الف شكرلحضرتك ويكفى ان حضرتك مهتم بينا وبتاول تفرحنا لكن هو ده الواقع.ربنا يوفقك ويريح قلبك ويكتب لك الخير والسعاده

ان شاء الله عيد المعلم بعد أربع أيام
لو لم يتم التعيين أو تحديد موعده فلن يكون هناك تعيين

اميرة مهران · #33 20-12-2010, 02:27 PM

يارب ديما اخبار تفرج منك يا وش الخير
بس انا مرحلة ثانية يعنى قدامى فترة بس املهم نبدا الخطوة الاولى والمرحلة الاولى تتعين
وربنا يسهل
ميرووووو اسكندرية

m.a.h.2050 · #34 20-12-2010, 04:26 PM

اقتباس:

المشاركة الأصلية كتبت بواسطة مروة المصرية

على قد ما أنا متفائلة بس مش هصدق التعيين إلا لمايقولولى إمسكى فى يدك خطاب التعيين من كتر إللى شفناه من هذه الوزارة

عندك حق يا ابلة مروة
بس سؤال هو انت فرحانة انك مصرية اوي كده ولا اسمك كده فعلا

مروة المصرية · #35 20-12-2010, 04:33 PM

اقتباس:

المشاركة الأصلية كتبت بواسطة m.a.h.2050

عندك حق يا ابلة مروة
بس سؤال هو انت فرحانة انك مصرية اوي كده ولا اسمك كده فعلا

والله من كثرة غيظى من نفسى إن أنا مدرسة وعايشة فى البلد دى كتبت كده وخلاص*مش حبآ فيها ولا حاجة*وعلى فكرة أول فرصة لى ان اسيبها هسيبها*علشان تعرفوا مدى حبى لها

zemosat · #36 20-12-2010, 04:35 PM

مين قال إن التعيين فى يوم عيد المعلم
المواعيد دى احنا اللى بنقولها من عندنا عشان نصبر بها نفسنا

يارب

وارحم بجودك عبدا ما له سبب لا يرجو سواك ولا علم ولا عمل
يا من به ثقتى يا من به رجائى يا من عليه ذوو الفاقات يتكلــوا
ادرك بقية من ذابت حشاشته قبل الفوات فقد ضاقت به الحيـــل

علاء الزهيرى · #37 20-12-2010, 05:48 PM

انا سمعت انهم حاطولنا شرط للتعيين كمان غير رخصة الكمبيوتر
قال ايه نشتغل فى محو الامية حد سمع الكلام ده ولا دا اشاعات
حد يرد عليا

وليد عبد العظيم بركات · #38 20-12-2010, 06:11 PM

الحمد لله رب العالمين

علي عضاضلي · #39 20-12-2010, 06:17 PM

[quote=مروة المصرية;2930952]على قد ما أنا متفائلة بس مش هصدق التعيين إلا لمايقولولى إمسكى فى يدك خطاب التعيين من كتر إللى شفناه من هذه الوزارة

[/
quote]
على رأي الاعلامي مدحت شلبي:
اتفق معاكي تماماااااااااااااااااااااااااااااااااا

ريهمسة · #40 20-12-2010, 06:51 PM

أكد الوزير ان نتيجة المرحلة الاولى من التطوير هى ان 43 الف معلم مساعد حققوا المعايير المطلوبة للترقى والتثبيت فى كادر المعلم الجديد وسوف تصدر الاكاديمية لهم شهادات الصلاحية وبحكم القانون لابد ان يتم تعيينهم فورا ولا يعنى وجود بعض القرارات التنظيمية .. التأجيل او الانتظار.

من جريدة الاهرام

جارةالوادى · #41 20-12-2010, 10:43 PM

الوزير قال بنفسه الكلام ده قبل كدة فى قناة المحور ورجع هرب من نفس السؤال لما كان فى مؤتمر انتخابى مع عبدالسلام المحجوب فى الاسكندرية يعنى ان شاء الله هى خطوة قادمة ومش بمزاجهم طبعا لان ده قانون بس محدش عارف هما ممكن يطلعو نفسهم من المأزق ده ازاى وينفذو القانون امتى ؟؟؟؟؟؟؟؟؟؟
يعنى مع احترامى لاسماء الصحف المذكورة بس لازالت الصحافة فى بلدنا كلام جرايد عشان بلدنا دى مفيهاش حاجة اكتر من الكلام اصلنا بنسترخصه اوى والمصريين لما يسترخصو حاجة بقى انتو عارفين
من الاخر كدة محدش همه قلقنا ولاحرق دمنا ولاوقف حالنا اصلا ان كان حد بيفتكرنا يعنىعندهم حق على فكرة حالهم ماشى والمدارس شغالة والتدريس بقى مهنة من لامهنة له وكل الناس حتى الدبلومات عايزة تشتغل ولو بالحصة بالعربى كدة هتتقضى ولو من غيرنا يعنى
فمن باب النصح محدش يعلق اماله بكلام حكومة تلفظ انفاسها الاخيرة وبتلم ورقها عشان غيرها يجى يستلم ويكمل فى مص دمنا دااذا كان لسة فاضل عندنا دم من اصله هما كانو عملو حاجة فى الاول عشان هيعملو فى الاخر
وعموما يااستاذى الفاضل سلمت وسلمت لنا نبرتك المتفائلة وشكرا لامنياتك الجميلة ومتابعتك الحية المستمرة لكل مايتعلق بتعيين المتعاقدين وطبعا لاتحرمنا دعواتك

جارةالوادى · #42 20-12-2010, 11:29 PM

اقتباس:

المشاركة الأصلية كتبت بواسطة علاء الزهيرى

انا سمعت انهم حاطولنا شرط للتعيين كمان غير رخصة الكمبيوتر
قال ايه نشتغل فى محو الامية حد سمع الكلام ده ولا دا اشاعات
حد يرد عليا

يااخى خضتنى لما قلت شرط جديد غير الرخصة والتربوى انا قلت عايزين لبن العصفور او شعر السمك او بيضة الديك حاجة كدة يعنى
بس سهلة مادام جت على محو الامية لانها اصلا مش موجودة فىاى بند من العقد بس ليه لاء ممكن المحافظ بما ان قرار التعيين لازم يوقع عليه يقرفنا ويحط الشرط ده كل شىء متوقع هى جت على المحافظ يعنى