استطلاع الجزيرة محايدة ام مغرضه + اراء

[mr_ehab4m]

مع كل احترامي وللجميع الحرية مع حفظ الادب والالتزام بالاخلاق واصول الحوار فكلنا مصريون وبنحب مصر
وهذه ارائي فقط هي صواب تحتمل ان تكون خطء وكذالك من يختلف عنها فهو خطء يحتمل ان يكون صواب

الجزيرة قناة مغرضه استغلت فساد التلفزيون المصري وضعف مصداقيته ووزير الاعلام من كوارث هذه الحكومة وايضا وضعف قدرات وتغطية الاعلام الخاص مقارنتا بقدراتها وامكانيته
هدفها هو ضياع مصر حتي تصبح قطر اولا لأن العقبة الوحيدة امامها هو مصر ويكفي انها تنقل الاخبار التي تثير فقط ولا غير ولا تستضيف الا من يعارض ولو واحد دخل وايد ما يكملوش كلامه وكمان بيتصلوا بناس معينه هما واثقين في رفضهم وهضرب لكم امثله

الخميس الذي قبل جمعة الرحيل((مباشر))
ظلت تعرض 3 مقاطع فيديوا واهمهم هو مشهد لضرب سيارة مضرعة خاصة للشرطة لمجموعه من المتظاهرين ماخوذ من اعلي كوبري وعرضتها تقريبا بعد العصر ولمدة ساعتين متواصل تقريبا وبعد اكتر من ساعة من عرضه كتبت عليه ( تسجيل ) بالله عليك لما تلاقي الكلام ده علي الجزيرة مباشر مش هتفتكرة بيحصل في نفس الوقت ومش هتنفعل وتضايق

احد خطابات رئيس الوزراء ((الجزيرة مباشر))

وهو الخطاب الذي كان معه 4 وزراء التضامن والتجارة والمالية ومش فاكر الرابع
الحمد لله اتكرمت وعرضته وبعد ما قال رئيس الوزراء كلمته الابتدائية عن ان كل وزير هيتكلم اولا ثم انه هو هيتكلم في الاخر وبعد ما قال كل وزير كلمته كان رئيس الوزراء هيقول الكلمة النهائية ويجاوب علي الاسئلة وكان الحوار ممتاز ومبشر ومطمئن وجميل تخيلوا عملت ايه قطعت الخطاب وكان الباقي هو الاهم اجابة رئيس الوزراء علي الاسئلة ولأنه حست انه هيهدي الناس علي طول وزي ما كنت متوقع كانت محضرة ايضا الفيديوهات المثيرة وكانه حست ان الناس هتهدي فلازم تولعها
الاتصالات(طبعا الفديوهات دي لخوات وابهات واولاد لينا مصريين وانا حزين ايضا عليهم ولكن اعتراضي علي التوقيت )
غالبية الاتصالات الجزيرة هي التي تتصل بأشخاص معينين تعرف ردهم مسبقا واذا ما دخل شخص وبان انه هيؤيد علي طول (شكرا وجهة نظرك واضحه ) وبالله عليكم هو في حد بيأيد بيظهر عندهم الا لو كل سنه مره
الاختزال
اختزلت كل مصر في ميدان التحرير وطبعا مع الاستمرار في الشحن ظهرت اماكن اخري وزادة الفتنه
وسؤال مهم هي ليه ما بتجيبشي اي اخبار من الجيدة او الي اقصده قررات الوزراء ورئيس الوزراء
واستغراب شديد هي مصر كلها ميدان التحرير وكل الناس عيزا الرئيس يمشي




اخطاء في عد المتظاهرين
في مرة كتبوا 60 الف متظاهر في المنصورة للرحيل اتصل واحد قال لهم انتوا جبتوا الكلام ده منيين دول هما 3 الاف نصهم مؤيد وطبعا ولا عبروا

اخبار كاذبة
كتير بس الي اذكره واقعة نجيب سويرس وانه سافر وفضل الراجل يتصل بيهم ولا عبروه ولا اعتذروا ولا كذبوا الخبر


الحقيقه من وجهة نظري
بالاضافة الي الفساد السابق والاحوال الداخلية
ان احنا انهزمنا اعلاميا بكل المقاييس من قطر لفساد و لغباء اعلمنا الرسمي وكمان اقتصاديا زي ما قدرت تحاول تطردنا من الجزائر لما بيحولوا يحل محل شركتنا في الجزائر
و وقلة امكانيات الفضائيات المصرية مقارنة بهم وكمان لفرقة اعلامنا الخاص اتعجب من توحدهم في حادث كنيسة القدسيين وما فيش حلقه واحده اتجمعوا فيها الاعلاميين المصريين حاليا وطبعا مش قدرين يغطوا كل شئ وشوية شوية بيغير منهم ناس مواقفهم وبيمشوا وراء العاطفه بالثأر من الرئيس بعد الاحداث المؤسفة والمحزنه يوم الاربع في التحرير ودم الشهداء

وكمان بمواقفنا الخارجية السلبية خسرتنا الحكومة كتير في الوقت الي قطر عندها قاعده امريكية وحسب علمي خرج منها سلاح الي اسرائيل وقت حرب غزة والي القوات الامريكية في العراق بس نقول ايه صوتهم في قطر اعلي من صوت حكومة مصر

ملحوظة سريعه

انا من المحلة الكبري اي من المدينة التي كانت بداية التظاهرات من 6 ابريل 2008 فيها وكانت اول تجربه ان التظاهر بيجيب نتيجه والسيناريوا المصغر سابقا لما حدث من مواجهات قوية وفشل الشرطة في السيطرة والمحلة هي ثالث مدينة في مصر من حيث عدد السكان اي ليست صغيرة

في 25 يناير الاف كثيرة خرجة ولم اشهد اليوم من اوله للأمانه شهدت جزء منه
في 28 يناير جمعة الغضب اعداد لم اراها في حياتي لا تقل عن 100 الف او 150 الف انسان ( المنظم الاساسي والذي حافظ علي النظام وعدم الاحتكاك في الاول هم الاخوان وخاصتا فكرة المكرفونات والصلاة في الشارع بصراحة ساعة الصلاة سابقا الغالبية لا يصلوا )

والاهم
في الجمعه الثانية للتظاهرات جمعة الرحيل
عدد المتظاهرين لا يتجاوز 10 الاف الاغلبية العظمي فيهم من الاخوان وكثير من الناس حولهم يتفرجون او يصورون

فلاحظوا فرق العدد

وبالنسبة لرئيي
انا عن نفسي الرئيس كشخص مش فارق معايا الي فارق هي مصر فيفضل منظر ورسميا ( تلاحظوا انه ما عدشي بيظهر في الصورة حتي قرراته بتشكيل ال3 لجان الي اعلن عنها سليمان ) لغاية ما تتصلح الامور شوية من دستور ومجلش شعب حتي لو نصه اعيد انتخابهم والنص التاني فضل مزور ومستنيين قررات النقض او حتي بدون اسقاط اي عضوية اهو يعدي الدستور وبعدها المجلس يغور المجلسين وينحلوا بس تكون مصلحة المصريين تمت
بس واحده واحده عشان ما يضعش الاقتصاد وبيوت الناس الي بيعتمدوا علي السياحة (والي له حد في السياحة يعرف الحال ) وخاصتا العمال وغيرهم والانتقال في السلطة يكون منظم وبدون مشاكل ومفاجئات وسؤال هما الناس بتوع الجمال ( العاملين في السياحة ) من امته بيدخلوا في الحجات دي هما في الاوقات العادية مستنيين حد يجي يدفع ليهم عشان يتظهروا بالاسلوب الهمجي ده دول ما دخلوش الا لما اتخنقوا وسواء اتدفع ليهم فلوس او لأ فهما مش محتاجين حد يدفع لهم عشان يبقوا عيزين الميدان يفضي والبلد تهدء عشان اكل عشهم
والاهم حاليا نحكم عقلنا ولا قلبنا
لو حكمة قلبي فلازم الرئيس ما يرحلش لأنه لازم يسقط من الحكم مش يتنازل ويعاقب هو والجميع علي اخطائهم واظن بتوع التحرير بيحسبوها كده بقلبهم انهم عيزين دم الشهداء ولا يثقوا بالحكومة مع ثقتي ان الرئيس والحكومة مش هو الي بعت المؤيدين للتحرير لأنه اكتر واحد وقع عليه الضرر والحكومة كانت زمنها كسبت كتير لولا الحادث
اما عقلي فكما قلت سابقا يبقي كشل رسمي فقط حتي لا تغرق مصر اكتر


ولو حدثت انتخبات مجلس شعب حاليا فليست الشرطة جاهزة والثقه منعدمة فيهم والامور غير مستقرة وسيكون الاخوان اكثر مجموعه تحصد الاصوات لتنظيمهم ولأن كل مرشح سيبدء الانتخبات وعرض نفسه ومعه الالاف بعكس الكثير من المستقلين وخاصتا ان الوطني خلاص مع السلامة والبلد تحتاج الي هذه الاشهر القليلة ليخرج كل حزب ويعد برامجه من جديد علي الظروف الجديده وكذالك كل مرشح ونقارن بين المرشحيين وخاصتا منصب الرئيس ولذالك اتفق مع عمر سليمان في اننا لسنا في هذه اللحظه جاهزين للديمقراطية وليس طبعا في رئيي لجهلنا ولا لعدم نضجنا وانما لضيق الوقت ولحاجتنا لوقت لمعرفة الاحزاب واستقرار الامور وطبعا ده العادي في مصر ما بنجيش الا في الاخر ونشتغل ان شاء الله الحال يتغير
واخيرا بطلب من كل اخ ما زال مصر علي رحيل الرئيس ومصر علي الاعتصام في يدان التحرير
سيبوا المركب المثقوبة توصل للميناء وتتصلح مظبوط وبعدها تبحر تاني واكيد هتبحر المرة دي اقوي واقوي مما سبق وبلاش نفضل نوقف البلد لأن المركب ملايانه ثقوب وما اظنهاش هتستحمل انها تبحر في عرض البحر وخاصتا ان ركبها مش متفقين ومش فجأه هنقدر نجيب طقم بحارة جديد ولأن الميدان مش هيتسرق واستحاله الشعب الي شاف الحرية هيقبل انه ينزل تاني وسعتها يكون الشعب كله واغلبه 86 مليون مش حوالي 6 مليون بس بيتظهروا